ពលរដ្ឋ១៥០គ្រួសារ ប្តឹងអភិបាលខេត្តបន្ទាយមានជ័យនិងបក្ខពួក៥នាក់ ចូលតុលាការស្របពេលសម្តេចតេជោ បញ្ជាឲ្យបើកការស៊េីបអង្កេត

បន្ទាយមានជ័យ៖ ប្រជាពលរដ្ឋចំនួន ១៥០គ្រួសារ រស់នៅភូមិស្លក្រាម ឃុំស្លក្រាម ស្រុកស្វាយចេក ខេត្តបន្ទា យមានជ័យ បានប្តឹងលោក អ៊ុំ រាត្រី អភិបាលខេត្តបន្ទាយមានជ័យ និង បក្ខពួក៥នាក់ ពីបទសមគំនិត ធ្វេីមនុស្សឃាត និង ប្រេីអំពេីហិង្សា ចូលព្រះរាជអាជ្ញាអមសាលាដំបូងខេត្តបន្ទាយមានជ័យ កាលពីថ្ងៃទី១៤ ខែមករា ឆ្នាំ២០២០ ។

 

បណ្តឹងនេះ ធ្វេីឡេីងស្របគ្នា ដែលសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាអោយមានការចាប់ខ្លួនអ្នកដែលធ្វេីទារុណកម្ម បណ្តាលអោយជនរងគ្រោះស្លាប់ផងដែរ ។

 

អ្នកដែលពលរដ្ឋបានប្តឹងនោះរួមមាន ៖

 

ទី១៖លោក អ៊ុំ រាត្រី អភិបាលខេត្តបន្ទាយមានជ័យ

ទី២៖លោកស្រី ចក់ ពួក អនុប្រធានសភាពាណិជ្ជកម្មបន្ទាយមានជ័យ

ទី៣៖លោក យឿង គង់ អនុប្រធានសភាពាណិជ្ជកម្មបន្ទាយមានជ័យ

ទី៤៖លោក ជា ផល្លី ប្រធានរដ្ឋបាលព្រៃឈេីខេត្តបន្ទាយមានជ័យ

ទី៥៖លោក ព្រិម សាលី ប្រធានព ន្ធដារខេត្តបន្ទាយមានជ័យ

ទី៦៖លោក បោន ប៊ិន មេប៉េអឹមខេត្តបន្ទាយមានជ័យ

 

ក្នុងពាក្យបណ្តឹង បានរៀបរាប់ថា កាលពីថ្ងៃទី២៦-២៧ ខែធ្នូ ឆ្នាំ២០១៩ អ៊ុំ រាត្រី អភិបាលខេត្តបន្ទាយមានជ័យ បានដឹកនាំកម្លាំងប្រដាប់អាវុធជាច្រើននាក់ទៅឈូសឆាយ ដករោង ផ្ទះ លំនៅឋាន របស់ពួកគេខ្ទេចខ្ទីអស់រលីងគ្មានសល់ ។

 

ដល់ថ្ងៃទី២៨-២៩ ខែធ្នូ ឆ្នាំ២០១៩ ពលរដ្ឋបាននាំគ្នាមកតវ៉ានៅមុខសាលាខេត្ត ដើម្បីអោយចៅហ្វាយខេត្តដោះស្រាយ ។ ស្រាប់តែចៅហ្វាយខេត្តឃុបឃិតគ្នាជាប្រព័ន្ធ យកប៉េអឹមមកចាប់ពួកយើងខ្ញុំ៥នាក់ ថាជា

មេខ្លោង នាំគ្នាទៅចាប់ដី ស្ថានីយ៍ព្រៃឈើតាបែន២ នៅឃុំស្លក្រាម ឃុំសឹង្ហ ស្រុកអូរជ្រៅ ស្រុកស្វាយចេក ខេត្តបន្ទាយមានជ័យ ហើយប្រើអំពើហិង្សាវាយធ្វើទារុណកម្មយ៉ាងធ្ងន់ធ្ងរ ទៅលើឈ្មោះ ទុយ ស្រស់ រហូតដល់ស្លាប់បាត់បង់ជីវិត ។

 

ជាមួយគ្នានេះ ក្រុមជនរងគ្រោះបានប្តឹងទាមទារប្រាក់ចំនួន២០ម៉ឺនដុល្លារអាមេរិក ។

 

ទោះបីយ៉ាងណា កន្លងមក រដ្ឋបាលខេត្តបន្ទាយមានជ័យ ក៏បានចេញសេចក្តីប្រកាសព័ត៌មាន បំភ្លឺ ផងដែរ ជុំវិញករណីនេះ ៕