សម្ដេច ស ខេង បញ្ជារអោយចាត់ការបន្ទាន់ក្រុមហ៊ុន សម្បទាន សេដ្ឋកិច្ចបាំងមុខ ទៅបំផ្លាញព្រៃឈើ នៅភ្នំ សំ កុស ខេត្តពោធិ៍សាត់
ភ្នំពេញ : សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានបញ្ជាឲ្យចៅហ្វាយខេត្តពោធិ៍សាត់ និង មន្រ្តីផ្នែកបរិស្ថាន ចុះពិនិត្យមើលការលួចកាប់ឈើនៅក្នុង ដែនអភិរក្សភ្នំ សំ កុស ស្ថិតនៅជិតជួរភ្នំ ក្រវ៉ាញ់ ខេត្តពោធិ៍សាត់រួចធ្វើ របាយការណ៍មក សម្តេច ដើម្បីមានវិធានការ ។
ប្រជាពលរដ្ឋនៅតំបន់ការពារភ្នំ សំ កុស ថ្លែងថាក្រុមហ៊ុន រតនៈសម្បត្តិ យកលេសធ្វើដីសម្បទាន សេដ្ឋកិច្ច ប៉ុន្តែបែរជារកស៊ីកាប់ឈើក្នុងព្រៃ ការពារភ្នំ សំ កុស នៅក្បែរនោះទៅវិញ ។
ពលរដ្ឋរូបនេះបានអះអាងថា ក្រុមហ៊ុន មួយនេះបានជួលកម្មករខ្មែរ និង វៀណាមប្រមាណ២០០នាក់ ឱ្យទៅកាប់ឈើក្នុងព្រៃ ការពារមួយ នេះ យ៉ាងគគ្រឹកគគ្រេងរហូត ផ្អើលសត្វព្រៃ ។
ចំណែកកម្មករស៊ីឈ្នួលកាប់ឈើ ឱ្យ ក្រុមហ៊ុនអះអាងថា កម្មករខ្មែរ និង វៀតណាម បែងចែកជាក្រុមៗ ប្រមាណ ១០ នាក់ក្នុង១ក្រុម ចូលទៅ កាប់ឈើ ក្នុងព្រៃដោយគិត ប្រាក់ ឈ្នួល ៥ ដុល្លារ ក្នុងមួយម៉ែត្រគូប ។
ឈើដែលកាប់នោះ ខាងក្រុមហ៊ុន ឱ្យ ជ្រើសមុខកាត់ ចាប់ពី ៧ តឹក ឡើងទៅ ហើយឈើខុសខ្នាត ឱ្យអារ រលំចោល ពេញព្រៃ ដើម្បី ងាយស្រួល ក្នុងការ ដឹកជញ្ជូន ។
