ធ្វើពិធីត ភ្ជាប់ផ្លូវ-ស្ពាន-ផ្លូវដែក ហើយនាយករដ្ឋមន្រ្តីទាំង២ កម្ពុជា-ថៃ នឹងជិះរថភ្លើងរួមគ្នា ។
បន្ទាយមានជ័យៈ បើគ្មានអ្វីកែប្រែទេ រាជរដ្ឋាភិបាលនៃ ប្រទេសកម្ពុជា-ថៃ បានឯកភាពគ្នាថា នៅថ្ងៃទី២២ ខែមេសា ឆ្នាំ២០១៩ ខាងមុខនេះ ភាគីទាំង២ គ្រោងនឹងរៀបចំកម្មវិធី ក្រោមអធិបតីភាព នាយករដ្ឋមន្រ្តី សម្តេច ហ៊ុន សែន និង លោកប្រាយុទ្ធ ចាន់អូចា ដែលមានរបៀបវារៈ សំខាន់ៗ ដូចខាងក្រោម៖
១-ពិធីចាក់បេតុងត ភ្ជាប់មុខតំណស្ពាន មិត្តភាពកម្ពុជា-ថៃ (ស្ទឹងបត់-បានណងអៀន)
២-ពិធីបើកការដ្ឋា នសាងសង់អគារច្រកទ្វារព្រំដែន អន្តរជាតិស្ទឹងបត់ និងផ្លូវតភ្ជាប់ទៅផ្លូវជាតិលេខ៥
៣-ពិធីចុះហត្ថលេខាលើ កិច្ចព្រមព្រៀងប្រតិបត្តិការ រួមគ្នាលើការដឹក ជញ្ជូនផ្លូវដែកឆ្លង កាត់ព្រំដែនកម្ពុជា-ថៃ និងពិធីប្រគល់-ទទួលក្បាលរថភ្លើង (DMU) អំណោយរបស់រាជ រដ្ឋាភិបាល ព្រះរាជាណាចក្រថៃ ជូនរាជរដ្ឋាភិបាល នៃព្រះរាជាណាចក្រកម្ពុជា
៤- នាយករដ្ឋមន្ត្រី នៃប្រទេសទាំងពីរ នឹងជិះរថ ភ្លើងរួមគ្នាពីស្ថានីយបាន ខ្លងលឹក មកស្ថានីយ ប៉ោយប៉ែត។
ក្រសួងសាធារណការ និងដឹកជញ្ជូន បានឱ្យដឹងថា ស្ពានមិត្តភាពកម្ពុជា-ថៃ (ស្ទឹងបត់-បានណងអៀង) និងស្ថានីយរថភ្លើងប៉ោយប៉ែត-ខ្លងលឹក នឹងត្រូវសម្ពោធដាក់ឱ្យ ប្រើប្រាស់ជាផ្លូវការនៅថ្ងៃទី២២ ខែមេសា ឆ្នាំ២០១៩ ក្រោមអធិបតីភាព របស់នាយករដ្ឋមន្ត្រីនៃប្រទេស ទាំងពីរ។
កាលពីថ្ងៃទី៨ ខែមេសា ឆ្នាំ២០១៩ លោក ស៊ុន ចាន់ថុល ទេសរដ្ឋមន្រ្តី រដ្ឋមន្ត្រីក្រសួង សាធារណការ និងដឹកជញ្ជូន បានដឹកនាំគណៈ ប្រតិភូ និងអ្នកជំនាញក្រសួង អញ្ជើញចុះពិនិត្យគម្រោងសាងសង់ ស្ពានឆ្លងកាត់ព្រំដែនចំណុច ស្ទឹងបត់-បានណងអៀង ឬហៅថា៖ ស្ពានមិត្តភាពកម្ពុជា-ថៃ (ស្ទឹងបត់-បានណងអៀង) ដើម្បីភ្ជាប់ប៉ុស្តិ៍ព្រំដែន កម្ពុជា-ថៃ និងពិនិត្យស្ថានីយរថ ភ្លើងប៉ោយប៉ែត-ខ្លងលឹក ដោយមានការ ចូលរួមពីលោក Arkhom Termpittayapaisith រដ្ឋមន្ត្រីក្រសួងដឹក ជញ្ជូនថៃ និងគណៈប្រតិភូ។
ស្ពានមិត្តភាពកម្ពុជា-ថៃ (ស្ទឹងបត់ - បានណងអៀង) ត្រូវបានសាងសង់ឡើងក្រោមជំនួយ ឥតសំណងរបស់រាជរដ្ឋាភិបាលថៃ ក្នុងទំហំទឹកប្រាក់ចំនួន ៩២៨ ១១០ ៦៨១ បាត ស្មើនឹងប្រមាណ ២៦,៤២លាន ដុល្លារអាមេរិក មានបណ្តោយសរុប ប្រវែង ៦០៥ម៉ែត្រ និងទទឹង ១៧ម៉ែត្រ អនុវត្ត ការសាងសង់ដោយកង វិស្វកម្មថៃ។ ច្រកព្រំដែនថ្មីនេះ នឹងដើរតួនាទីយ៉ាងសំខាន់ ដើម្បីជួយសម្រួល ចរាចរណ៍របស់រថយន្តដឹក ទំនិញឆ្លងកាត់រវាងកម្ពុជា និងថៃ និងជួយកាត់បន្ថយការកកស្ទះនៅច្រក ព្រំដែនប៉ោយប៉ែតនាពេល បច្ចុប្បន្ន។
ចំពោះស្ថានីយរថ ភ្លើងប៉ោយប៉ែត ត្រូវបានលោក ស៊ុន ចាន់ថុល បញ្ជាក់ថា ជាការដាក់ឱ្យដំណើរ ការឡើងវិញនូវផ្លូវដែកប៉ោយប៉ែត-ភ្នំពេញ ក្រោយកាត់ផ្តាច់ដោយសង្គ្រា មអស់រយៈពេល ៤៥ឆ្នាំ ហើយ សារៈសំខាន់នៃការតភ្ជាប់ផ្លូវដែករបស់ ព្រះរាជាណាចក្រកម្ពុជា ជាមួយព្រះរាជា ណាចក្រថៃនា ពេលឆាប់ៗ គឺដើម្បីពង្រីក ទំហំពាណិជ្ជកម្ម ក៏ដូចជាសក្ដានុ ពលសេដ្ឋកិច្ចរបស់ប្រទេស ទាំងពីរ និងការចុះ ហត្ថលេខាលើកិច្ច ព្រមព្រៀងដឹកជញ្ជូនឆ្លងកាត់ ផ្លូវដែករវាងកម្ពុជា និងថៃ បន្ទាប់ពីពិធីចាក់ បេតុងតភ្ជាប់មុខតំណស្ពានជា និមិត្តរូបនៃការបញ្ចប់ការសាងសង់ និងការដាក់ ឱ្យប្រើប្រាស់ជាផ្លូវការ៕
![]()
![]()
![]()