លោកឧកញ៉ាទៀ វិចិត្រដែលល្បីថាជាឧកញ៉ាចិត្តធម៌ ដើរជួយប្រជាពលរដ្ឋក្រីក្រ តាមពិតគាត់រកសុីនាំប្រេងគេចពន្ធសោះ ។

ខេត្តព្រះសីហនុ ៖ លោក ឧកញ៉ាទៀវវិចិត្រ មានលុយ និង មានអំណាច ហាននាំប្រេងគេចពន្ធចូល ភូមិចំការម្រេច ឃុំកំពេញ ស្រុកស្ទឹងហាវ ខេត្តព្រះសីហនុ ជាច្រើនសន្លង់ បានយ៉ាងរលូន ទាំងថ្ងៃទាំងយប់ ដោយផ្គើននឹងអនុសាសន៍របស់ ប្រមុខថ្នាក់ដឹកនាំ គឺ សម្ដេចអគ្គមហាសេនាបតីតេជោហ៊ុនសែន ។

ប្រភពបានខ្សឹបប្រាប់ថា ការចរាចរណ៍ ប្រេងគេចពន្ធ យ៉ាងអាណាធិបតេយ្យ ក្នុងភូមិសាស្រ្តខាងលើ នេះ គឺធ្វើឲ្យបាត់បង់ថវិកាចូលរដ្ឋ សូមលោកអភិបាលនៃគណៈអភិបាលខេត្តព្រះសីហនុ ចាត់កម្លាំងជំនាញរបស់លោកអភិបាល មកត្រួតពិនិត្យមើល កន្លែងនាំប្រេងគេចពន្ធ  ដែលនៅក្នុង ភូមិចំការម្រេច ឃុំកាំពេញ ស្រុកស្ទឹងហាវ ខេត្តព្រះសីហនុ ។

 

ជាពិសេសបងប្អូនអ្នកសារព័ត៌មានយើងបាន ការណ៍ជូនលោកអភិបាលស្រុកស្ទឹងហាវ លោកអភិបាលស្រុកបានមានប្រសាសន៍ថា លោកនឹងចិត្តកម្លាំងអធិការចុះទៅពិនិត្យមើលកន្លែងបូមប្រេងគេចពន្ធនោះ តែមកដល់ឥឡូវនេះ កន្លែងបូមប្រេងគេចពន្ធ នៅតែបានដំណើរការដដែល ។

 

ជាក់ស្ដែង លោកឧកញ៉ាទៀវិចិត្រ បានចាក់ដីរំលោភចូលឆ្នេរសមុទ្រ នៅភូមិចំការម្រេច ឃុំកាំពេញ ស្រុកស្ទឹងហាវ ខេត្តព្រះសីហនុ ដើម្បីធ្វើជាកំពង់ផែផ្ទាល់ខ្លួនមួយ សម្រាប់ឡើងប្រេងគេចពន្ធ ដើម្បីយកទៅចែកចាយនៅតាមបណ្ដាលខេត្តមួយចំនួន ។

 

ប្រភពបានបន្ថែមថា លោកឧកញ៉ាទៀវិចិត្រ ដំណើរការបានយ៉ាងរលូន បែបនេះដោយសារ មន្ត្រីសមត្ថកិច្ច ពាក់ព័ន្ធមួយចំនួន ក៏ដូចជាលោកអភិបាល ស្រុកស្ទឹងហាវ ដែល នៅក្នុងភូមិសាស្ត្រខាងលើ បានបើកភ្លើងខៀវឲ្យលោកធ្វើ អោយបាត់ថវិកាចូលរដ្ឋមួយចំនួនធំ តាមតែអំពើចិត្ត ជាពិសេស លោកអភិបាលស្រុកស្ទឹងហាវតែម្ដង ។

 

ហេតុដូចនេះ សូមលោកអភិបាលនៃគណៈអភិបាល ខេត្តព្រះសីហនុ មេត្តាជ្រាបជាព័ត៌មាន ហើយចាត់ជំនាញរបស់ លោកអភិបាល មកត្រួតពិនិត្យមើល លោកឧកញ៉ាទៀវវិចិត្រដែលបាន នាំប្រេងគេចពន្ធ ចូលមកក្នុងខេត្តព្រះសីហនុ ធ្វើអោយបាត់ថវិកាចូលជាតិមួយចំនួនធំ ។