ថ្ងៃទី២៥ ខែកញ្ញា ឆ្នាំ២០២០
សារព័ត៌មាន ខ្មែរជាយដែន ( ជាសារព័ត៌មានឯករាជ្យ ទាន់ហេតុការណ៍ ចំពោះព្រឹត្តិការណ៍កើតឡើងនៅក្នុងប្រទេសកម្ពុជា )​ហ៊ាននិយាយការពិត ប្រសើរជាងនិយាយការពារ
លោកងួន កុសលមេគយច្រកទ្វារអន្តរជាតិប៉ោយប៉ែត បិទទីលានរទេះ បើកផែស្ងួត នាំបក្ខពួកប្រព្រឹត្តអំពើពុករលួយបើកចំហរ
So,23 August 2020 (Time 06:30 )
ដោយ ៖ ណារ៉ុង (ចំនួនអ្នកអាន: 452នាក់)


ក្រុងប៉ោយប៉ែត៖ មេឈ្មួញដែលធ្លាប់រកសុី ដោយប្រើប្រាស់កម្លាំងកម្មករ អូសរទេះ ដឹកជញ្ជូនទំនិញច្រកទ្វារអន្តរជាតិប៉ោយប៉ែត ឥលូវនេះពួកគេបានជួលរថយន្តរបស់ថៃ ដឹកជញ្ជូនទំនិញតាមច្រកទ្វារប៉ោយប៉ែត ទៅទំលាក់នៅកន្លែងផែស្ងួតវិញម្តង ដោយមានមន្រ្តីគយ និងរដ្ឋាករ ដែលនៅកន្លែងទីលានរទេះ មកត្រួតពិនិត្យ ។ ឈ្មួញដឹកទំនិញចេញចូលថៃ កម្ពុជាមានដូចជាមេឈ្មួញ ជាទី ថោងឡេង កូនកុង ម៉ែអាឆុន យាយវិត ហ៊ាណយ ថោងសុីង ចែស្រី ចែអៀង និងចែអាងជាដើម បានរអ៊ូរទាំថាគយនៅច្រកទ្វារប៉ោយប៉ែត រាប់ក្បាលឡានបង់ប្រាក់ ដោយមិនបាច់សរសេរវិក័យប័ត្រនាំខាតក្រដាស់។ តាមប្រភពរបស់ក្រុមឈ្មួញ ដឹកទំនិញចេញចូលថៃ កម្ពុជាថាសព្វថ្ងៃនៅច្រកទ្វារអន្តរជាតិប៉ោយប៉ែតបានប្រាប់ថា រថយន្តដែលដឹកទំនិញចេញចូល ថៃ កម្ពុជាគឺ មន្ត្រីគយប្រចាំការនៅទីនោះ កូនចៅរបស់លោក ងួន កុសល តម្រូវអោយក្រុមឈ្មួញដឹកទំនិញ បង់លុយក្នុងក្បាលឡានមួយចាប់ពី ២លាន ទៅ៤លានរៀលដោយមិនមានចេញវិក័យប័ត្រនោះទេ។ ប្រភពបន្តទៀតថា សូម្បីតែទំនិញទាំងនោះតិចតួច មិនពេញរថយន្តក៏ដោយ មន្ត្រីគយខាងលើមិនបន្ធូរបន្ថយការបង់នោះដែរ។ ប្រភពពីមន្ត្រីពាក់ព័ន្ធនៅច្រកទ្វារអន្តរជាតិប៉ោយប៉ែត បានឲ្យដឹងថា មួយរយៈកូវិដ19-នេះគ្រប់ទឹកតែម្តងហើយ លោក ងួន កុសល ប្រធានការិយាល័យគយច្រកទ្វារអន្តរជាតិប៉ោយប៉ែត និងបក្ខពួកឃុបឃិតគ្នាប្រព្រឹត្តអំពើ ពុករលួយកាន់តែខ្លាំងក្លាជាងមុនហើយពួកគេប្រើឈ្មោះលោក នូ សុីថា មេគយសាខាខេត្តបន្ទាយមានជ័យ មកបិទបាំងយ៉ាងរលូន។ ហេតុនេះសូមលោកបណ្ឌិត គុណ ញឹម អគ្គនាយកដ្ឋានគយ និងរដ្ឋាករកម្ពុជា មិនគួរមើលរំលងអំពើពុករលួយ យ៉ាងពេញទំហឹងរបស់លោក នូ សុីថាប្រធានសាខាគយខេត្តបន្ទាយមានជ័យ ដែលកំពុងល្បីល្បាញខាងពុករលួយនោះទេ។ ពួកគាត់ដែលជាតំណាងឈ្មួញដឹកជញ្ជូនទំនិញតាមច្រកទ្វារអន្តរជាតិប៉ោយប៉ែត បានត្អូញត្អែហើយលើកឡើងថា សព្វថ្ងៃនេះលោកនូ សុីថា មេគយសាខាខេត្តបន្ទាយមានជ័យ និងលោក ងួន កុសល ប្រធានការិយាល័យគយច្រកទ្វារអន្តរជាតិប៉ោយប៉ែត ជំរឹតទារលុយច្រើនពេកធ្វើអោយពួកគាត់ ពិបាកក្នុងការរកសុីខ្លាំងណាស់។ គាត់បាននាំគ្នានិយាយបន្តទៀតថា បើចំពោះតែលុយបង់ចូលរដ្ឋគឺមិនអីទេ ប៉ុន្តែពួកគាត់ខ្លាចបំផុតគឺលុយក្រៅផ្លូវការគឺលុយក្រោមតុនេះឯង ។ ជុំវិញរឿងអាស្រូវច្រើនយ៉ាងបែបនេះលោកបណ្ឌិតគុណ ញឹម មិនគួរទុក​​ឱកាសឲ្យលោកនូ សុីថា និងលោក ងួន កុសល គ្រប់គ្រងជាប្រធានសាខា និង ប្រធានការិយាល័យគយបន្តទៅទៀតទេ។

ព័ត៌មានគួរចាប់អារម្មណ៍

ពលរដ្ឋ​​៣​ភូមិ​​ នៅ​ស្រុក​សណ្ដាន់​ ​​រង​គ្រោះ​​ដោយ​សារ​​​ក្រុមហ៊ុន​ ស៊ី​អ ស៊ី​ខេ ឈូក​ឆាយ​រំលោភ​យក​ដី​​ពួក​គាត់ ​សុំ​ឲ្យ​​សម្ដេច​តេ​ជោ​​ជួយ​អន្តរាគមន៍ (ខ្មែរជាយដែន)

ព័ត៌មានគួរចាប់អារម្មណ៍

ឆ្នោត​ សៀម​និង​យួន ​ត្រូវ​គេ​បើក​​លេង​​ម៉ាសេរី​ ​នៅ​ទី​ក្រុង​ទេសចរណ៍​​​សៀមរាប ​​ (ខ្មែរជាយដែន)

ព័ត៌មានគួរចាប់អារម្មណ៍

រថយន្ត​ធុន​ធំ​ ​ដឹក​ប្រេង​គេចពន្ធ ​ពី​ថៃ​ ចូល​កម្ពុជា​​ តាម​ច្រក​ជប់​គគីរ ​​ម៉ាសេរី​​​ (ខ្មែរជាយដែន)

វីដែអូ

ចំនួនអ្នកទស្សនា

ថ្ងៃនេះ :
30 នាក់
ម្សិលមិញ :
534 នាក់
សប្តាហ៍នេះ :
6763 នាក់
ខែនេះ :
43388 នាក់
3 ខែនេះ :
129852 នាក់
សរុប :
1192145 នាក់