ចៅហ្វាយខេត្តសៀមរាប បញ្ជាឲ្យកម្លាំងសមត្ថកិច្ចចុះពិនិត្យឃ្លាំងស្តុកឈើ ក្នុងសណ្ឋាគារ អង្គរអេរ៉ា នៅកណ្តាលក្រុងសៀម រកឃើញ និងរឹបអូសឈើខុស ច្បាប់ជាង៥០០ម៉ែត្រគូប

(សៀមរាប)៖ សមត្ថកិច្ចចម្រុះខេត្តសៀមរាប បានបើកប្រតិបត្តិការចុះត្រួតពិនិត្យ វាស់វែង និងគណនាឈើ នៅក្នុងបរិវេណ សណ្ឋាគារអង្គរអេរ៉ា ក្នុងក្រុងសៀម រាប ក្រោមការបញ្ជាផ្ទាល់ពីលោក ទៀ សីហា អភិ បាលខេត្តសៀមរាប ដែលជាគណៈបញ្ជាការឯកភាពខេត្ត និងមានការសម្របសម្រួល ដោយព្រះរាជអាជ្ញារងខេត្តមួយរូប។ ក្នុងប្រតិបត្តិការនោះ សមត្ថកិច្ចបានរក ឃើញឈើគ្មានច្បាប់/គ្មានលិខិត ស្នាមចំនួន២៥១ ម៉ែត្រ ក្នុងចំណោមឈើដែលនៅមានសរុប៥២៦ ម៉ែត្រគូប។

លោក ទា គឹមសុទ្ធ ប្រធានមន្ទីរកសិកម្ម រុក្ខាប្រម៉ាញ់ និងនេសាទខេត្តសៀមរាប និងលោកឧត្តមសេនីយ៍ត្រី ម៉ក់ ធារ៉ា ស្នងការរងនគរបាលខេត្តសៀមរាប ទទួលផែនប្រឆាំងបទល្មើសសេដ្ឋកិច្ច បានប្រាប់បណ្ដាញព័ត៌មាន ខ្មែរជាយដែន ប្រចាំខេត្តសៀមរាបថា ក្រុម ការងារបានវាស់វែង ពិនិត្យ និងគណនាឈើអារ មានឈើសរុបចំនួន ៥២៦ម៉ែត្រគូប ហើយចំពោះឈើ លើសគ្មានច្បាប់/គ្មានលិខិតស្នាម ជាឈើលើស (PC) មានចំនួន៣,៥៩៣ដុំ ស្មើនឹងចំនួន២៥១ ម៉ែត្រ គូប។ ឈើមានលិខិ ត៣០ច្បាប់ ស្មើនឹង២៧៤ម៉ែត្រ គូប ដែលម្ចាស់ឈើឈ្មោះ គី ស៊ុនឡេង។

 

សមត្ថកិច្ចបានបញ្ជាក់ថា ឈើដែលមាន ក្នុងលិខិត អនុញ្ញាត (PC) គឺឈើអារមានចំនួន១២លិខិត ដែលស្មើនឹង២២៨ម៉ែត្រគូប និងឈើមូល មានចំនួន១៨លិខិត ដែលមាន១៥៤ដើម គឺស្មើនឹង៤៥ ម៉ែត្រគូប បើសរុបឈើមានលិខិតស្នាម គឺមានចំនួន ២៧៤ម៉ែត្រគូប។ ក្នុងនោះឈើចំនួន ២៥១ម៉ែត្រគូប ដែលគ្មានច្បាស់ ត្រូវសមត្ថកិច្ចចម្រុះសម្រេចដឹកមករក្សាទុកនៅ ឃ្លាំងមណ្ឌលរដ្ឋបាលមន្ទីរកសិកម្ម រុក្ខា ប្រម៉ាញ់ និងនេសាទ ខេត្តសៀមរាប។

 

ក្រោយមានការ ចុះបង្ក្រាបទីតាំងស្តុកឈើ នៅកណ្តាល ក្រុងសៀមរាបនេះ ប្រជាពលរដ្ឋបានលួចបង្ហើបឲ្យដឹងថា បរិមាណឈើដែល សមត្ថកិច្ចចុះពិនិត្យទាំងនេះ គឺអាចជាចំនួនឈើដែលដឹកជញ្ជូនចូលថ្មីៗខ្លះ ឬឈើសល់ចាស់ខ្លះ ព្រោះក្នុងកំឡុងពេលប៉ុន្មានឆ្នាំនេះ ព្រោះម្ចាស់សណ្ឋាគារដ៏ធំ ដែលមាន ឈ្មោះថា សណ្ឋគារអង្គរអេរ៉ា បានសាងសង់សណ្ឋា គារដ៏ធំមួយទៀត ដែលមានឈ្មោះថា សណ្ឋាគារ បាយ័នអេរ៉ា ដែលក្នុងការកសាងសណ្ឋាគារថ្មីនេះ គឺបានប្រើប្រាស់ឈើក្នុងបរិមាណជាច្រើនពាន់ម៉ែត្រ គូប ហើយបានសាងសង់រួចរាល់ និងដំណើរការជា ស្ថាពរទៅហើយនាពេលនេះ។

 

ជាមួយគ្នានេះ ប្រជាពលរដ្ឋបានស្នើដល់អាជ្ញាធរមាន សមត្ថកិច្ច ពិសេស លោកអភិបាលខេត្ត សូមបន្តស្រាវជ្រាវ សិក្សាស្វែងយល់បន្ថែមថា ហេតុអ្វីបានជាឈើដ៏ច្រើនសន្ធឹកសន្ធាប់គ្មានលិខិតស្នាមទាំងនេះមកដល់ទីនេះដោយសុវត្ថិភាព ទន្ទឹងនឹងសមត្ថកិច្ចជំនាញមានជាច្រើន និងហូរហែរតាមដងផ្លូវ តែបទល្មើសនៅតែមានយ៉ាងនេះ៕