បន្ទាប់ពីកើតហេតុការណ៍បាក់រលំអាគារដ៏សែនតក់ស្លុត ក្រៀមក្រំបំផុតនោះ លោក យន្ត មីន សុំលាលែងពីតំណែង ហើយសម្តេចបានដាក់លោក គួច ចំរើន ជំនួសវិញ រួមទាំងព្រះមហាក្សត្រក៏បាន ចេញព្រះរាជក្រឹត្យត្រាស់បង្គាប់លោក ញឹម វណ្ណដា ជាទីប្រឹក្សារាជរដ្ឋាភិបាល មានឋានៈស្មើទេសរដ្ឋមន្ដ្រី
ភ្នំពេញ៖ «ក្នុងពេលបំពេញ ការងារនៅខេត្តព្រះសីហនុ ឯកឧត្តម យន្ត មីន អភិបាលខេត្ត ព្រះសីហនុបានទទួលស្គាល់កំហុសលើការគ្រប់ គ្រងក្នុងដែន សមត្ថកិច្ចរបស់ខ្លួនដែល បណ្តាលឲ្យមានរឿងឈឺចាប់កើតឡើង។ គាត់បានស្នើមកខ្ញុំដើម្បីលាលែងចេញ ពីអភិបាលខេត្តព្រះសីហនុ»។ នេះបើតាមការបញ្ជាក់របស់សម្តេច ហ៊ុន សែន ក្នុងហ្វេសប៊ុករបស់ខ្លួន។
សម្តេចបានអះអាងថា សម្តេច បានយល់ព្រ មឲ្យគាត់លាលែង និងបានពិភាក្សាជាមួយ សម្តេច ស ខេង យកលោក គួច ចំរើន ពីអភិបាលខេត្តកំពង់ចាម មកធ្វើជា អភិបាលខេត្តព្រះសីហនុវិញ ។ ទោះជាមានការ រៀបចំបែបនេះក៏ ដោយក៏ លោក យន្ត មីន នៅបន្តដឹកនាំយុទ្ធនា ការរុករកនិងសង្គ្រោះតទៅទៀត រហូតចប់កិច្ចការនិងអភិបាលខេត្តថ្មី ចូលកាន់តំណែង។
ទាក់ទង នឹងបញ្ហានេះ លោក យន្ត មីន បានសុំការ អភ័យទោសពី ក្រុមគ្រួសារជនរងគ្រោះទាំងអស់ ហើយស្នើសុំការលាលែងពីតំណែង ដើម្បីបង្ហាញពីការទទួលខុសត្រូវ។
«ជាមួយនេះ ខ្ញុំបាទសុំការ អភ័យទោស ពីសម្តេចតេជោ នាយករដ្ឋមន្ត្រី សម្តេចក្រឡាហោម សម្តេច ឯកឧត្តម លោកជំទាវ ចំពោះកង្វះខាត នៃការបំពេញភារកិច្ច របស់ខ្ញុំបាទកន្លងមកនេះ» ។ នេះជាសំណេររបស់លោក យន្ត មីន។
អភិបាលខេត្ត ដែលកំពុងស្ថិតក្នុងតំណែង រូបនេះ បានអះអាងថា លោកនៅតែ បន្តសកម្មភាព ជួយសង្គ្រោះ ក្នុងឧបទ្ទេវហេតុ នេះឲ្យចប់ចុងចប់ដើម៕
ទន្ទឹមនឹងនេះផងដែព្រះករុណា ព្រះបាទ សម្ដេច ព្រះបរមនាថ នរោត្តម សីហមុនី ព្រះមហាក្សត្រ នៃកម្ពុជា ទ្រង់បានចេញព្រះរាជក្រឹត្យ ត្រាស់បង្គាប់លោក ញឹម វណ្ណដា ជាទីប្រឹក្សារាជរដ្ឋាភិបាល ឋានៈស្មើទេសរដ្ឋមន្ដ្រី។ នេះបើតាមព្រះរាជក្រឹត្យដែលបណ្ដាញព័ត៌មាន ខ្មែរជាយដែន នៅរសៀល ថ្ងៃទី២៤ ខែមិថុនា ឆ្នាំ២០១៩។
ការផ្ដល់តួនាទីថ្មី ជូនលោក ញឹម វណ្ណដា ខាងលើនេះ បានកើតឡើងភ្លាមៗ បន្ទាប់ពីលោកត្រូវបានប្រមុខ នៃរាជរដ្ឋាភិបាល សម្ដេចតេជោ ហ៊ុន សែន ប្រកាសដកចេញពីតួនាទីទេសរដ្ឋមន្ដ្រី និងជាអនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្ដរាយ។
ព្រះមហាក្សត្រ ក៏បានចេញព្រះរាជក្រឹត្យ ត្រាស់បង្គាប់បញ្ចប់មុខតំណែងលោក ញឹម វណ្ណដា ពីទេសរដ្ឋមន្ដ្រីទទួលបន្ទុកបេសកកម្មពិសេស នៅថ្ងៃនេះផងដែរ។
ខាងក្រោមនេះជាព្រះរាជក្រឹត្យរបស់ព្រះមហាក្សត្រ៖
