ដោយសាតែគ្មានទីផ្សារនៅក្នុងស្រុក ពេលនេះកសិករខ្មែរដែលដាំពោតនៅខេត្តបាត់ដំបងរងផលប៉ះពាល់ ដោយសាថៃឈប់ឲ្យនាំពោតចូលទៀត
ប្រជាពលរដ្ឋខ្មែរ ដែលជាកសិករខំដាំដំណាំពោត ធ្លាប់តែទទួលផល និងក្តីសង្ឃឹមតាមរយះការពឹងផ្អែកទៅលើទីផ្សារបរទេស ជាពិសេសពីប្រទេសថៃ ស្រាប់តែពេលនេះកសិផលបានផ្លែផ្កាហើយ បែរជាមន្ទីរពាណិជ្ជកម្មរបស់ថៃ ឈប់អោយនាំពោតចំណីសត្វរបស់ខ្មែរចូលទឹកដីខ្លួនទៅវិញ។
ថ្មីៗនេះ នៅចំណុចច្រកអន្តរជាតិ ខៅឌិន ស្ថិតក្នុងស្រុកខ្លងហាត ខេត្តស្រះកែវ ប្រទេសថៃ ទល់មុខនឹងច្រកអន្តរជាតិគីឡូ១៣ ក្នុងស្រុកសំពៅលូន ខេត្តបាត់ដំបង គឺភាគីថៃបានជួបប្រជុំគ្នា ជាមួយនឹងក្រុមការងារជំនាញ ដែលពាក់ព័ន្ធ ដើម្បីផ្សព្វផ្សាយនូវសារាចរណែនាំរបស់នៅក្នុងនោះដែរ គេសង្កេតឃើញវត្តមានរបស់ លោក សុផាន់ អង់សែងគុណ តំណាងដ៏ខ្ពង់ខ្ពស់របស់រដ្ឋមន្ត្រីក្រសួងពាណិជ្ជកម្ម នៃប្រទេសថៃ អ្នកស្រី ច័ន្ទ្រភិនសនសុំសុខ ប្រធានមន្ទីរពាណិជ្ជកម្ម ខេត្តស្រះកែវ និងកម្លាំងអន្តោប្រវេសន៍ក្រុមបសុពេទ្យ តម្រួតយោធា តាមខ្សែបន្ទាត់ព្រំដែន កម្ពុជា ថៃ និង អាជ្ញាធរនៅក្នុងតំបន់។
នៅក្នុងកិច្ចពិភាក្សា ដើម្បីផ្សព្វផ្សាយសារាចរនេះ គឺគេបានលើកឡើងថា បច្ចុប្បន្នដោយសារតែផលិតផលកសិកម្ម មានមេរោគច្រើនដូចជា « អាហ៊ិវ៉ាអាហ្វ្រិកា និង រោគ បៃដាង » ម្យ៉ាងទៀតដោយសារតែកំណើនទិន្នផល កសិផលរបស់ប្រជាពលរដ្ឋថៃ មានការកើនឡើង ដែលអាចប្រើប្រាស់គ្រប់គ្រាន់នៅក្នុងស្រុក ទើបក្រសួងពាណិជ្ជកម្មថៃ សម្រេចមិនអនុញ្ញាតឲ្យនាំពោតចំណីសត្វ ចេញពីប្រទេសកម្ពុជា ឬ ឆ្លងកាត់ព្រំដែនចូលទៅកាន់ប្រទេសថៃឡើយ ពិសេសគឺតាមច្រក ខៅឌិន ( គីឡូ១៣ ) ចាប់ពីថ្ងៃទី៣១ ខែសីហា ឆ្នាំ២០១៩នេះតទៅ។
កម្លាំងជំនាញទាំងអស់ ត្រូវដាក់កម្លាំងត្រួតពិនិត្យឲ្យបានហ្មត់ចត់ នៅត្រង់ចំណុចច្រកអន្តរជាតិ ខៅឌិន បន្ទាប់ពីច្រកនេះបានបើកសម្ពោធជាច្រកអន្តរជាតិ ចាប់ពីថ្ងៃទី៣១ ខែមីនា ឆ្នាំ២០១៨ កន្លងមក ដែលជាច្រកមួយផ្សារភ្ជាប់ រវាងខេត្តស្រះកែវ និង ខេត្តបាត់ដំបង ពិសេសត្រូវយកចិត្តទុកដាក់ការពារសុវត្ថិភាពដល់ប្រជាពលរដ្ឋ និងភ្ញៀវទេសចរណ៍ ដែលបច្ចុប្បន្នច្រកនេះ អាចរកប្រាក់ចំណូល ទាំងការនាំទំនិញចេញ និងការនាំចូល សរុប៣.០០០លានបាត៕
![]()
![]()
![]()