ថ្ងៃទី១០ ខែសីហា ឆ្នាំ២០២០
សារព័ត៌មាន ខ្មែរជាយដែន ( ជាសារព័ត៌មានឯករាជ្យ ទាន់ហេតុការណ៍ ចំពោះព្រឹត្តិការណ៍កើតឡើងនៅក្នុងប្រទេសកម្ពុជា )​ហ៊ាននិយាយការពិត ប្រសើរជាងនិយាយការពារ
លោក សាន វិជ្ជាសារ៉ាវុធ ប្រើប្រាស់តួនាទី ស្ថាប័ន និងអង្គភាពរបស់រដ្ឋ នាំគ្នាប្រព្រឹត្តអំពើពុករលួយ
Do,06 August 2020 (Time 06:04 )
ដោយ ៖ រតនា (ចំនួនអ្នកអាន: 270នាក់)


បន្ទាយមានជ័យ ៖ កន្លងមកសម្តេចអគ្គមហាសេនាបតីតេជោ ហ៊ុន សែន បានប្រកាសជូនប្រជាពលរដ្ឋជាសាធារណៈថា អោយមានតែស្ថាប័ន្ត តែ២ប៉ុណ្ណោះគឺ ស្ថាប័ន្តគយ និងរដ្ឋាករ និងស្ថាប័ន្តនគរបាលអន្តោប្រវេសន៍ មិនអនុញ្ញាតិអោយស្ថាប័ន្តផ្សេងៗទៀតនៅក្បែរច្រកទ្វារអន្តរជាតិប៉ោយប៉ែត ហើយសម្តេចក៏បានលើកឡើងថា ចំពោះស្ថាប័ន្តកាំកុងត្រូលគឺមិនអនុញ្ញាតអោយត្រួតពិនិត្យនៅច្រកទ្វារអន្តរជាតិប៉ោយប៉ែតឡើយ ។ ក្រោមមកសម្តេចអគ្គមហាសេនាបតី តេជោហ៊ុន សែនបានអនុញ្ញាតិអោយស្ថាប័ន្តនេះប្តូរឈ្មោះ ទៅជានាយកដ្ឋានការពារអ្នកប្រើប្រាស់ កិច្ចការប្រគួតប្រជែង និងបង្រ្កាបការក្លែងបន្លំ (ក.ប.ប) យោងតាមអ នុក្រឹត្យលេខ៣៨អនក្រ.បក ស្តីពីការរៀបចំ និងការប្រព្រឹត្តទៅរបស់ក្រសួងពាណិជ្ជកម្មចុះថ្ងៃទី១៦ ខែមីនា ឆ្នាំ២០២០ គ្រប់គ្រងដោយឯកឧត្តមផាន អូន អគ្គនាយក នៃអគ្គនាយកដ្ឋាន (ក.ប.ប) ។ ដូច្នេះមានការបែកធ្លាយរឿងអាស្រូវរបស់លោក សាន វិជ្ជាសារាវុធ ប្រធានសាខា(ក.ប.ប) ខេត្តបន្ទាយមានជ័យ បានបង្កើតមន្រ្តីក្រោមឱវាទ ទារជំរឹតលុយដាក់ខែ ពីរថយន្តដឹកទំនិញ និងម្ចាស់ទំនិញតាមឃ្លាំង នៅក្នុងក្រុងប៉ោយប៉ែត ដោយតម្រូវអោយបង់លុយប្រចាំខែ ក្នុងនោះមានរថយន្តដឹកទំនិញមួយចំនួន ត្រូវបង់លុយ២០មុឺនរៀលក្នុងមួយខែ មានចំនួនរាប់រយគ្រឿង ហើយចំពោះម្ចាស់ទំនិញនៅតាមឃ្លាំងវិញគឺតម្រូវអោយបង់១លានរៀលក្នុងមួយខែ ដោយមានឃ្លាំងជាច្រើន ។ ប្រភពបន្តទៀតថាកន្លងទៅពួកមន្រ្តីកាំកុងត្រូលបានប្តូរឈ្មោះ(ក.ប.ប) បានចាប់រថយន្តដែលបានដឹកទំនិញ មួយគ្រឿង ដោយជំរឹតទារលុយចំនួន ២លានរៀល ដោយគាត់បានអង្វរពួកមន្រ្តី សុំអោយយកតែ៥០មុឺនរៀលបានហើយ ព្រោះថាពួកគាត់ក៏ធ្លាប់បានបង់លុយជាប្រចាំខែអោយពួកមន្រ្តីផងដែរ។ ចំណែកឯម្ចាស់ឈ្មួញម្នាក់ដែលពួកមន្រ្តីបានចាប់យកទំនិញរបស់គាត់ ចំនួន១៩ដុំ ជំរិតទារលុយចំនួន៥លាន ប៉ុន្តែម្ចាស់ទំនិញបានអង្វរករដល់មន្រ្តីសុំបង់តែ២លានរៀលប៉ុណ្ណោះក៏បានយល់ព្រម ។ ហើយពួកមន្ត្រីបានប្រាប់ថា បើចង់រកសុីជំនួញដឹកទំនិញនេះ ត្រូវតែបង់លុយអោយមន្រ្តីជំនាញកាំកុងត្រូលដែលបាមប្តូរឈ្មោះ(ក.ប.ប)នេះផង ទើបថ្ងៃក្រោយគេលែងបង្រ្កាបតទៅទៀត ។ ប្រភពពីម្ចាស់ទំនិញបានបន្តទៀតថា ដោយពួកមន្រ្តីទាំងនេះស្លៀកពាក់សុីវីលជិះរថយន្តម៉ាក់ Ford ពណ៌សដែលមានផ្លាកលេខ(ភ.ព 2AN-7769) ដើម្បីល្បាតមើលតាមដងផ្លូវប្រៀបបានដូចជាមន្រ្តីគយ ក្រោយពេលដែលពួកគេល្បាតរួច បានកំណត់មុខសញ្ញារួចរាល់ហើយ ពួកគេក៏បានមកស្នាក់នៅសណ្ឋាគារ ជាកន្លែងដែលពួកមន្រ្តីទាំងនេះ ជួបជាមួយអ្នកដឹកទំនិញ ក្រុមអាជីវករនានាក្នុងខេត្តបន្ទាយមានជ័យ ដោយបានប្រើប្រាស់ទូរស័ព្ទខលហៅក្រុមអាជីវករទាំងនោះមកដើម្បីទារជំរឹតលុយដាក់ខែនៅទីនោះឯង ព្រោះដោយសាពួកមន្រ្តីទាំងនោះ មិនទាន់មានការិយាល័យច្បាស់លាស់នៅឡើយ។ មជ្ឈដ្ឋានអ្នកច្បាប់បានលើកឡើងថាក្នុងការដកហូតទំនិញធ្វើបានលុះត្រាតែមានដីកាពីតុលាកា ហើយត្រូវមានកំណត់ហេតុច្បាស់លាស់ ប្រសិនបើក្នុងការដកហូតណា មិនមានដីកាពីតុលាកា និងកំណត់ហេតុដកហូតច្បាស់លាស់ទេ គឺជាអំពើប្លន់(មានស្ថានទំងន់ទោស) បើចំពោះមន្រ្តីរាជការវិញ គេយកច្បាប់ វិតិក្រមមកអនុវត្ត។ ជុំវិញការការចោទប្រកាន់ខាងលើនេះ សារព័ត៌មានខ្មែរជាយដែនយើង មិនអាចទំនាក់ទំនងសុំការបំភ្លឺពី លោក សាន វិជ្ជាសារាវុធបាននៅឡើយទេ តែយើងរងចាំការបកស្រាយពីលោកជានិច្ច ។

ព័ត៌មានគួរចាប់អារម្មណ៍

ពលរដ្ឋ​​៣​ភូមិ​​ នៅ​ស្រុក​សណ្ដាន់​ ​​រង​គ្រោះ​​ដោយ​សារ​​​ក្រុមហ៊ុន​ ស៊ី​អ ស៊ី​ខេ ឈូក​ឆាយ​រំលោភ​យក​ដី​​ពួក​គាត់ ​សុំ​ឲ្យ​​សម្ដេច​តេ​ជោ​​ជួយ​អន្តរាគមន៍ (ខ្មែរជាយដែន)

ព័ត៌មានគួរចាប់អារម្មណ៍

ឆ្នោត​ សៀម​និង​យួន ​ត្រូវ​គេ​បើក​​លេង​​ម៉ាសេរី​ ​នៅ​ទី​ក្រុង​ទេសចរណ៍​​​សៀមរាប ​​ (ខ្មែរជាយដែន)

ព័ត៌មានគួរចាប់អារម្មណ៍

រថយន្ត​ធុន​ធំ​ ​ដឹក​ប្រេង​គេចពន្ធ ​ពី​ថៃ​ ចូល​កម្ពុជា​​ តាម​ច្រក​ជប់​គគីរ ​​ម៉ាសេរី​​​ (ខ្មែរជាយដែន)

វីដែអូ

ចំនួនអ្នកទស្សនា

ថ្ងៃនេះ :
367 នាក់
ម្សិលមិញ :
2107 នាក់
សប្តាហ៍នេះ :
12096 នាក់
ខែនេះ :
48097 នាក់
3 ខែនេះ :
108613 នាក់
សរុប :
1126887 នាក់