បន្ទាយមានជ័យ៖ តាមប្រភពប្រជាពលរដ្ឋបានលើកឡើងថា នៅក្នុងខេត្តបន្ទាយមានជ័យ សំបូររឿងអាស្រូវជាច្រើន ដែលថ្នាក់ដឹកនាំមួយចំនួននៅក្នុងខេត្តនេះ មានដូចជាលោក ង៉ោ ម៉េងជ្រួន ជាមន្ត្រីដែលពោរពេញទៅដោយរឿងអាស្រូវជាប់ខ្លួន បែរជាបានឡើងឋាន:ទៅវិញ? សូមACUនិងក្រសួងមហាផ្ទៃ ជួយសេីបអង្កេតមើល ភាពមិនប្រក្រតី ដែលបង្កឡើងដោយអតីតចៅហ្វាយក្រុងប៉ោយប៉ែតនេះផង បច្ចុប្បន្ននេះលោក ង៉ោ ម៉េងជ្រួន ត្រូវបានឯកឧត្តម អ៊ុ រាត្រី អភិបាលខេត្តបន្ទាយមានជ័យដោយផ្តល់សិទ្ធិអោយ លោក ង៉ោ ម៉េងជ្រួន កាន់ការងារសេដ្ឋកិច្ចទាំងអស់ទូទាំងខេត្ត និងដំណោះស្រាយដីធ្លីក្នុងក្រុងប៉ោយប៉ែត។ ជាទូទៅឯកឧត្តមឧបនាយករដ្ឋមន្ត្រី កែ គឹមយ៉ានជាប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុមការងារថ្នាក់ជាតិចុះជួយខេត្តបន្ទាយមានជ័យ ស្រលាញ់ភាពយុតិ្តធម៌ ស្រលាញ់សន្តិភាពនិងអភិវឌ្ឍន៍ តែងតែផ្តល់ដំបូងមានជាច្រើនក្នុងការជំរុញមន្ត្រីថ្នាក់ក្រោមជាតិអោយខិតខំបំពេញកាតព្វកិច្ចដើម្បីបំរើប្រជាពលរដ្ឋនិងយកចិត្តទុកដាក់អោយបានភ្ជាប់ផ្ជួន តែគួរអោយសោកស្តាយ អនុសាសន៍របស់ឯកឧត្តមឧបនាយករដ្ឋមន្ត្រី កែ គឹមយ៉ាន ហាក់ដូចជាមិនមានប្រសិទ្ធិភាព ជាមួយមន្ត្រីក្រោមឱវ៉ាតទៅវិញ ដូចពាក្យចាស់លោកពោលថាគោរពអស់ពីដួងចិត្ត តែការគិតខុសពីទង្វើដែលខ្លួនកំពុងសាង។ មណ្ឌលសុខភាពប៉ោយប៉ែតមួយដែលមានទីតាំងជាប់ដងផ្លូវជាតិលេខ5 ជិតរង្វង់មូលច្រកទ្វារអន្តរជាតិប៉ោយប៉ែត ក្នុងភូមិក្បាលស្ពាន01 សង្កាត់និងក្រុងប៉ោយប៉ែត មានប្រភពបែកធ្លាយថា មានគេចូលចែចូវចង់ដោះដូរទៅទីតាំងថ្មី។ ពាក់ព័ន្ធករណីចង់ដោះដូរមណ្ឌលសុខភាពប៉ោយប៉ែតនេះ កន្លងមក គេធ្លាប់តែឮល្ហៀងៗក្រោយមកក៏ស្ងប់ស្ងាត់ទៅវិញ តែម្តងនេះប្រហែលជាទប់លែងជាប់ហើយ ព្រោះដីកំពុងមានសន្ទុះថ្លៃកប់ពពកពេលចិនចូលមកស្នាក់នៅ។ ម្យ៉ាងទីតាំងចាស់ស្ថិតនៅចំណុចខាងលើត្រូវប៉ាន់ ព្រោះក្បែរមាត់ច្រកទ្វារអន្តរជាតិដែលជាទីប្រជុំជនផងដែរ។ ពាក់ព័ន្ធប្រភពព័ត៌មានខាងលើ មន្ត្រីពេទ្យនៅក្រុងប៉ោយប៉ែត សុំមិនបញ្ចេញឈ្មោះម្នាក់ប្រាប់ខ្មែរជាយដែនតាមទូរស័ព្ទថា រឿងដោះដូរនោះអាចប្រហែលដែរ ព្រោះមានគេមកសួរថា តើចង់ប្តូរទេ? ហើយមន្ត្រីដដែលរៀបរាប់ពីទីតាំងចាស់ថា ដីទាបពេលរដូវភ្លៀង មានទឹកជ្រាបចូល ឯដំបូលក៏យ៉ាប់ដែរ ដែលការត្អូញត្អែរនេះអាចសបញ្ជាក់ថា សង្ស័យជាការត្រូវរ៉ូវគ្នាហើយក៏ថាបាន។ មិនតែប៉ុណ្ណោះមន្ត្រីដដែលថា ទីតាំងថ្មី និងមានផ្ទៃដីធំជាងមុន គឺទំហំ1ហិកតា ហើយអគារមណ្ឌលសុខភាពថ្មី និងមានកំពស់5ជាន់ បំពាក់ទៅដោយម៉ាស៊ីនត្រជាក់ និងមានជណ្តើរយន្ត ខណៈទីតាំងចាស់បច្ចុប្បន្នមានទំហំតែជាង4000ម៉ែត្រការ៉េ។ ប្រភពថា អ្នកចូលចែចូវមណ្ឌលសុខភាពប៉ោយប៉ែតនោះ ជាមន្ត្រីសាលាខេត្តបន្ទាយមានជ័យម្នាក់ ប៉ុន្តែមិនប្រាប់ឈ្មោះនោះទេ។ មន្ត្រីខាងលើប្រាប់ថា ការចែចូវប្រុងដោះដូរកើតមានជិតកន្លះឆ្នាំហើយៗថា អ្នកចូលចែចូវគេទៅមកពិនិត្យមើលទីតាំមណ្ឌលសុខភាពចាស់3ទៅ4ដងមកហើយ។
ព័ត៌មានគួរចាប់អារម្មណ៍
ពលរដ្ឋ៣ភូមិ នៅស្រុកសណ្ដាន់ រងគ្រោះដោយសារក្រុមហ៊ុន ស៊ីអ ស៊ីខេ ឈូកឆាយរំលោភយកដីពួកគាត់ សុំឲ្យសម្ដេចតេជោជួយអន្តរាគមន៍ (ខ្មែរជាយដែន)
ឆ្នោត សៀមនិងយួន ត្រូវគេបើកលេងម៉ាសេរី នៅទីក្រុងទេសចរណ៍សៀមរាប (ខ្មែរជាយដែន)
រថយន្តធុនធំ ដឹកប្រេងគេចពន្ធ ពីថៃ ចូលកម្ពុជា តាមច្រកជប់គគីរ ម៉ាសេរី (ខ្មែរជាយដែន)
វីដែអូ
ចំនួនអ្នកទស្សនា