សម្តេច នាយករដ្ឋមន្ត្រីបារម្ភពីសន្តិភាពពិភពលោកកំពុងរងការគំរាមកំហែង
ភ្នំពេញ៖ សម្តេច នាយករដ្ឋមន្ត្រីហ៊ុន សែន បានសម្តែងការព្រួយបារម្ភពីការប្រកួតប្រជែងរបស់ប្រទេសមហាអំណាច ដែលកំពុងគំរាមកំហែងដល់សន្តិភាពនៅក្នុងតំបន់ និងពិភពលោក។
សម្តេច នាយករដ្ឋមន្ត្រីហ៊ុន សែន បានចេញសារលិខិតមួយក្នុងឱកាសទិវាសន្តិភាពពិភពលោកថ្ងៃទី២១ខែកញ្ញា បានលើកឡើងថា ប្រទេសមហាអំណាចកំពុងប្រកួតប្រជែង ដើម្បីផលប្រយោជន៍នយោបាយ សេដ្ឋកិច្ច និង យោធា បានគំរាមកំហែងដល់សន្តិភាព។
សារសម្តេច ហ៊ុន សែន «ការប្រកួតប្រជែងរវាងមហាអំណាច ក្នុងការការពារផលប្រយោជន៍នយោបាយ សេដ្ឋកិច្ច និងយោធា បាន និងកំពុងនាំមកនូវការគំរាមកំហែង ចំពោះសន្តិភាពដែលនៅតែមានភាពស្រួចស្រាវ ទាំងក្នុងកម្រិតតំបន់ និង សកល។»
សម្តេច នាយករដ្ឋមន្ត្រីក៏បានលើកឡើងដែរថា សន្តិភាពរបស់កម្ពុជាកំពុងតែផុយស្រួយដែរ ដោយសារតែការជ្រៀតជ្រែកពីប្រទេសខាងក្រៅ ពិសេសប្រទេសលោកខាងលិច។
រដ្ឋាភិបាលតែងតែចោទបន្តបន្ទាប់ថា សហរដ្ឋអាមេរិកជាអ្នកនៅពីក្រោយអតីតគណបក្សសង្គ្រោះជាតិក្នុងគោលបំណងចង់ផ្តួលរំលំរដ្ឋាភិបាលកម្ពុជាដែលធ្វើឱ្យបាត់បង់សន្តិភាព កើតមានចលាចលក្នុងសង្គម។
![]()
![]()
![]()