ភ្នំពេញ៖ ឯកឧត្ដម ជិន ម៉ាលីន រដ្ឋលេខាធិការ និងជាអ្នកនាំពាក្យក្រសួងយុត្តិធម៌ បានថ្លែងថា ចំពោះដំណើរការយុទ្ធនាដោះស្រាយការកក ស្ទះសំណុំរឿងតាមបណ្តាសាលាដំបូងរាជធានី ខេត្ត បានកំពុងដំណើរការដោយរលូន ក្នុងនោះ គណៈកម្មការនៃយុទ្ធនាការនេះនឹងមិនបន្ធូរដៃចំពោះការតាមដានភាពអសកម្ម ឬបុគ្គលដែលប្រព្រឹត្តអំពើពុករលួយឡើយ។ ថ្លែងក្នុងកិច្ចសម្ភាសន៍ជាមួយអ្នកសារព័ត៌មាន នៅថ្ងៃទី១០ ខែមិថុនា ឆ្នាំ២០២០នេះ ឯកឧត្តម ជិន ម៉ាលីន អ្នកនាំពាក្យក្រសួងយុត្តិធម៌ បានឱ្យដឹងថា មកទល់ពេលនេះជាសប្តាហ៍ទី៣ ក្រោយក្រសួងយុត្តិធម៌បានប្រកាសអំពីយុទ្ធនាការដោះស្រាយការកកស្ទះសំណុំរឿងតាមបណ្តាសាលាដំបូងរាជធានី ខេត្ត ដោយសំណុំរឿងដែលកំពុងដាក់ក្នុងការអនុវត្តយុទ្ធនាការនេះសរុបចំនួន ជិតបួនម៉ឺនសំណុំរឿង ហើយស្ទើរទាំងស្រុងជាសំណុំរឿងគ្រឿងញៀន។ ឆ្លើយតបទៅនឹងសំនួរ នៃការកកស្ទះសំណុំរឿង ដែលអាចដោយមូលហេតុនៃអំពើពុករលួយ ឯកឧត្តម ជិន ម៉ាលីន បានបញ្ជាក់ថា ក្នុងដំណើ់រការនៃយុទ្ធនាការដោះស្រាយការកកស្ទះសំណុំរឿងនេះ ក្រៅពីការផ្តល់នូវការប្រឹក្សាផ្លូវច្បាប់ និងឧបត្ថម្ភផ្នែកបច្ចេកទេសជូនមន្ត្រីតុលាការ គណៈកម្មការទាំង៤នៃយុទ្ធនាការនឹងសិក្សាលើសំណុំរឿងនីមួយៗ ដោយមិនអត់ឱនចំពោះភាគីពាក់ព័ន្ធណាប្រព្រឹត្តអំពើពុករលួយឡើយ។ ជាមួយនឹងការបញ្ជាក់របស់អ្នកនាំពាក្យក្រសួងយុត្តិធម៌ ឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌ ធ្លាប់បានប្រកាសដាក់ចេញនូវអភិក្រមចំនួន២ ដោយអភិក្រមទី១ សម្រាប់ដំណើរការដោះស្រាយកកស្ទះសំណុំរឿង ត្រូវអនុវត្តដោយផ្អែកលើមូលដ្ឋានច្បាប់ ជាពិសេសចំណាត់ការដោះស្រាយសំណុំរឿងត្រូវមានភាពម៉ឺងម៉ាត់ និងត្រូវអនុវត្តឱកយបានត្រឹមត្រូវស្របតាមច្បាប់ និងនីតិវិធីជាធរមាន និងអភិក្រមទី២ ត្រូវអនុវត្តការដោះស្រាយការកកស្ទះសំណុំរឿង នៅក្នុងយុទ្ធនាការនេះ ដោយមានមូលដ្ឋានយុត្តិធម៌ និងមិនត្រូវឱ្យមានដាច់ខាតនូវស្ថានភាព “ត្រីងៀតឆ្លៀតពង“។ គិតត្រឹមសប្តាហ៍ទី៣នេះ គណៈកម្មការទាំង៤របស់យុទ្ធនាការដោះស្រាយការកកស្ទះសំណុំរឿងតាមបណ្តាសាលាដំបូងរាជធានី ខេត្ត បានចុះពិនិត្យ និងតាមដានដល់បណ្តាសាលាដំបូងរាជធានី ខេត្ត ជាច្រើន ដោយក្នុងនោះក្រសួងយុត្តិធម៌នឹងប្រកាសបូកសរុបលទ្ធផល នៃសកម្មភាពមួយខែនៅថ្ងៃទី១៨ ខែមិថុនាខាងមុខនេះ៕
ព័ត៌មានគួរចាប់អារម្មណ៍
ពលរដ្ឋ៣ភូមិ នៅស្រុកសណ្ដាន់ រងគ្រោះដោយសារក្រុមហ៊ុន ស៊ីអ ស៊ីខេ ឈូកឆាយរំលោភយកដីពួកគាត់ សុំឲ្យសម្ដេចតេជោជួយអន្តរាគមន៍ (ខ្មែរជាយដែន)
ឆ្នោត សៀមនិងយួន ត្រូវគេបើកលេងម៉ាសេរី នៅទីក្រុងទេសចរណ៍សៀមរាប (ខ្មែរជាយដែន)
រថយន្តធុនធំ ដឹកប្រេងគេចពន្ធ ពីថៃ ចូលកម្ពុជា តាមច្រកជប់គគីរ ម៉ាសេរី (ខ្មែរជាយដែន)
វីដែអូ
ចំនួនអ្នកទស្សនា