បទបញ្ជាររបស់លោក អ៊ុំ រាត្រី អភិបាលខេត្តបន្ទាយមានជ័យ គ្មានប្រសិទ្ធិភាព ក្នុងការទប់ស្កាត់ទំនិញតាមច្រករបៀង ក្នុងខេត្តបន្ទាយមានជ័យ
(ខេត្តបន្ទាយមានជ័យ)÷ គេសង្កេតឃើញថា នៅតាមបន្ទាត់ព្រំដែននៃខេត្តបន្ទាយមានជ័យ ត្រូវបានកម្លាំងជួរមុខតាមចំនុចមួយចំនួន បានលួចឃុបឃិតគ្នាជាមួយឈ្មួញនាំទំនិញគេចពន្ធគ្រប់ប្រភេទ ចេញពីប្រទេសថៃ ចូល កម្ពុជា រាប់សិបឆ្នាំមកហើយ ទោះបីជាមានបទបញ្ជារអោយបិទដោយផ្ទាល់ពីសម្តេចក្រឡាហោម ស ខេង ឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃ យ៉ាងក៏ដោយ ។
តើឯកឧត្តម អ៊ុំ រាត្រី អភិបាលខេត្តបន្ទាយមានជ័យ និងមានវិធានការណ៍យ៉ាងណាបន្តទៀត បើស្ថាប័នមួយចំនួនដែលពាក់ព័ន្ធក្នុងខេត្ត កំពុងចាត់ទុកបទបញ្ជាររបស់ឯកឧត្តមគ្មានតំលៃក្នុងកែវភ្នែកក្រុមឈ្មួញនៅតែបន្តឃុបឃិតគ្នាជាមួយកម្លាំងសមត្ថកិច្ចជួរមុខ នៃបន្ទាត់ព្រំដែនកម្ពុជា- ថៃ តាមប៉ុស្តិ៍មួយចំនួន នាំទំនិញគេចពន្ធចូលកម្ពុជាដដែល...
ក្នុងនោះផងដែរ ដោយយោងតាមលិខិតលេខ 065/20 ស.ស.រ ចុះថ្ងៃទី០៥ ខែកុម្ភៈ ឆ្នាំ២០២០ របស់រដ្ឋបាលខេត្តបន្ទាយមានជ័យ បានចេញសេចក្តីសម្រេច ស្ដីពី ការបង្កើតគណៈកម្មការទប់ស្កាត់ការដឹកជញ្ជូននាំចូលសត្វ និង ផលិតផលមានដើមកំណើតពីសត្វ និង ទំនិញគ្រប់មុខលួចនាំចូលតាមច្រករបៀង ក្នុងភូមិសាស្ត្រ ខេត្តបន្ទាយមានជ័យដោយគ្មានការអនុញ្ញាត។ ទោះបីជារដ្ឋបាលខេត្តបន្ទាយមានជ័យ បានបង្កើត គណៈកម្មការទប់ស្កាត់ការដឹកជញ្ជូននាំចូលសត្វ និង ផលិតផលមានដើមកំណើតពីសត្វ និង ទំនិញគ្រប់មុខលួចនាំចូលតាមច្រករបៀង យ៉ាងណាក៏ ដោយ ត្រូវបានគេសង្កេតឃើញថា សត្វទារ មាន់ ជ្រូក និង ទំនិញគ្រប់ប្រភេទ ត្រូវបានក្រុមឈ្មួញបន្តឃុបឃិតគ្នាជាមួយ យោធាកងការពារព្រំដែនលេខ៥០៣ដែលមានលោកឧត្តមសេនីយ៍ត្រី ឃួន ជឿន ជាមេបញ្ជារ នៅតែបើកភ្លើងខៀវឲ្យមានការលំហូរចូលទំនិញគ្រប់ប្រភេទចូលកម្ពុជាដដែល។
ពាក់ព័ន្ធនិងបញ្ហាមួយនេះ មហាជនរង់ចាំមើលបន្តទៀតថា តើឯកឧត្តម អ៊ុំ រាត្រី អភិបាលខេត្តបន្ទាយមានជ័យ និងមានវិធានការណ៍យ៉ាងណាបន្តទៀត បើស្ថាប័នមួយចំនួនដែលពាក់ព័ន្ធក្នុងខេត្ត កំពុងចាត់ទុកបទបញ្ជាររបស់ឯកឧត្តមគ្មានតំលៃក្នុងកែវភ្នែក និង បទបញ្ជារសាបដូចទឹកជា បែបនេះ ៕
