អង្គភាពប្រឆាំងអំពើពុករលួយ គួរតែចាត់វិធានការពិនិត្យ និងស្រាវជ្រាវ លោក សាន វិជ្ជាសារ៉ាវុធ និងបក្ខពួក ដោយរងការចោទប្រកាន់ថាទារលុយក្រៅផ្លូវការច្រើនហួសហេតុ !
បន្ទាយមានជ័យ៖ ក្នុងការបែកធ្លាយលោក សាន វិជ្ជាសារ៉ាវុធ ប្រធានសាខាការពារអ្នកប្រើប្រាស់កិច្ចការប្រកួតប្រជែង និងបង្រ្កាបការក្លែងបន្លំ ខេត្តបន្ទាយមានជ័យ (ក.ប.ប) បានប្រមូលលុយតាមរបៀបពុលរលួយពេញទំហឹង ។
ប្រភពពីសមត្ថកិច្ចពាក់ពន្ធ នៅច្រកទ្វារអន្តរជាតិប៉ោយប៉ែតបានអោយដឹងថា លោកសាន វិជ្ជាសារ៉ាវុធ ប្រធានសាខាការពារអ្នកប្រើប្រាស់កិច្ចការប្រកួតប្រជែងនិងបង្រ្កាបការក្លែងបន្លំខេត្តបន្ទាយមានជ័យ កំពុងប្រើប្រាស់អំណាចនិងតួនាទីរបស់ខ្លួនប្រមូលលុយតាមរបៀបពុករលួយយ៉ាងពេញបន្ទុកគ្មានញញើតអ្វីទាំងអស់។ ប្រភពបានអោយដឹងបន្តទៀតថា លោកសាន វិជ្ជាសារ៉ាវុធ និងកូនចៅដែលជាមន្ត្រីបានឃុបឃិតគ្នាប្រព្រឹត្តអំពើពុករលួយ ហើយធ្វើការងារគាបសង្កត់ទៅលើក្រុមរថយន្តដឹកទំនិញ និងមេឈ្មួញទំនិញនៅតាមឃ្លាំងទាំងគំរោល ដើម្បីទាជំរិតលុយដាក់ខែជាប្រចាំ។
ប្រភពពីអាជីវករ ដែលលក់ដូរទំនិញតាមទីផ្សារនានានៅក្នុងខេត្តបន្ទាយមានជ័យ មានផ្សារអគ្គៈ និងផ្សារត្រី(នៅក្រុងប៉ោយប៉ែត)ជាដើម បានរៀបរាប់ប្រាប់ថា លោកសាន វិជ្ជាសារ៉ាវុធ បានប្រើប្រាស់ មន្ត្រីម្នាក់ដែលទើបនឹងបានផ្លាស់ប្ដូរពីស្រុកម៉ាឡៃ អោយដើរប្រមូលលុយដាក់ខែ តាមទីផ្សារ ដោយក្នុងមួយខែតម្រូវអោយបង់ ១០០ដុល្លារ ទៅ២០០ដុល្លារ ក្នុងមួយកន្លែង ។
ប្រភពនៅតាមហាងលក់ទំនិញនានា និងស្ថានីយ៍ប្រេងឥន្ធន: នៅក្នុងខេត្តបន្ទាយមានជ័យ សុទ្ធតែត្រូវបានមន្រ្តីការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ (ក.ប.ប) បានទូរស័ព្ទកោះហៅអ្នកលក់ទំនិញ និងម្ចាស់ប្រេងឥន្ធន: ដើម្បីទារជំរឹតលុយដាក់ខែ ទៅតាមមុខរបរអាជីវកម្មតូច ធំ និមួយៗ ដោយបានកំណត់បង់លុយប្រចាំខែ ដោយក្នុងមួយខែចាប់ពី ៤០មុឺន រហូតដល់១លានរៀល ។
ប្រភពបានអោយដឹងទៀតថា លោកសាន វិជ្ជាសារ៉ាវុធ ប្រធានសាខា(ក.ប.ប) ខេត្តបន្ទាយមានជ័យ បានប្រើប្រាស់មន្រ្តីជំនិតដែលជាបក្ខពួកនិយមរបស់ខ្លួន អោយបំពេញតែការងារប្រមូលលុយតាមរបៀបពុករលួយ ដែលជាសេចក្តីត្រូវការរបស់ខ្លួនតែប៉ុណ្ណោះ។ ពេលនេះលោកកំពុងតែយកស្ថាប័ន និងអង្គភាពរបស់រដ្ឋអោយក្លាយទៅជាកន្លែងជាអាជីវកម្មផ្តាច់មុខ របស់លោក និងបក្ខពួក កូនចៅរបស់លោកទៅហើយ មិនតែប៉ុណ្ណោះ លោក សាន វិជ្ជាសារ៉ាវុធ តែងតែទន្ទេញឈ្មោះ ឯកឧត្តម ផាន អូន អគ្គនាយក នៃអគ្គនាយកដ្ឋាន ការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ ដើម្បីយកមកបិទបាំងទង្វើរមិនប្រក្រតី និងអំពើពុករលួយរបស់ខ្លួន។ ដោយសារមន្រ្តីជំនាញពុករលួយយ៉ាងដូច្នេះហើយ ទើបកន្លងមកបណ្តាលអោយមានការស្លាប់មនុស្សអស់ជាច្រើននាក់នៅក្នុងខេត្តបន្ទាយមានជ័យគឺដោយបានប្រើប្រាស់ស្រាថ្នាំចិនសែយីហោ(តាំងគួយ)ជាដើម ដោយសាតែមន្ត្រីមិនបានយកចិត្តទុកត្រួតពិនិត្យអោយបានត្រឹមត្រូវច្បាស់លាស់ ។ បញ្ហាបែបនេះគឺជារឿងដែល ថ្នាក់នឹកនាំក្រសួងពាណិជ្ជកម្ម និងនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ (ក.ប.ប) មិនគួរបណ្តែតបណ្តោយអោយ លោក សាន វិជ្ជាសារ៉ាវុធ ព្រមទាំងកូនចៅធ្វើអ្វីតាមតែអំពើចិត្តឡើយ។
