អភិបាលខេត្តបន្ទាយមានជ័យ ស្នើឲ្យស្ថានទូតអាមេរិកប្រចាំកម្ពុជា ជួយជំរុញវិនិយោគិនមកវិយោគ បន្ថែមទៀត នៅលើទឹកដីខ្លួន

(បន្ទាយមានជ័យ)៖ លោក អ៊ុំ រាត្រី អភិបាលខេត្តបន្ទា យមានជ័យ បានស្នើឱ្យលោក Michael A.Newbill ភារធារី នៃស្ថានទូតសហរដ្ឋអាមេរិកប្រចាំកម្ពជាដែល បានមកធ្វើទស្សនកិច្ចសិក្សា ស្វែងយល់ពីស្ថានភាពសេដ្ឋកិច្ច ការរស់នៅប្រជាពលរដ្ឋ និងភាពរីកចម្រើនរបស់រដ្ឋបាលខេត្តបន្ទាយមានជ័យ ជួយជំរុញវិនិយោ គិនអាមេរិក មកធ្វើការវិយោគបន្ថែមទៀតឱ្យបានកាន់ តែច្រើន នៅលើទឹកដីខេត្តបន្ទាយមានជ័យ។

 

លោក អ៊ុ រាត្រី បានថ្លែងស្នើរយ៉ាងដូចនេះព្រឹកថ្ងៃទី ២៣ ខែកក្កដា ឆ្នាំ២០១៩ ក្នុងឱកាសដែលលោកបានដឹកនាំមន្ទីរអង្គភាពពាក់ព័ន្ធ ទទួលជួបពិភាក្សាការងារជាមួយ ប្រតិភូស្ថានទូតសហរដ្ឋអាមេរិក ប្រចាំកម្ពុជា ដែលបានមកធ្វើទស្សនកិច្ចសិក្សា នៅក្នុងខេត្តបន្ទាយ មានជ័យ។

 

លោកបានថ្លែងបន្តទៅកាន់ប្រតិភូស្ថានទូតសហរដ្ឋ អាមេរិកទៀតថា ខេត្តបន្ទាយមានជ័យ ជាខេត្តដែលជាប់ព្រំដែន កម្ពុជា-ថៃ កាលពីអតីតកាលជាសមរភូមិសង្រ្គាមក្តៅគគុក។ ក្រោយពីប្រទេស កម្ពុជា ទទួលបានសុខសន្តិភាពពេញលេញ ក្រោមនយោបាយឈ្នះ-ឈ្នះរបស់សម្តេចតេជោ ហ៊ុន សែន ខេត្តបន្ទាយមានជ័យ បាននិងកំពុងមានការអភិវឌ្ឍន៍ រីកចម្រើនគ្រប់វិស័យ។ មិនតែប៉ុណ្ណោះ រាជរដ្ឋាភិបាលកម្ពុជា ក៏បានដាក់ចេញនូវគោលនយោបាយ ដោយប្រែក្លាយតំបន់ព្រំដែន ជាព្រំដែនសន្តិភាព កិច្ចសហ ប្រតិបត្តិការ និងការអភិឌ្ឍន៍ឱ្យរីកចម្រើន ហើយខេត្តបន្ទាយមានជ័យមានស្រុក ក្រុងចំនួន ៩ ដោយមានច្រកអន្តរជាតិ២ និងច្រកតំបន់ព្រំដែនចំនួន ២រវាងកម្ពុជា-ថៃ។

 

លោកបានបន្ថែមថា ប្រជាពលរដ្ឋខេត្តបន្ទាយ មាន ជ័យ ភាគច្រើនប្រកមុខរបរកសិកម្ម បច្ចុប្បន្ននេះខេត្ត មានសក្តានុពលផ្នែកកសិកម្ម ជាពិសេសលើដំណាំឧស្សាហកម្ម ហើយខេត្តក៏មានតំបន់ពិសេស នៅក្រុងប៉ោយប៉ែត រោងចក្រភាគច្រើនវិនិយោគិនមកពីប្រ ទេសជប៉ុន។

 

លោក Michael A.Newbill បានជម្រាបជូនអភិបា លខេត្តបន្ទាយមានជ័យថា ការមកធ្វើទស្សនកិច្ចរបស់លោកនៅពេលនេះ ដើម្បីសិក្សាស្វែងយល់ពីស្ថាន ភាពសេដ្ឋកិច្ច ការរស់នៅប្រជាពលរដ្ឋ បញ្ហាសុខភាពប្រជាពលរដ្ឋ និងការវិនិយោគ ព្រមទាំងភាពរីក ចម្រើនរបស់រដ្ឋបាលខេត្តបន្ទាយមានជ័យផងដែរ៕