ថ្ងៃទី០១ ខែធ្នូ ឆ្នាំ២០២០
សារព័ត៌មាន ខ្មែរជាយដែន ( ជាសារព័ត៌មានឯករាជ្យ ទាន់ហេតុការណ៍ ចំពោះព្រឹត្តិការណ៍កើតឡើងនៅក្នុងប្រទេសកម្ពុជា )​ហ៊ាននិយាយការពិត ប្រសើរជាងនិយាយការពារ
ប្រមុខរដ្ឋាភិបាល និងមេដឹកនាំអតីតបក្សប្រឆាំងចុះទៅខេត្តបន្ទាយមានជ័យ ខណៈទឹកជំនន់ជាលើកទី២
Di,20 Oktober 2020 (Time 04:44 )
ដោយ ៖ សុីណេត (ចំនួនអ្នកអាន: 143នាក់)


សម្តេចនាយករដ្ឋមន្ត្រី ហ៊ុន សែន និង​លោក កឹម សុខា បានធ្វើ​ដំណើរទៅ​កាន់​ខេត្ត​បន្ទាយមាន​ជ័យ​នៅថ្ងៃអង្គារនេះ​ដើម្បីចែក​អំណោយ និងស្បៀងអាហារ​ដល់ប្រជាជនរងគ្រោះនៅខេត្តជាប់​ព្រំដែន​ថៃមួយនេះ។ការធ្វើដំណើរ​ព្រមៗគ្នារបស់​ប្រមុខរដ្ឋាភិបាល និងប្រមុខអតីតបក្សប្រឆាំងនៅពេលនេះ គឺនៅគ្រាដែល​ទឹកជំនន់​កំពុង​វាយលុក​ខេត្តបន្ទាយមានជ័យជាលើកទី២​ ដោយសារតែទឹកហូរកាត់ទំនប់អូខៃដន ក្នុង​ក្រុង​ប៉ោយ​ប៉ែត ដែល​ធ្វើ​ឲ្យ​ប្រជាជន​ប្រមាណ​២ម៉ឺន​គ្រួសារ​រង​ផល​ប៉ះពាល់។ ចំណែកលោក កឹម សុខា បានទៅដល់ក្រុងសេរីសោភ័ណ្ឌ ខេត្តបន្ទាយមានជ័យនៅថ្ងៃទី២០តុលា ដោយ​ចែកអំណោយ​ដល់ប្រជាជនប្រមាណ២០០គ្រួសារនៅសង្កាត់ព្រះពន្លា។ នេះជាលើកទី២ហើយ​ដែល​ប្រមុខ​អតីតបក្សប្រឆាំងរូបនេះ ធ្វើដំណើរទៅដល់ខេត្តជាប់ព្រំដែនថៃ គឺបន្ទាប់ពីគម្រោងទៅចែកអំណោយ កាលពីថ្ងៃទី១៥​តុលា​ក្នុង​ឃុំចំណោម​ស្រុក​មង្គលបុរី​ត្រូវបានខនខានដោយសារអាជ្ញាធរមូលដ្ឋានរារាំង។ ដោយទំនងសំដៅដល់ការរារាំងកាលពីលើកមុននោះ លោក កឹម សុខា បានលើកជាល្បះមួយឃ្លាថា«ទៅហើយមកវិញៗ ដោយសារតែបងប្អូន រងគ្រោះព្រោះទឹកជំនន់»។ បើតាមលោក កឹម សុខា «អ្វីដែលជាកុសល យើងគួររួមគ្នាធ្វើ អ្វីដែលជាជម្លោះ យើងគួរនាំគ្នាជម្រុះ ទើបមានកិត្តិយស ជាតិយើងរឹងមាំ»។ ចំណែក សម្តេចនាយករដ្ឋមន្ត្រី ហ៊ុន សែន នៅថ្ងៃទី២០តុលានេះ​ សម្តេចបានធ្វើដំណើរទៅកាន់​ខេត្ត​បន្ទាយមានជ័យផងដែរ តែសម្តេចត្រូវចុះសួរសុខទុក្ខ និងចែកអំណោយដល់ប្រជាជនប្រមាណ២ម៉ឺនគ្រួ​សារ​ដែលរងគ្រោះដោយជំនន់នោះ នៅថ្ងៃទី២១និងថ្ងៃ២២ខែតុលាឆ្នាំ២០២០។ បើតាមសម្តេច នាយករដ្ឋមន្រ្តី ហ៊ុន សែន មានប្រសាសន៍ថា ខេត្តបន្ទាយមានជ័យ គឺជាខេត្តដែលរងគ្រោះធ្ងន់ជាងគេ និងយូរជាងគេដែលចាំបាច់ត្រូវផ្តល់អទិភាពសង្រ្គោះផងនិងស្តារឡើងវិញក្រោយទឹកជំនន់ផង។ សូមបញ្ជាក់ថា ខេត្តបន្ទាយមានជ័យបានរងគ្រោះដោយសារទឹក​ជំនន់ជាលើកទី២ហើយនៅឆ្នាំនេះ ខណៈមានទឹកហូរកាត់ទំនប់អូខៃដន ក្នុងក្រុងប៉ោយប៉ែត កាលពីនៅយប់ថ្ងៃទី១៩ ឈានចូល​ថ្ងៃទី​២០​តុលា​ បណ្ដាលឱ្យ​ទឹក​ហូរ​កាត់​ផ្លូវជាតិ​លេខ​៥ ចំណុច​កូនដំរី ហើយ​ភូមិ​មួយចំនួន ក្នុង​សង្កាត់​និមិត្ត ក្រុង​ប៉ោយប៉ែត ត្រូវបានទឹកជំនន់លិច៕

ព័ត៌មានគួរចាប់អារម្មណ៍

ពលរដ្ឋ​​៣​ភូមិ​​ នៅ​ស្រុក​សណ្ដាន់​ ​​រង​គ្រោះ​​ដោយ​សារ​​​ក្រុមហ៊ុន​ ស៊ី​អ ស៊ី​ខេ ឈូក​ឆាយ​រំលោភ​យក​ដី​​ពួក​គាត់ ​សុំ​ឲ្យ​​សម្ដេច​តេ​ជោ​​ជួយ​អន្តរាគមន៍ (ខ្មែរជាយដែន)

ព័ត៌មានគួរចាប់អារម្មណ៍

ឆ្នោត​ សៀម​និង​យួន ​ត្រូវ​គេ​បើក​​លេង​​ម៉ាសេរី​ ​នៅ​ទី​ក្រុង​ទេសចរណ៍​​​សៀមរាប ​​ (ខ្មែរជាយដែន)

ព័ត៌មានគួរចាប់អារម្មណ៍

រថយន្ត​ធុន​ធំ​ ​ដឹក​ប្រេង​គេចពន្ធ ​ពី​ថៃ​ ចូល​កម្ពុជា​​ តាម​ច្រក​ជប់​គគីរ ​​ម៉ាសេរី​​​ (ខ្មែរជាយដែន)

វីដែអូ

ចំនួនអ្នកទស្សនា

ថ្ងៃនេះ :
43 នាក់
ម្សិលមិញ :
728 នាក់
សប្តាហ៍នេះ :
4903 នាក់
ខែនេះ :
23755 នាក់
3 ខែនេះ :
95036 នាក់
សរុប :
1252196 នាក់