ថៃ៖ ថៃនឹងបើកច្រកព្រំដែនជាមួយបណ្តាប្រទេសជិតខាងទាំងអស់ ដើម្បីបន្តការដឹកជញ្ជូនទំនិញឆ្លងកាត់ព្រំដែនចាប់ពីថ្ងៃពុធទី១ ខែកក្កដាខាងមុខតទៅ។ នេះបើយោងតាមមជ្ឈមណ្ឌលសម្រាប់រដ្ឋបាលស្ថានការណ៍ Covid-19 ថៃ ដែលដឹកនាំដោយនាយករដ្ឋមន្ត្រី ប្រប្រាយុធចាន់ អអូចា។ អ្នកនាំពាក្យមជ្ឈមណ្ឌលសម្រាប់រដ្ឋបាលស្ថានការណ៍ Covid-19 ថៃ លោក Thaweesilp Visanuyothin បាននិយាយថាកាលពីថ្ងៃច័ន្ទថា ថៃបានសម្រេចចិត្តបើកច្រកព្រំដែនសរុបចំនួន៣៧ នៅតាមព្រំដែនជាមួយមីយ៉ាន់ម៉ា ឡាវ កម្ពុជា និងម៉ាឡេស៊ី ដើម្បីឱ្យទំនិញអាចដឹកជញ្ជូនបាន ហើយឈ្មួញអាចត្រូវបានអនុញ្ញាត ឱ្យឆ្លងកាត់ព្រំដែន។ នេះគឺជាផ្នែកមួយនៃការបន្ធូរបន្ថយដំណាក់កាលទី៥ នៃវិធានការទប់ស្កាត់របស់ថៃប្រឆាំងនឹងជំងឺរាតត្បាត COVID-19 ។ ច្រកទ្វារព្រំដែនថៃ ដែលនឹងត្រូវបើកដំណើរការឡើងវិញ រួមមាន១៤កន្លែង ជាប់ប្រទេសឡាវ ៨កន្លែងជាមួយមីយ៉ាន់ម៉ា ៧កន្លែងជាមួយកម្ពុជា និង៨ទៀតជាមួយម៉ាឡេស៊ី។ ជាពិសេសកម្ពុជានឹងសប្បាយចិត្ត ព្រោះពួកគេអាចបន្តជំនួញ និងការធ្វើពាណិជ្ជកម្ម ដែលបានថយចុះដោយសារការរីករាលដាលនៃជំងឺ Covid-19 ។ ទោះយ៉ាងណាក៏ដោយ ភ្ញៀវទេសចរមកពីប្រទេសជិតខាង មិនត្រូវបានអនុញ្ញាត ឱ្យចូលថៃតាមរយៈច្រកព្រំដែនទាំងនេះទេ៕
ព័ត៌មានគួរចាប់អារម្មណ៍
ពលរដ្ឋ៣ភូមិ នៅស្រុកសណ្ដាន់ រងគ្រោះដោយសារក្រុមហ៊ុន ស៊ីអ ស៊ីខេ ឈូកឆាយរំលោភយកដីពួកគាត់ សុំឲ្យសម្ដេចតេជោជួយអន្តរាគមន៍ (ខ្មែរជាយដែន)
ឆ្នោត សៀមនិងយួន ត្រូវគេបើកលេងម៉ាសេរី នៅទីក្រុងទេសចរណ៍សៀមរាប (ខ្មែរជាយដែន)
រថយន្តធុនធំ ដឹកប្រេងគេចពន្ធ ពីថៃ ចូលកម្ពុជា តាមច្រកជប់គគីរ ម៉ាសេរី (ខ្មែរជាយដែន)
វីដែអូ
ចំនួនអ្នកទស្សនា