មន្ត្រីប៉ូលីស ប៉េអឹម និងយោធាខេត្តត្បូងឃ្មុំ៦នាក់ ត្រូវបានឃាត់ខ្លួន បន្ទាប់ពីក្រុមនេះបានបាញ់បោះសេរី ទៅលើឈ្មួញរកស៊ីឈើ បង្កការភ្ញាក់ផ្អើល
ខេត្តកំពង់ចាម ៖ កម្លាំងនគរបាលស្រុកពៃឈរ សហការជាមួយកម្លាំងជំនាញខេត្តកំពង់ចាម កាលពីវេលាម៉ោង១២និង៤០នាទី ថ្ងៃទី១៤ ខែមិថុនា ឆ្នាំ២០២០ បានចុះធ្វើការឃាត់ខ្លួនមន្ត្រីប៉ូលីស ប៉េអឹម និងយោធាខេត្តត្បូងឃ្មុំចំនួន៦នាក់ នៅក្នុងទឹកដីស្រុកព្រៃឈរ ខេត្តកំពង់ចាម បន្ទាប់ពួកគេ បានបាញ់បោះសេរី ទៅលើឈ្មួញរកស៊ីឈើ បង្កការភ្ញាក់ផ្អើលតាំងពីខេត្តត្បូងឃ្មុំ រហូតដល់ខេត្តកំពង់ចាម ព្រោះខឹងរថយន្តដឹកឈើមិនព្រមឈប់តាមបំណងរបស់ពួកគេ។
មន្ត្រីប៉ូលីស ប៉េអឹម និងយោធាខេត្តត្បូងឃ្មុំ៦នាក់ ត្រូវបានឃាត់ខ្លួន បន្ទាប់ពីក្រុមនេះបានបាញ់បោះសេរី ទៅលើឈ្មួញរកស៊ីឈើ បង្កការភ្ញាក់ផ្អើល
លោកវរសេនីយ៍ឯក កែវ ស៊ាងហ៊ាន់ អធិការនគរបាលស្រុកពៃឈរ បានឲ្យដឹងថា កម្លាំងជំនាញបានធ្វើការឃាត់រថយន្តចំនួន៤គ្រឿង និងឃាត់ខ្លួនមនុស្សចំនួន៦នាក់ មកពីស្ថាប័នចំនួន៣ផ្សេងគ្នា រួមមានៈ
១.ឈ្មោះផុន វាសនា ឋានៈនាយផ្នែកសន្តិសុខ ជាមន្ត្រីនគរបាលស្រុកត្បូងឃ្មុំ ខេត្តត្បូងឃ្មុំ។
២.ឈ្មោះ ជាតិ សំណាង ឋានន្តរសក្កិអនុសេនីយ៍ត្រី ជាជំនួយការហ្វឹកហ្វឺន យោធាស្រុកត្បូងឃ្មុំ ដែលជាអ្នកបាញ់បោះដោយកាំភ្លើង AK47 ចំនួន១គ្រាប់។
៣.ឈ្មោះ កេត តារា ឋានន្តរសក្កិនាយចំណង់ យោធាស្រុកត្បូងឃ្មុំ។
៤.ឈ្មោះ ម៉ៅ អឿន ឋានន្តរសក្កិអនុសេនីយ៍ទោ កងការពារស្រុកត្បូងឃ្មុំ។
៥.ឈ្មោះ ខែម សុធារ័ត្ន ឋានន្តរសក្កិអនុសេនីយ៍ទោ នាយផ្នែកសន្តិសុខ (ប៉េអឹម)។
៦.ឈ្មោះ វ៉ាន់ សុទ្ធ ឋានន្តរសក្កិនាយចំណង់(ប៉េអឹម)។
មន្ត្រីប៉ូលីស ប៉េអឹម និងយោធាខេត្តត្បូងឃ្មុំ៦នាក់ ត្រូវបានឃាត់ខ្លួន បន្ទាប់ពីក្រុមនេះបានបាញ់បោះសេរី ទៅលើឈ្មួញរកស៊ីឈើ បង្កការភ្ញាក់ផ្អើល
ក្រៅពីឃាត់ខ្លួនមន្ត្រីប្រដាប់អាវុធទាំង៦នាក់ខាងលើនោះ សមត្ថកិច្ចខេត្តកំពង់ចាម ក៏បានឃាត់ខ្លួនព្រូឡានម្នាក់ ឈ្មោះ រីម សុខរឹម ភេទប្រុស អាយុ២៧ឆ្នាំ រស់នៅភូមិកោះកន្ដឹន ឃុំសាមគ្គី ស្រុកស្ទឹងត្រែង ខេត្តស្ទឹងត្រែង និងដកហូតវត្ថុតាង រួមមាន រថយន្តម៉ាកសំាងយ៉ុង១គ្រឿង ពណ៌លឿង ដែលដឹកសសរចំនួន១៦ដើម កាំភ្លើងម៉ាកAKចំនួន១ដើម គ្រាប់២៤គ្រាប់ រថយន្តម៉ាកកាមរីបាឡែនមួយគ្រឿង ពាក់ស្លាកលេខ ភ្នំពេញ2Q-2237 រថយន្តម៉ាកកាមរីបាឡែនមួយគ្រឿង ពាក់ស្លាកលេខភ្នំពេញ2T-4068 និងរថយន្តម៉ាកតូយូតា ហាយព្រីតមួយគ្រឿង ពាក់ស្លាកលេខ ខេមរភូមិន្ទ 2-0538 ។
មន្ត្រីប៉ូលីស ប៉េអឹម និងយោធាខេត្តត្បូងឃ្មុំ៦នាក់ ត្រូវបានឃាត់ខ្លួន បន្ទាប់ពីក្រុមនេះបានបាញ់បោះសេរី ទៅលើឈ្មួញរកស៊ីឈើ បង្កការភ្ញាក់ផ្អើល
សមត្ថកិច្ចបានបញ្ជាក់ថា ការឃាត់ខ្លួនជនទាំង៦នាក់នេះ បន្ទាប់ពីពួកគេបានបង្កការបាញ់បោះយ៉ាងសេរី ដើម្បីឃាត់រថយន្តដឹកឈើតាំងពីខេត្តត្បូងឃ្មុំ រហូតដល់ទឹកដីខេត្តកំពង់ចាម ពោលគឺនៅចំណុចភូមិផ្អាវ ឃុំផ្អាវ ស្រុកបាធាយ ខេត្តកំពង់ចាម ព្រោះខឹងរថយន្តដឹកឈើមិនព្រមឈប់ ហើយបើកប៉ះពាររថយន្តក្រុមខ្លួន បណ្តាលឲ្យក្រឡាប់១គ្រឿង នៅខេត្តត្បូងឃ្មុំ។បែបណាក្ដី ក្រោយការឃាត់ខ្លួនជនសង្ស័យទាំង៦នាក់ និងវត្ថុតាង ត្រូវសមត្ថកិច្ចជំនាញ នៃអធិការដ្ឋានគរបាលស្រុកព្រៃឈរ កសាងសំណុំរឿងដើម្បីចាត់ការតាមតាមនីតិវិធី៕
