ថ្ងៃទី២៩ ខែឧសភា ឆ្នាំ២០២០
សារព័ត៌មាន ខ្មែរជាយដែន ( ជាសារព័ត៌មានឯករាជ្យ ទាន់ហេតុការណ៍ ចំពោះព្រឹត្តិការណ៍កើតឡើងនៅក្នុងប្រទេសកម្ពុជា )​ហ៊ាននិយាយការពិត ប្រសើរជាងនិយាយការពារ
ក្រសួង​សុខា​ភិបាល​អំពាវ​នាវ​ដល់​ពលរដ្ឋដែល​មក​ពី​បរទេស​ដាក់​ខ្លួនឯង​នៅ​ដោយ​ឡែក​ពី​គេ​១៤​ថ្ងៃ
Mo,23 März 2020 (Time 08:43 )
ដោយ ៖ រតនា (ចំនួនអ្នកអាន: 208នាក់)


ភ្នំពេញ៖ ក្រសួងសុខាភិបាលនៅថ្ងៃអាទិត្យនេះបានអំពាវនាវជាថ្មីទៀត ដល់ពលរដ្ឋខ្មែរទាំងអស់ដែលមកពីក្រៅប្រទេសត្រូវដាក់ខ្លួនឯងនៅដាច់ដោយឡែកពីគេរយៈពេល១៤ ដើម្បីបង្កាការឆ្លងជំងឺកូវីដ១៩។ ការអំពាវនាវនេះធ្វើឡើងស្របពេលដែលពលករខ្មែររាប់ពាន់នាក់កំពុងសម្រុកចូលកម្ពុជាវិញ ខណៈអាជ្ញាធរថៃប្រកាសបិទព្រំដែន។

វិធានការចំនួន​៨​ចំណុច​របស់​ក្រសួង​សុខាភិបាល​​សម្រាប់​ពលរដ្ឋ​ដែល​ត្រូវ​ដាក់​ខ្លួន​ឯងនៅ​ដោយ​ឡែក​ពីគេ​បន្ទាប់ពី​មកពីក្រៅប្រទេសវិញនោះរួមមាន៖ បន្ទប់ត្រូវមានខ្យល់ចេញចូលល្អ ហើយ​បើគ្មានបន្ទប់ដោយឡែកទេគឺត្រូវ​នៅឃ្លាតពីគេចំងាយ២ម៉ែត្រ។ កាត់​បន្ថយ​ការ​ប្រើ​ប្រាស់​កន្លែងរួម ដូចជាបន្ទប់ទឹក និង​ផ្ទះបាយ។ ក្នុង​រយៈ​ពេល​១៤ថ្ងៃនេះ ត្រូវ​តាមដាន​សុខភាព​ផ្ទាល់​ខ្លួន បើ​មានរោគ​សញ្ញា​ក្តៅ​ខ្លួន​ខ្លាំង ក្អក និង​ឈឺបំពង់ក ត្រូវទាក់ទងទៅលេខ១១៥។ ជាងនេះទៀត ត្រូវ​ធ្វើ​អនាម័យជាប្រចាំ​ដូចជាសំអាតបន្ទប់គេង បន្ទប់ទឹក សម្លៀកបំពាក់​ និង​ខ្ទប់មាត់​នៅពេលក្អកឬកណ្តាស់។
 
វិធានចាស់តែ​ទើប​ត្រូវបាន​ផ្សព្វផ្សាយជាថ្មីទៀតនេះ គឺធ្វើ​ឡើង​នៅគ្រា​ដែល​ពលរដ្ឋខ្មែរ​រាប់ពាន់​ដែល​ធ្វើការ​នៅ​ប្រទេសថៃ​សម្រុក​នាំគ្នា​ចូល​មក​កម្ពុជា​នៅ​ថ្ងៃ​អាទិត្យនេះ តាម​ច្រក​អន្តរជាតិដូង​ហៅ​ច្រក​ឡែម ក្នុងស្រុក​កំរៀង ខេត្តបាត់ដំបង។ ការ​សម្រុក​ចូល​មក​កម្ពុជា​វិញរបស់​ពលករខ្មែរ​ទាំងនោះ បន្ទាប់ពីថៃ​សម្រេច​បិទ​ព្រំដែនជាប់​ខេត្ត​បាត់​ដំបងដោយ​បារម្ភ​ពី​ការ​ផ្ទុះ​ឡើង​នៃ​កូវីដ១៩។ លើសពីនេះទៀត ចាប់​ពីថ្ងៃទី២៣​ខែមីនាតទៅ​ ច្រក​ទ្វារអន្តរជាតិ​ទាំងអស់​នៅជាប់ប្រទេសថៃ ​ដូចជាច្រកទ្វារអន្តរជាតិ​ប៉ោយប៉ែត ច្រក​បឹង​ត្រកួន និងច្រកភ្នំដី ជាដើមគឺត្រូវបិទរយៈពេល​១៤ថ្ងៃ​រហូតដល់ថ្ងៃទី៥ខែមេសា។
 
ដោយ​ឡែក​ច្រក​ព្រំដែន​អន្តរជាតិ​​ផ្សេង​ទៀត ​នៅក្នុង​ខេត្ត​ឧត្តរមានជ័យ ព្រះវិហារ និង​កោះកុង​ក៏​ត្រូវបាន​បិទ​ផង​ដែរចាបតាំងពីថ្ងៃទី១៨​មីនា ដោយ​មិន​កំណត់ពេលរហូត​ដល់មានការជូនដំណឹងជាថ្មី។ នេះបើតាម​សេចក្តី​ជូន​ដំណឹង​របស់​អគ្គកុងស៊ុល​កម្ពុជាប្រចាំខេត្តស្រះកែវ៕

ព័ត៌មានគួរចាប់អារម្មណ៍

ពលរដ្ឋ​​៣​ភូមិ​​ នៅ​ស្រុក​សណ្ដាន់​ ​​រង​គ្រោះ​​ដោយ​សារ​​​ក្រុមហ៊ុន​ ស៊ី​អ ស៊ី​ខេ ឈូក​ឆាយ​រំលោភ​យក​ដី​​ពួក​គាត់ ​សុំ​ឲ្យ​​សម្ដេច​តេ​ជោ​​ជួយ​អន្តរាគមន៍ (ខ្មែរជាយដែន)

ព័ត៌មានគួរចាប់អារម្មណ៍

ឆ្នោត​ សៀម​និង​យួន ​ត្រូវ​គេ​បើក​​លេង​​ម៉ាសេរី​ ​នៅ​ទី​ក្រុង​ទេសចរណ៍​​​សៀមរាប ​​ (ខ្មែរជាយដែន)

ព័ត៌មានគួរចាប់អារម្មណ៍

រថយន្ត​ធុន​ធំ​ ​ដឹក​ប្រេង​គេចពន្ធ ​ពី​ថៃ​ ចូល​កម្ពុជា​​ តាម​ច្រក​ជប់​គគីរ ​​ម៉ាសេរី​​​ (ខ្មែរជាយដែន)

វីដែអូ

ចំនួនអ្នកទស្សនា

ថ្ងៃនេះ :
633 នាក់
ម្សិលមិញ :
582 នាក់
សប្តាហ៍នេះ :
5981 នាក់
ខែនេះ :
29705 នាក់
3 ខែនេះ :
70438 នាក់
សរុប :
1036078 នាក់