ថ្ងៃទី២៩ ខែឧសភា ឆ្នាំ២០២០
សារព័ត៌មាន ខ្មែរជាយដែន ( ជាសារព័ត៌មានឯករាជ្យ ទាន់ហេតុការណ៍ ចំពោះព្រឹត្តិការណ៍កើតឡើងនៅក្នុងប្រទេសកម្ពុជា )​ហ៊ាននិយាយការពិត ប្រសើរជាងនិយាយការពារ
សម្ដេច ហ៊ុន សែនពិនិត្យលទ្ធភាព ទូលថ្វាយព្រះមហាក្សត្រដាក់ប្រទេសក្នុងគ្រាអាសន្ន
Mi,25 März 2020 (Time 03:25 )
ដោយ ៖ រតនា (ចំនួនអ្នកអាន: 176នាក់)


ភ្នំពេញ៖ ថ្លែងក្នុងពិធីជួបសំណេះសំណាលពេទ្យស្ម័គ្រចិត្តប្រយុទ្ធប្រឆាំងនឹងជំងឺកូវីដ១៩ លោកនាយករដ្ឋមន្រ្ដីកម្ពុជាជម្រាបថាលោកកំពុងពិចារណាសុំព្រះរាជានុញ្ញាតព្រះមហាក្សត្រ ព្រះករុណា ព្រះបាទ សម្តេចព្រះ បរមនាថ នរោត្តម សីហមុនី ព្រះមហាក្សត្រកម្ពុជា ដើម្បីដាក់ប្រទេសឱ្យស្ថិតនៅក្នុងគ្រាមានអាសន្ន ខណៈដែលជំងឺកូវីដ១៩ កំពុងរីករាលដាល នៅក្នុងប្រទេសកម្ពុជា។

 
នៅព្រឹកថ្ងៃទី២៥ ខែមីនា ឆ្នាំ២០២០ នៅវិមានសន្តិភាពសម្ដេចឱ្យដឹងថាលោកកំពុង ឲ្យពិនិត្យនូវលទ្ធភាពប្រើប្រាស់នូវមាត្រា២២នៃរដ្ឋធម្មនុញ្ញ ដើម្បីស្នើសុំព្រះមហាក្សត្រ ដាក់ប្រទេសក្នុងគ្រាមានអាសន្ន។យ៉ាងណាសម្ដេចថាសម្ដេច មិនចង់ប្រើទេ ដរាបនាការអំពាវនាវរបស់សម្ដេចគ្មានប្រសិទ្ធភាព។
 
មាត្រា២២ នៃរដ្ឋធម្មនុញ្ញកម្ពុជាបានប្បញ្ញត្តិថា នៅ​ពេល​ប្រជាជាតិ​ប្រឈម​មុខ​នឹង​គ្រោះ​ថ្នាក់​ ព្រះមហាក្សត្រ​ទ្រង់​ប្រកាស​ប្រទាន​ដំណឹង​ជា​សាធារណៈ​ ដាក់​ប្រទេស​ជាតិ​ស្ថិត​នៅ​ក្នុង​​ភាព​អាសន្ន​ក្រោយ​ពី​បាន​មតិ​ឯកភាព​ពី​ នាយករដ្ឋមន្ត្រី​ ប្រធាន​រដ្ឋសភា​ និង​ ប្រធាន​ព្រឹទ្ធសភា។ អាស្រ័យបែបនេះសម្ដេចថាសម្ដេចក៏អាចស្នើសុំការឯកភាពពីប្រធានរដ្ឋសភា ពីប្រធានព្រឹទ្ធសភា និងស្នើសុំពីព្រះមហាក្សត្រចេញ ព្រះរាជក្រឹត្យដាក់ប្រទេសក្នុងគ្រាមានអាសន្ន។
 
ការលើកឡើងរបស់សម្ដេចនេះក្រោយពីមើលឃើញកំណើននៃអ្នកជំងឺកូវីដ១៩នៅថៃមានជាង៩០០ករណីនិងឥណ្ឌាជាង៥០០ករណីដែលតម្រូវឱ្យប្រទេសឥណ្ឌាបិទប្រទេសនិងថៃដាក់ប្រទេសក្នុងភាពអាសន្ន។
 
សូមបញ្ជាក់ថាកម្ពុជានៅថ្ងៃទី២៥ ខែមីនា ឆ្នាំ២០២០ គឺរកឃើញថាមានអ្នកកើតកូវីដ១៩ ចំនួនសរុប៩៣នាក់ ក្នុងចំណោមនោះក៏មានអ្នកជំងឺ៦នាក់ បានជាសះស្បើយផងដែរ ដែលមានជនជាតិចិន១នាក់ ជនជាតិអង់គ្លេស១នាក់ និងជនជាតិខ្មែរ៤នាក់៕

ព័ត៌មានគួរចាប់អារម្មណ៍

ពលរដ្ឋ​​៣​ភូមិ​​ នៅ​ស្រុក​សណ្ដាន់​ ​​រង​គ្រោះ​​ដោយ​សារ​​​ក្រុមហ៊ុន​ ស៊ី​អ ស៊ី​ខេ ឈូក​ឆាយ​រំលោភ​យក​ដី​​ពួក​គាត់ ​សុំ​ឲ្យ​​សម្ដេច​តេ​ជោ​​ជួយ​អន្តរាគមន៍ (ខ្មែរជាយដែន)

ព័ត៌មានគួរចាប់អារម្មណ៍

ឆ្នោត​ សៀម​និង​យួន ​ត្រូវ​គេ​បើក​​លេង​​ម៉ាសេរី​ ​នៅ​ទី​ក្រុង​ទេសចរណ៍​​​សៀមរាប ​​ (ខ្មែរជាយដែន)

ព័ត៌មានគួរចាប់អារម្មណ៍

រថយន្ត​ធុន​ធំ​ ​ដឹក​ប្រេង​គេចពន្ធ ​ពី​ថៃ​ ចូល​កម្ពុជា​​ តាម​ច្រក​ជប់​គគីរ ​​ម៉ាសេរី​​​ (ខ្មែរជាយដែន)

វីដែអូ

ចំនួនអ្នកទស្សនា

ថ្ងៃនេះ :
644 នាក់
ម្សិលមិញ :
582 នាក់
សប្តាហ៍នេះ :
5992 នាក់
ខែនេះ :
29716 នាក់
3 ខែនេះ :
70449 នាក់
សរុប :
1036089 នាក់