ដោយសារបញ្ហា ស្នេហាត្រីកោណ មានមនុស្សចំនួន ៣ នាក់ ក្លាយជាឧក្រិដ្ឋជន !

បន្ទាយមានជ័យៈ កាលពីថ្ងៃទី ២៦ ខែកុម្ភៈ ឆ្នាំ២០១៩ សមត្ថកិច្ចស្នងការនគរបាល ខេត្តបន្ទាយមាន ជ័យ សមត្ថកិច្ចអធិការ ស្រុកថ្មពួក ព្រមទាំងមានការសហការជាមួយ ប្រជាពលរដ្ឋ ក្រោមការបញ្ជាផ្ទាល់ពីលោក ស្នងការនគរបាល ខេត្តបន្ទាយមានជ័យ ដោយមានការយកចិត្តទុកដាក់ ឈានដល់ការកំណត់ មុខសញ្ញាចាប់ឃាត់ខ្លួន ជនសង្ស័យចំនួន ៣ នាក់ មានៈ ឈ្មោះ ស៊ន់ ផាត ភេទប្រុស អាយុ ៣៦ ឆ្នាំ ឈ្មោះ ស៊ន់ ភ័ក្ត្រ ភេទប្រុស អាយុ ៣៣ ឆ្នាំ និង ឈ្មោះ សាន ហ៊ីង ភេទស្រី អាយុ ៣១ ឆ្នាំ អ្នក ទាំងបីនាក់មានទីលំនៅភូមិធ្លក ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ​ ។ ប្រជាពលរដ្ឋនៅក្នុង ភូមិធ្លក បាននិយាយតៗគ្នាថា ជារឿងស្នេហាត្រីកោណ ដែលមិនអាចសម្របសម្រួលបាន ទើបឈាន ដល់ការសម្លាប់នេះ ។

សូមរំលឹកផងដែរថា កាលពីថ្ងៃទី ២៦ ខែ កុម្ភៈ ឆ្នាំ ២០១៩ មានឈ្មោះ តុន ឬ ថុង ( នៅក្នុងបណ្តាញ ទំនាក់ទំនងសង្គម ក្នុងគណនេយ្យ មានឈ្មោះថា អ៊ីន អ៊ីន ) ត្រូវបានគេប្រទះឃើញសាកសព ស្លាប់ ដោយគេដុតនឹងកងឡាន នៅភូមិថ្មរមៀល ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ ។

នៅព្រឹកថ្ងៃទី ២៧ ខែ កុម្ភៈ ឆ្នាំ ២០១៩ សមត្ថកិច្ច បានយកជនសង្ស័យទាំងបីនាក់ ទៅធ្វើត្រាប់តាម ទៅលើអំពើរបស់ខ្លួន ដែលបានប្រព្រឹត្តទៅលើជនរងគ្រោះ ដោយដុតនិងកង់ឡាន ៕