សម្តេចតេជោ ហ៊ុន សែន ចេញសេចក្តីសម្រេចចាត់តាំងសមាសភាពតំណាងរាជរដ្ឋាភិបាល ដែលជាក្រុមការងារថ្នាក់ជាតិចុះមូលដ្ឋានរាជធានី ខេត្ត ធ្វើជាអធិបតីក្នុងពិធីប្រកាសតំណែងក្រុមប្រឹក្សា អាណត្តិទី៣

(ភ្នំពេញ)៖ សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានចេញសេចក្តីសម្រេចថ្មីមួយ ស្តីពីការចាត់តាំង សមាសភាពតំណាងរាជរដ្ឋាភិបាល ដែលជាប្រធានក្រុមការងារថ្នាក់ជាតិ ចុះមូលដ្ឋានរាជធានី ខេត្ត ដើម្បីចូលរួម ជាអធីបតីក្នុងពិធីប្រកាស ចូលកាន់ តំណែងក្រុមប្រឹក្សារាជធានី ក្រុមប្រឹក្សាខេត្ត អាណត្តិទី៣។ នេះបើតាមសេចក្តី សម្រេចដែលបណ្តាញព័ត៌មាន ខ្មែរជាយដែន ទើបទទួលបាននៅថ្ងៃទី៣០ ខែឧសភា ឆ្នាំ២០១៩នេះ។

 

ជាមួយគ្នានេះ សម្តេចតេជោ ហ៊ុន សែន ក៏បានចាត់តាំង ឲ្យរដ្ឋមន្ត្រីក្រសួងមហាផ្ទៃ មានភារកិច្ចសម្របសម្រួលរៀបចំកម្មវិធី និងចាត់តាំងមន្ត្រីចូលរួមក្នុងពិធីប្រកាសចូលកាន់តំណែង ក្រុមប្រឹក្សារាជធានី ខេត្ត នៅតាម បណ្តារាជធានីខេត្តនីមួយៗផងដែរ។

 

សូមជម្រាបថា ការបោះឆ្នោតក្រុមប្រឹក្សារាជធានី ខេត្ត ក្រុង ស្រុក ខណ្ឌ ទើបតែបានរៀបចំឡើងកាលពីថ្ងៃទី២៦ ខែឧសភា ឆ្នាំ២០១៩កន្លងទៅថ្មីៗនេះ ហើយគណៈកម្មាធិការជាតិរៀបចំការបើឆ្នោត (គ.ជ.ប) នឹងប្រកាសលទ្ធផលបណ្តោះអាសន្ន នៃការបោះឆ្នោតក្រុមប្រឹក្សា នៅថ្ងៃទី៣១ ខែឧសភា និងលទ្ធផលផ្លូវការថ្ងៃទី៨ ខែមិថុនា ឆ្នាំ២០១៩៕

 

ព័ត៌មានលម្អិត សូមអានសេចក្តីសម្រេចរបស់សម្តេចតេជោ ហ៊ុន សែន ៖