ក្រុមហ៊ុន ទ្រព្យយើង នឹងរៀបចំសិក្ខាសាលា នៅសណ្ឋាគារព្រះច័ន្ទ ស្តីពីជំនួញ និង អចលនទ្រព្យ

សិក្ខាសាលា នៅសណ្ឋាគារព្រះច័ន្ទ ស្ថិតនៅភូមិក្បាលស្ពាន សង្កាត់អូរអំបិល ក្រុងសិរី សោភ័ណ ខេត្តបន្ទាយមានជ័យ ជាសិក្ខាសាលា ចែករំលែកនូវចំណេះដឹង ទាក់ទងទៅលើ អចនទ្រព្យ  ហើយនិងជំនួញបានជោគជ័យ ដែលមានគ្រូឧទ្ទេសល្អៗ ដែលមកធ្វើបទបង្ហាញ មានលោក ឆាត វិជ្ជា លោក ហួត សំបូរ ជាតំណាងឲ្យក្រុមហ៊ុន ទ្រព្យយើង ព្រមទាំងលោក ហង្ស ព្រីន្សយ៉ា ជាអ្នកជំនាញ ក្នុងការធ្វើមុខជំនួញ ដែលអ្នកគ្មានលុយក្នុងដៃ បែរក្លាយទៅជាអ្នកមានលុយរាប់លានដុល្លារ  ។ សិក្ខា សាលាចែករំលែកចំណេះដឹងនេះ បើកទូលាយដល់អ្នកចូលរួម ដោយឥតគិតថ្លៃ ហើយទទួលនូវ ចំណេះដឹង ទៅលើមុខជំនួញជោគជ័យ ដែលធ្វើឲ្យអ្នកចូលរួម យកទៅអនុវត្តនឹងក្លាយជាអ្នក ទទួល ជោគជ័យលើមុខរបររស៊ីរបស់ខ្លួន ។

លោក ហួត សំបូរ ធ្លាប់បានធ្វើសិក្ខាសាលា ជាច្រើនលើកមកហើយ ក្នុងការចែករំលែកនូវចំណេះដឹង ដើម្បីផ្តល់ឱកាសជូនសិក្ខាកាមបានចូលរួម ចាប់ផ្តើមរួមគ្នា ឈានទៅភាពជោគជ័យនៃមុខជំនួញ ។ លោក ហួត សំបូរ បាននិយាយថាៈ លោក មិនលាក់ទុកនូវចំណេះដឹង ឬ ដំណើរនៃភាពជោគជ័យនៃមុខជំនួញឡើយ ព្រោះលុយកាក់ បើយើងអាចរកបាន ដោយមានការចូលរួមពីសមាជិកទាំងអស់គ្នា មិនមានបុគ្គលណាមួយទទួលបានភាពជោគ ជ័យតែម្នាក់ឯងលើផ្នែកមុខជំនួញឡើយ ។ នៅក្នុងបទបង្ហាញ លោក បានពង្រឹងអំពីវិស័យអចលនទ្រព្យ ដែល  ជាឱកាសដល់សិក្ខាកាម ក្នុងការចូលរួម ដើម្បីចាប់យក ដែលអាចងាយស្រួលទទួលបានផលចំណេញ យ៉ាង ឆាប់ បើសិនយើងមានគោលដៅច្បាស់លាស់ ។

លោក ឆាត វិជ្ជា ជាគ្រូឧទ្ទេស ធ្លាប់បាន លើកអំពីការធ្វើជំនួញ ដោយគ្មានសាច់ប្រាក់ក្នុងដៃ តែយើងអាចប្រមូល បានមកវិញ នូវលុយកាក់ជាច្រើន ដែលមិននឹកស្មានដល់ លោកបានលើកនូវឧទាហរណ៍ និងបទពិសោធន៍ផ្ទាល់ ខ្លួន ចែករំលែក ជូនដល់សិក្ខាកាម បានយល់ដឹង ហើយលើកទឹកចិត្តដល់សិក្ខាកាម កុំឲ្យអស់សង្ឃឹម ក្នុងជីវិតថា ខ្លួន មិនអាចធ្វើអ្វីកើត យើងត្រូវផ្លាស់ប្តូរការគិតជាថ្មី ជម្រុះនូវគំនិតដែលនាំឲ្យយើងមិនរីកចំរើន ចាប់យកគំនិត និង ការគិតថ្មី អ្នកនឹងទទួលបានជោគជ័យ ក្នុងខណៈយើងមានគោលដៅពិតប្រាកដ ។

នៅថ្ងៃទី ១០ ខែ កុម្ភៈ ឆ្នាំ២០១៩ វេលាម៉ោង ១.០០ រសៀល សូមអញ្ជើញ សិស្ស និស្សិត អាជីវករ និងប្រជា ពលរដ្ឋ អញ្ជើញចូលរួម ដោយឥតគិតថ្លៃ នៅសណ្ឋាគារព្រះច័ន្ទ ក្រុងសិរីសោភ័ណ ខេត្តបន្ទាយមានជ័យ ។ ក្នុង សិក្ខាសាលានេះ នឹងមានប្រធានបទថ្មីៗ រួមទាំងមានសំណួរ និង ចម្លើយ រួមទាំងចូលរួមចែករំលែកបទពិសោធន៍ទៀតផង ។ រួមគ្នាគិត រួមគ្នាពិចារណា រួមគ្នាផ្លាស់ប្តូរការគិត រួមគ្នាឆ្ពោះទៅកាន់ភាពជោគជ័យទាំងអស់ គ្នា! ៕