ក្នុងអាណត្តិ លោក សួន បវរ ជាអភិបាលខេត្ត បន្ទាយមានជ័យ មានការអភិវឌ្ឍន៍ និង ការរិៈគន់

បន្ទាយមានជ័យៈ កាលពីថ្ងៃទី ០៨ ខែឧសភា ឆ្នាំ ២០១៩ ព្រះមហាក្សត្រ និង រាជរដ្ឋាភិបាលកម្ពុជា បានចេញសេចក្តីសម្រេច ដកហូតមុខដំណែង របស់លោក សួន បវរ ពីអភិបាលខេត្តបន្ទាយមានជ័យ ធ្វើឡើងតក់ក្រហល់ ហើយបានតែងតាំង លោក អ៊ុំ រាត្រី ជំនួសវិញ នឹងប្រកាសនៅថ្ងៃទី ១០ ខែឧសភា ឆ្នាំ ២០១៩ ក្រោមអធិបតី សម្តេចក្រឡាហោម ស ខេង ។

លោក សួន បវរ អតីតៈជាយោធា ហើយក្នុងឆ្នាំ២០១៦ លោក បានឡើងជាអភិបាលខេត្តបន្ទាយមាន ជ័យ ក៏នៅក្នុងជួរមន្ត្រីយោធា គាត់នៅមានមុខងារតួនាទីផង មានន័យថា លោក មានតួ​នាទី ជាអភិបាលខេត្តផង ហើយក្នុងជួរយោធា លោកមានតួនាទីឋានន្តរស័ក្តិផ្កាយ២ផងដែរ ។ ក្នុងការចូល កាន់ដំណែងជាអភិបាល ខេត្តបន្ទាយមានជ័យ លោក បានធ្វើប្រែក្លាយខេត្តបន្ទាយមានជ័យ ជាខេត្ត ទាក់ទាញ ដោយបានរៀបចំកន្លែវវេទិកា នៅកណ្តាលក្រុងសិរីសោភ័ណ ឲ្យក្លាយជាទីកន្លែង មានបរិ ស្ថានល្អ ហើយអនាម័យ ព្រមទាំងជាកន្លែងសម្រាប់ហាត់ប្រាណ របស់ប្រជាពលរដ្ឋទៀត ។

មន្ត្រីបុគ្គលិក សាលាខេត្តអ្នកដែលជិតដិតជាមួយ លោក សួន បវរ ទទួលបានការលើកទឹកចិត្ត ដូចជា ទិញម៉ូតូ ឬ រថយន្ត ដោយសរសេរថា “ អំណោយរបស់ឯកឧត្តម សួន បវរ”  សម្រាប់ប្រើប្រាស់បំរើការ ងារ នៅសាលា ខេត្តបន្ទាយមានជ័យ ។ 

ទន្ទឹមក្នុងការអភិវឌ្ឍន៍ លឿនដូចខ្យល់ព្យុះនេះ លោក ក៍ត្រូវបានគេមើលឃើញថាៈ ក្នុងអាណត្តិដែល លោកគ្រប់គ្រង នៅខេត្តបន្ទាយមានជ័យ មានបទល្មើសជាច្រើន ដូចជា ម៉ូតូអត់ពន្ធបានឆ្លងកាត់ព្រំ ដែន រថយន្តចង្កូតស្តាំគេចពន្ធ  បានចូលមកទឹកដីខ្មែរ ជារថយន្តទំនើបៗ  ....ជាដើម ។ មន្ត្រីរាជការ ប្រជាពលរដ្ឋ ដាក់ការសង្ស័យ ទៅលើលោក ដែលអាចជាប់ពាក់ព័ន្ធ ក្នុងការទទួលបានលាភសក្ការៈ  ឬ ទទួលផលនៃអំពើដែរ ?។ ក្នុងការចូលកាន់ដំណែងមិនទាន់បានមួយអាណត្តិ អភិវឌ្ឍន៍គ្រួសាររបស់ លោក មានភូមិគ្រឺះស្កឹមស្កៃ និង ផ្ទះល្វែង និងរថយន្តជាច្រើនគ្រឿង ។ ក្នុងពេលថ្មីនេះ លោក បានចាប់ផ្តើម សាងសង់កាស៊ីណូ នៅក្រុងប៉ោយប៉ែត ដែលមានការចូលហ៊ុនគ្នា ៣ នាក់ កំពុងសាងសង់ផងដែរ ។

ចំណែកមន្ត្រីសាលា ខេត្តបបន្ទាយមានជ័យ បានបង្ហើបប្រាប់សារព័ត៌មានខ្មែរជាយដែនថាៈ ក្នុងអាណត្តិ លោក សួន បវរ គ្រប់គ្រង បានជំពាក់ថ្លៃសាំង រាប់រយពាន់លានរៀល មិនបានទូទាត់ផង តែមន្ត្រី បំរើការងារ ការទទួលបានប័ណ្ណចាក់សាំង មានការយឺតយ៉ាវ ហើយនៅពេលមានបុណ្យទាន មិនដែល មានប្រាក់លើកទឹកចិត្តសម្រាប់ធ្វើបុណ្យទានឡើយ គឺ មានតែយកប្រាក់ខែ ទៅធ្វើបុណ្យដោយ ខ្លួនឯង ខុសពីអភិបាលខេត្តមុនៗ ។ ចំណែកច្រកថវិកាលំហូរចូលរបស់លោក ជាច្រើនម៉ឺនដុល្លារក្នុង មួយខែៗ ។ ក្នុងពេលកន្លងទៅនេះ តាមការបែកធ្លាយរឿងស្រីញីរបស់លោក សួន បវរ នោះ លោក បានចំណាយលុយ អស់ចំនួន ២ ម៉ឺនដុល្លារ ដើម្បីបញ្ចប់ទំនាក់ទំនង និងបញ្ឈប់ការចេញរូបភាព អាក្រាតកាយផ្សេងៗ ។ ទាំងលំហូរសាច់ប្រាក់ចូលជាច្រើនម៉ឺនដុល្លារក្នុង ១ខែៗ  និង ការផ្តល់លុយកាក់ជូនដល់ស្រីស្នេហ៍នោះ ថាតើ លោកមានមុខជំនួញអ្វី? បើក្នុងតួនាទីជាអភិបាល ខេត្ត ក៏មិនអាច យកប្រាក់ខែ ទៅចំណាយ ទៅលើមុខរបរ រាប់រយម៉ឺនដុល្លារ និង ចំណាយទៅលើស្រីស្នេហ៍ខ្ទង់ម៉ឺន ដុល្លារដូច្នេះដែរ ? ។ ចំពោះរឿងនេះ សារព័ត៌មានយើងខ្ញុំ មិនទាន់ដឹងស្ថាប័នអង្គភាពប្រឆាំងអំពើពុក រលួយ មានយុត្ថាធិការ ក្នុងរឿងនេះឬយ៉ាងណាទេ???៕