លោក ជុំ ប៊ុណ្ណារ័ត្ន មេប៉ូលីសអន្តោប្រវេសន៍ព្រែកចាក យកតួនាទីជំរិត និងកាងឈ្មួញរកសុីខុសច្បាប់ដេីម្បីប្រយោជន៍ផ្ទាល់ខ្លួន
ខេត្តកំពត៖ មន្ត្រីសមត្ថកិច្ចតូចតាចដែលមិនបានផល ប្រយោជន៍នៅច្រកអន្តរជាតិព្រែកចាក ខេត្តកំពតបានខ្សឹបឱ្យដឹងថា លោក ជុំ ប៊ុណ្ណារ័ត្ន មេនគរបាលអន្តោប្រវេសន៍ បានយកតួនាទី និងអំណាចរបស់ខ្លួន ទៅកាងទំនិញខុសច្បាប់ និងគេចពន្ធ របស់មេឈ្មួញមួយចំនួន ដែលស្និទ្ធ និងផ្តល់ផលប្រយោជន៍ យ៉ាងច្រើនដល់លោកជុំ ប៉ុណ្ណារ័ត្ន ចង់ក្លាយជាសេដ្ឋីដល់សព្វថ្ងៃនេះ។ អ៊ីចឹងហើយ ទើបធ្វើឱ្យលោកឈ្លក់នឹងទឹកលុយ របស់ឈ្មួញខិលខូចភ្លេចតួនាទីរបស់ខ្លួន ជាមេនគរបាលអន្តោប្រវេសន៍ ប្រចាំច្រកអន្តរជាតិព្រែកចាក។ តែបើតាមក្រុមអ្នករត់ការឯកសារ ក្រុមហ៊ុន នាំចូលទំនិញមួយចំនួន បានខ្សឹបទម្លាយឲ្យយើងបានដឹងដែរថា មេនគរបាលអន្តោប្រវេសន៍ លោក ជុំ ប៊ុណ្ណារ័ត្ន រូបនេះ កំពុងតែយកតួនាទី ប្រព្រឹត្តអំពើពុករលួយយ៉ាងខ្លាំង តាមរយៈការឲ្យក្រុមហ៊ុន ឈ្មួញ តូចតាចឱ្យបង់លុយក្រោមតុតាម តែចិត្តទាមទាររបស់ខ្លួន ហើយបើទោះបីពួកគេនាំចូល ទំនិញស្របច្បាប់ ហើយមានឯកសារ បង់ពន្ធ ជូនរដ្ឋត្រឹមត្រូវយ៉ាងណាក៏ដោយ។ ក៏លោក ជុំ ប៊ុណ្ណារ័ត្ន តម្រូវឱ្យបង់បន្ថែម ជូនគាត់ក្រៅបញ្ជីផងដែរ។ ក្រុមអ្នករត់ការខាងលើ នៅបានខ្សឹបប្រាប់ឱ្យដឹង ទៀតថា រាល់ទំនិញមួយកុងតឺន័រ ឬមួយរថយន្តតូច ឬធុនធំ ត្រូវតែចំណាយលុយបង់ជាច្រើនរយដុល្លារ ទើបអាចនាំទំនិញពីទឹកដីវៀតណាម ចូលទឹកដីខ្មែរបាន ដោយគ្មានការរំខាន។ ហើយបើមិនព្រមបង់តាមការកំណត់ តាមការទាមទាររបស់លោក ជុំ ប៉ុណ្ណអារ័ត្ន មេនគរបាលអន្ដោប្រវេសន៍ នៅច្រកនេះទេ គឺដាច់ខាតមិនអាចធ្វើដំណើរនាំចូលទំនិញ ទៅមករួចឡើយ។ ពោលគឺត្រូវជាប់ត្រឹម ទល់ដែនព្រែកចាកតែម្តង។ក្រុមមន្ត្រីសមត្ថកិច្ចខាងលើ បានខ្សឹបប្រាប់ឱ្យដឹង បន្តយ៉ាងដូច្នេះទៀតថា បើតាមបារ៉ែមថ្លៃបាយ “លុយក្រោមតុ” របស់លោក ជុំ ប៊ុណ្ណារ័ត្ន មេនគរបាល អន្តោប្រវេសន៍ ច្រកទ្វារអន្តរជាតិ ព្រែកចាក ខេត្តកំពតនេះ ដូចជាដាក់ បញ្ជាឲ្យមន្ត្រីដាក់កំហឹតជំរិតទារលុយក្រោមតុ ពីប្រជាពលរដ្ឋ អ្នករកស៊ី ឈ្មួញ ឧកញ៉ា ចេញចូលនាំទំនិញឆ្លងកាត់ច្រកនេះ មានជាអាទិ៍ ចាប់ពី២០ម៉ឺន ៣០ម៉ឺន ៥០ម៉ឺន ១លានរៀល និងពី១០០$ ៣០០$ ៥០០$ និងប្រជាពលរដ្ឋក្រីក្រ ២ម៉ឺនរៀល អ្នករកស៊ីតូចតាច បន្ដិចបន្តួច ចាប់ពី៣ម៉ឺនរៀល ដល់៥ម៉ឺនរៀល និងអ្នកជំងឺឆ្លងកាត់គ្មាន អត្តសញ្ញាណប័ណ្ណពី២០ទៅ៣០ដុល្លារ ដោយគ្មានការយោគយល់បុគ្គលណាឡើយ។ ចំពោះឈ្មួញធំៗលោក ជុំ ប៉ុណ្ណារ័ត្ន ស៊ីក្រៅតារាងយ៉ាង ត្រជាក់ល្ហឹមតែម្តង។ សកម្មភាពខាងលើរបស់លោក ជុំ ប៊ុណ្ណារ័ត្ន មេនគរបាលអន្តោប្រវេសន៍ច្រកអន្តរជាតិ ព្រែកចាក ខេត្តកំពតនេះ បានរងនូវការរិះគន់យ៉ាងខ្លាំង ពីមន្ត្រីគ្រប់ស្ថាប័ននៅទីនោះ រួមទាំងប្រជាពលរដ្ឋ និងអ្នករកស៊ីផងដែរ។ ដែលធ្វើឲ្យប៉ះ ពាល់យ៉ាងខ្លាំង ដល់របររកស៊ីរបស់ក្រុមឈ្មួញ ដែលនាំចូលទំនិញស្របច្បាប់ និងប្រជាពលរដ្ឋក្រីក្រ និងអ្នកជំងឺឆ្លងដែន ផងដែរ។ក្រុមមន្ត្រីខាងលើ បានលើកឡើងថា លោក ជុំ ប៉ុណ្ណារ័ត្ន បានធ្វើឲ្យប៉ះពាល់ខ្លាំងបំផុតនោះ គឺជាកិត្តិយស នឹងសេចក្ដីថ្លៃថ្នូររបស់អង្គភាព នៃអគ្គនាយកដ្ឋាន នគបាលអន្តោប្រវេសន៍ ក្រសួងមហាផ្ទៃ ដែលតែងតាំងបុគ្គលរូបនេះទៅជាតំណាង ជាភ្នែក ជាច្រមុះ មិនមែនឱ្យបុគ្គលទៅចាប់ជំរិតប្រជាពលរដ្ឋ ឈ្មួញ ឧកញ៉ា យកលុយស្រស់ៗ តាមអំពើចិត្តនោះទេ។ប្រភពផ្សេងទៀត បានខ្សឹបមកប្រាប់ឱ្យបានដឹងផងដែរថា លោក ជុំ ប៊ុណ្ណារ័ត្ន មុនឡើងមកធ្វើជា មេនគរបាលច្រកព្រែកចាកនេះ គឺគាត់ធ្លាប់ធ្វើជាប្រធានក្រុមនគរបាលសេដ្ឋកិច្ចក្រសួងមហាផ្ទៃរាប់សឹបឆ្នាំ ដែលគាត់មានជំនាញបំផុតខាង ប្រដេញចាប់ចុះប្រមូលលុយ ពីក្រុមឈ្មួញរកស៊ីនៅខេត្តកំពត រាប់សិបឆ្នាំ មកហើយ។ លើសពីនេះទៅទៀតតាម ជំនាញរបស់គាត់ស្គាល់មុខឈ្មួញ រកស៊ី ដឹកទំនិញខុសច្បាប់ដូច ថ្ងៃអ៊ីចឹង។ គួររំលឹកផងដែរថា យោងតាមសេចក្តីប្រកាស លេខ៣៥៨០ ប្រក ចុះថ្ងៃទី១៤ ខែកក្កដា ឆ្នាំ២០១៧ របស់ក្រសួងមហាផ្ទៃ លោកវរសេនីយ៍ឯក ជុំ ប៊ុណ្ណារ័ត្ន អត្ថលេខ ១៩៩៩៩ ពីមុនជា នាយរងប៉ុស្តិ៍ ច្រកទ្វារព្រំដែនអន្តរជាតិ ត្រពាំងស្រែ ក្រោយមកត្រូវបានតែងតាំងជា នាយប៉ុស្តិ៍នគរបាល ច្រកទ្វារព្រំដែន អន្តរជាតិព្រែកចាក ជំនួសលោកវរសេនីយ៍ឯក ណុប សារឹម កាលពីថ្ងៃទី២០ ខែកក្កដា ឆ្នាំ២០១៧ ដែលត្រូវបានដកចេញពីតួនាទីកន្លងទៅនេះផងដែរ៕
![]()
![]()
![]()