សម្តេច ហ៊ុន សែន​ព្រមានលោក កឹម សុខាថា កាត់ទោសហើយគឺយកទៅដាក់គុកវិញ

នៅទីបំផុត ជោគវាសនា របស់លោក កឹម សុខានៅតែ ស្ថិតក្នុងស្ថានភាព អាក្រក់ គឺមិនអាច មានសេរីភាពគ្រប់គ្រាន់ឡើយ។ សម្ដេចនាយករដ្ឋមន្ត្រី កាលពីថ្ងៃទី១០មីនា ក្នុងពិធីចែកសញ្ញាប័ត្រ ដល់និស្សិត នៃសាកលវិទ្យាល័យមួយ នៅរាជធានីភ្នំពេញ  លោកបាន បន្តព្រមាន ធ្ងន់ៗទៅលើលោកកឹម សុខា ប្រធាន នៃអតីតគណបក្សសង្រ្គោះជាតិដោយ ប្រាប់មុនថា ក្រោយជំនុំជម្រះក្ដីរួចហើយ គឺអ្នកនយោបាយ រូបនេះ ត្រូវនាំខ្លួន ម្ដងទៀត ទៅ ពន្ធនាគារវិញ ។ លោកថាគ្មាន ជនជាប់ចោទណាមួយរួចទោសឡើយ។