ក្រចេះ៖  សមត្ថកិច្ច កំពុងតែដុតដៃដុតជើងស្រាវជ្រាវ  រកមុខសង្ស័យជនដៃដល់ជាក្មេងស្ទាវមួយក្រុម ដែលបានស្ទាក់វាយបុគ្គលឹកកាសែតបាត់ដំបងប៉ុស្តិ៍គ្រាដែលជនរងគ្រោះជិះម៉ូតូត្រឡប់មកពីរាំធុងបាស់វិញ បណ្ដាលឲ្យធ្លាក់ពីលើម៉ូតូ ហើយព្រួតគ្នាវាយជនរងគ្រោះ បណ្ដាលឲ្យស្លាប់នៅហ្នឹងកន្លែងយ៉ាង អណោចអធម្ម។ 

ហេតុការណ៍ខាងលើ បានកើតឡើង កាលពីវរលាម៉ោង០០,១០នាទី យប់ថ្ងៃសៅរ៍ រំលងអាធ្រាត ឈានចូលថ្ងៃអាទិត្យ ទី៤ ខែកុម្ភះ ឆ្នាំ២០១៩ ត្រង់ចំណុចផ្លូវកែង៨៨ ភូមិជើង ឃ្លេ ឃុំ២ធ្នូរ ស្រុកស្នួល ខេត្តក្រចេះ ។ប្រភពពីសមត្ថកិច្ចបានឲ្យដឹងថា ជនរងគ្រោះឈ្មោះ ស៊ន សិទ្ធី ភេទប្រុស អាយុ១៨ឆ្នាំ ស្នាក់នៅឃុំស្នួល ស្រុកស្នួល ខេត្តក្រចេះ នឹងមានកាន់បណ្ណ័សម្គាល់ខ្លួន(ID)គេហទំពរ័បាត់ដំបងប៉ុស្ត៍ផងដែរ។តាមប្រភពពីកន្លែងកើតហេតុ បានឲ្យដឹងថា នៅមុនពេលកើតហេតុ ជនរងគ្រោះមានគ្នា៣នាក់ នាំគ្នាជិះម៉ូតូទៅរាំធុងបាស់ នៅចំណុចគ-មលេខ៩០ ភូមិជើង ឃ្លេ ឃុំ២ធ្នូរ ស្រុកស្នួល ពេលត្រឡប់មកផ្ទះវិញ ពួកគេជិះម៉ូតូឌុបគ្នា៣នាក់ ដែលឈ្មោះ នី ធិរ៉ា ជាអ្នកបើកម៉ូតូ នឹងឈ្មោះប៉ែ ជិះកណ្ដាល ចំណែកជនរងគ្រោះជិះពីក្រោយគេ លុះមកដល់ចំណុចកើតហេតុ ស្រាប់តែលេចមុខ ក្រុមជនដៃដល់មួយក្រុម ស្ទាក់ចាំវាយ ហើយយកដុំថ្ម គប់ទៅលើជនរងគ្រោះចំក្បាលផ្នែកខាងក្រោយ ធ្លាក់ពីលើម៉ូតូ រួចព្រួតគ្នាវាយរហូតដល់ស្លាប់ នៅកន្លែងកើតហេតុតែម្ដង។ក្រោយកើតហេតុ ក្រុមជនដៃដល់ បាននាំគ្នារត់គេចខ្លួនដោយសុវត្តិភាព ខណះពេលនោះដែរ គេឃើញជនរងគ្រោះដេកស្លាប់ នៅចិញ្ចើមផ្លូវ ក្បែរព្រៃ។ក្រោយកើតហេតុ សមត្ថកិច្ចក៏បាន ចុះទៅដល់កន្លែងកើតហេតុ នឹងបានប្រគល់សាកសពឲ្យក្រុមគ្រួសារ យកទៅធ្វើបុណ្យតាមប្រពៃណី។ទោះជាយ៉ាងណាបច្ចុប្បន្ន សមត្ថកិច្ចកំពុងតែដុតដៃដុតជើងស្រាវជ្រាវ  រកមុខសង្ស័យជនដៃដល់ដើម្បីយកមកផ្ដន្ទាទោសតាមច្បាប់៕