បែកធ្លាយរឿងអាស្រូវរបស់លោកសួន បរវ អភិបាលនៃគណៈអភិបាលខេត្តបន្ទាយមានជ័យ ថាមានស្រីស្នេហ៍អស់រយៈពេល៥ឆ្នាំមកហើយ ។
បន្ទាយមានជ័យ៖ ស្ត្រីម្នាក់ សូមអោយសម្តេចអគ្គមហា សេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ជួយស្វែងរកយុត្តិធម៌ ពាក់ព័ន្ធករណី លោកសួន បវរ ខេត្តអភិបាលខេត្ត បន្ទាយមានជ័យ បានយកគាត់ជាគូរស្នេហ៍ អស់រយៈពេល ៥ឆ្នាំហើយ រហូតដល់ថ្ងៃទី១៧ ខែមេសា ឆ្នាំ២០១៩នេះ។
ស្ត្រីខាងលើ បានប្រើប្រាស់Account facebookឈ្មោះ( So Phy) បានបញ្ចេញមតិ(Comments) ក្រោមផេក ហ្វេស ប៊ុកផ្លូវការ របស់សម្តេចអគ្គមហាសេនាបតី តេជោ ហ៊ុន សែន ថាលោក សួន បវរ អភិបាលខេត្តបន្ទាយមានជ័យ យកគាត់ជាគូរស្នេហ៍ អស់រយៈ៥ឆ្នាំហើយ ឥឡូវលោកអភិបាលខេត្តរូបនោះ បានឲ្យគាត់ឈប់ទាក់ទងទៅ លោកទៀតហើយ រកចាប់គាត់ដាក់គុកទៀត។
ស្ត្រីដែលជាស្រីកំណាន់ ចិត្តរបស់លោក សួន បវរ មាន អាយុ៤១ឆ្នាំ រស់នៅខេត្តកំពង់ចាម បានឲ្យសារព័ត៌មានយើងដឹងថា គាត់និងលោកសួន បវរ បានស្គាល់គ្នាចាប់តាំងពី ឆ្នាំ២០១៣ មកម្លេះ តែមិនសូវជិតស្និត នោះទេ រហូតដល់ថ្ងៃទី០៨ ខែមីនា ឆ្នាំ២០១៥ គាត់និងលោកសួន បវរ បានរស់នៅជា មួយគ្នាដូចជាប្តីប្រពន្ធ។
ស្ត្រីដដែលបន្តថា កាលពីថ្ងៃទី១៧ ខែមេសា ឆ្នាំ២០១៩ បន្ទាប់ពីថ្ងៃបុណ្យចូលឆ្នាំប្រពៃណីខ្មែររួច លោកសួន បវរ អភិបាលខេត្តបន្ទាយមានជ័យ បានផ្ញើសារមកគាត់ថា ឲ្យឈប់ទាក់ទងគាត់ទៀតទៅ។
ស្ត្រីវ័យ៤១ឆ្នាំដដែល បានបញ្ជាក់ថា ដោយសារគាត់ និង លោកអភិបាលខេត្ត ស្រលាញ់គ្នាយូរ ឆ្នាំហើយ ស្ត្រីខាងលើ បានបង្ហោះសារលើហ្វេសប៊ុក ផ្ទាល់ខ្លួន និងបានបញ្ចេញមតិ(Comments) ក្នុងផេកហ្វេសប៊ុក សម្តេចតេជោ ហ៊ុន សែន ដើម្បីអោយបងប្អូន និង សម្តេចជួយស្វែងរក យុត្តិធម៌ជូនគាត់។ បន្ទាប់ពីគាត់បង្ហោះសាររួចមក ក្មួយលោកអភិបាលខេត្តបានហៅទូរស័ព្ទមកគាត់ អោយលុបចោលវិញទៅ។
ស្ត្រីជាគូរស្នេហ៍របស់ លោកសួន បវរ បានបន្ថែមថា លោកសួន បវរ បានផ្តល់ថវិកាក្នុងមួយ ខែប្រហែល ៥០០$(ប្រាំរយដុល្លារ) សម្រាប់ចាយវាយប្រចាំថ្ងៃ និងបង់ថ្លៃផ្ទះ។ លោកសួន បវរ និងគាត់តែងតែមកជួបគ្នានៅភ្នំពេញ នៅពេលដែលោកអភិបាលខេត្តបន្ទាយមានជ័យ មានធុរមកភ្នំពេញ តែងតែអោយគាត់ឡើងមកដែរ។
ពាក់ព័ន្ធករណីចោទ ប្រកាន់ពីស្ត្រីវ័យកណ្តាលខាងលើ ទៅលើលោកសួន បវរ អភិបាលខេត្តបន្ទាយមានជ័យ សារព័ត៌មានយើង មិនអាចសុំការបំភ្លឺពីលោក បាននៅឡើយទេនៅរសៀលថ្ងៃទី១៨ ខែមេសា ឆ្នាំ២០១៩នេះ ដោយសារហៅ ទូរស័ព្ទពុំមានអ្នកទទួល។
សូមបញ្ជាក់ថាលោក សួន បវរ អភិបាលខេត្ត បន្ទាយមានជ័យ បច្ចុប្បន្ន ហើយកាលពីលោក មិនទាន់មកកាន់ជាអភិបាលខេត្តលោកជា មេបញ្ជាការរងយោធភូមិភាគទី៥ ខេត្តបាត់ដំបង ហើយលោកបានឡើងមក ជាអភិបាលរងខេត្តបន្ទាយមានជ័យ ហើយលោកសួន បវរ ត្រូវបានតែងតាំង ជាអភិបាលខេត្ត បន្ទាយមានជ័យ ជំនួសលោកគោស៊ុំ សារឿត ដែលនឹងទទួលបានតំណែងជារដ្ឋ លេខាធិការក្រសួងធនធានទឹក និងឧតុនិយម តាមព្រះរាជក្រឹត្យរបស់ ព្រះមហាក្សត្រ កាលពីព្រឹកថ្ងៃទី២៨ ខែមីនា ឆ្នាំ២០១៦ ក្រោមអធិបតីភាពសម្តេច ក្រឡាហោម ស ខេង រដ្ឋមន្ត្រី ក្រសួងមហាផ្ទៃ និងលោកកែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំង គ្រឿងញៀន ៕
![]()
![]()
![]()