ទីបំផុតឯកឧត្តម ជា សុផារ៉ា ឧបនាយករដ្ឋមន្រ្តី និងជារដ្ឋមន្រ្តី ក្រសួងដែនដី បានសម្រេចដកដំណែង លោកប្រាក់ ប៉ូលី ពីប្រធានមន្ទីរសុរិយោដីខេត្ត បន្ទាយមានជ័យ
បន្ទាយមានជ័យ៖ប្រភពព័ត៌មានពីខេត្តបន្ទាយមានជ័យបានអោយដឹងថា ក្រុមអធិការកិច្ច របស់ក្រសួងរៀបចំដែនដី នគររូបនីយកម្ម និងសំណង់ បានរកឃេីញសំណង់ខុសច្បាប់ចំនួនជាង ៧០០ ទីតាំង ក្នុងទូទាំងខេត្តបន្ទាយមានជ័យ បន្ទាប់ពីលោក ប្រាក់ ប៉ូលី ឡេីងកាន់តំណែងជាប្រធានមន្ទីររៀបចំដែនដី នគរូបនី យ កម្ម សំណង់ និងសុរិយោដីខេត្តបន្ទាយមានជ័យ នៅឆ្នាំ ២០១៥ រហូតមកដល់បច្ចុប្បន្ន ។ ក្រៅពីនោះក្រុមអធិការកិច្ចបានរកឃេីញរកឃេីញសំណង់ខុសច្បាប់ និងចំណុចមិនប្រក្រតីជាច្រេីននៅក្រោមការដឹកនាំរបស់ លោក ប្រាក់ ប៉ូលី ក្នុងនាមជាប្រធានមន្ទីរផងដែរ។
ប្រភពព័ត៌មានបានអោយដឹងទៀតថា ថ្នាក់ដឹកនាំជាន់ ខ្ពស់របស់ ក្រសួងរៀបចំដែនដី នគររូបនីយកម្ម និងសំណង់ បានចាត់ទុកទង្វេីរបស់លោក ប្រាក់ ប៉ូលី ធ្វេីអោយខូចគោលនយោបាយរបស់រាជរដ្ឋាភិបាល បាត់ បង់ចំណូលពន្ធចូលរដ្ឋ និង ធ្វើអោយប្រជាពលរដ្ឋមាន ការថ្នាំងថ្នាក់មកលេីរាជរដ្ឋាភិបាល មកដល់ពេលនេះ ចំណែកថ្នាក់លេីខ្លះដែលធ្លាប់គាំ ទ្រ ប្រាក់ ប៉ូលី ក៏ដកខ្លួនចេញដែរ ។
ចំណែកឯក្រសួងរៀបចំដែនដី នគរូបនីយកម្ម និង សំ ណង់ បានចេញលិខិតមួយច្បាប់ចុះថ្ងៃទី ១៣ ខែ កញ្ញា ឆ្នាំ ២០១៩ ផ្ញេីជូនទៅ ឯកឧត្ដម អភិបាលខេត្តបន្ទាយមានជ័យ ស្នេីអោយមានរៀបចំចាត់ចែងពិធីប្រកាសចូល កាន់មុខដំណែងប្រធានមន្ទីរ រៀបចំដែនដី នគរូប នីយកម្ម សំណង់និង សុរិយោដីខេត្តបន្ទាយមានជ័យ ដែលនឹង ប្រព្រឹត្តទៅនៅថ្ងៃទី ១៧ ខែ កញ្ញា ឆ្នាំ ២០១៩ ។ ពិធីនេះនឹងប្រព្រឹត្តទៅក្រោមអធិបតីភាព ឯកឧត្ដម ឆាន់ សាផាន រដ្ឋលេខាធិការ ក្រសួងរៀបចំដែនដី នគររូបនីយកម្ម និង សំណង់ ។ការសម្រេចផ្លាស់ប្ដូតំណែងប្រធានមន្ទីររៀបចំដែនដី នគរូបនីយ កម្ម សំណង់និង សុរិយោដីខេត្តបន្ទាយមានជ័យ នេះបានកើតឡើងបន្ទាប់មានការបែកធ្លាយរឿងអាស្រូវពុករលួយយ៉ាងច្រើនរបស់លោក ប្រាក់ ប៉ូលី ដែលជាប្រធានមន្ទីរត្រូវបានដកហូតមុខដំណែងចាប់ពីថ្ងៃទី ១៧ ខែ កញ្ញា ឆ្នាំ ២០១៩ តទៅ ។
តាមប្រភពពីក្រសួងរៀបចំដែនដីបានអោយដឹងថា មន្ត្រីដែលមកជំនួសលោក ប្រាក់ ប៉ូលី ត្រូវបានគេដឹងថា ឈ្មោះលោក អាង ណារឹទ្ធ អនុប្រធាននាយកដ្ឋានសិក្សាគម្រោងប្លង់ នៅក្រសួងរៀបចំដែនដី នគររូបនីយកម្ម និង សំណង់ មកជា ប្រធានមន្ទីររៀបចំដែនដី នគរូបនីយកម្ម សំណង់ និង សូរិយោដីខេត្តបន្ទាយ មានជ័យ ។
ចំពោះការដកហូតមុខដំណែង របស់ លោក ប្រាក់ ប៉ូលី បានធ្វេីឡេីងបន្ទាប់ពីក្រុមអធិការកិច្ចរបស់ក្រសួងរៀបចំដែនដី នគរូបនីយកម្ម និង សំណង់ ចុះទៅធ្វេីការស្រាវជ្រាវភាពមិនប្រក្រតី នៅ មន្ទីររៀបចំដែន ដី នគរូបនីយកម្ម សំណង់ និង សូរិយោដីខេត្តបន្ទាយ មានជ័យ អស់រយៈពេល ២ សប្ដាហ៍។
ចំពោះការដកតំណែងរបស់លោក ប្រាក់ ប៉ូលី ពីប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តបន្ទាយមានជ័យ បានធ្វើអោយប្រជា ពលរដ្ឋនៅខេត្តបន្ទាយមានជ័យ សប្បាយចិត្តយ៉ាងខ្លាំង ប៉ុន្តែជាមួយគ្នានោះប្រជាពលរដ្ឋនៅខេត្តបន្ទាយ មានជ័យ ចង់ឃើញអង្គភាពប្រឆាំងអំពុករលួយនាំខ្លួនលោក ប្រាក់ បូលី ទៅកាន់តុលាការដូចនៅករណីប្រធានមន្ទីរសុរិយោដីខេត្តពោធិ៍សាត់ រួមនិងការដកតំណែងរបស់លោក ប្រាក់ ប៉ូលីន អនុប្រធានការិយា ល័យភូមិបាលក្រុងបោយប៉ែត ដែលជាបងប្រុសបង្កើតរបស់លោក ប្រាក់ ប៉ូលី បន្ថែមទៀត។ ព្រោះបុគ្គលពីររូបដែលជាបងប្អូនបង្កើតនេះបានប្រព្រិត្តិអំពើ ពុករលួយខ្លាំងដៃណាស់៕
