បន្ទាយមានជ័យ៖ តាមប្រភពព័ត៌មាន ពីប្រជាពលរដ្ឋបានលើកឡើងថា នៅក្នុងខេត្តបន្ទាយមានជ័យ សំបូររឿងអាស្រូវជាច្រើន ដែលបានកើតមានក្នុងខេត្តនេះ ក្រោមការដឹកនាំរបស់ លោក អ៊ុំ រាត្រី ជាអភិបាល នៃគណ:អភិបាលខេត្តបន្ទាយជ័យ មានដូចជាវិវាទដីធ្លី កាយដីភ្នំ និងកាយដីក្រោមស្ពានទឹកថ្លាជាដើម ដែលជាសម្បត្តិរបស់រដ្ឋ ដែលបានឃុបឃិតគ្នាជាមួយក្រុមហ៊ុន តាហួរ ។ ជាទម្លាប់របស់ អភិបាល ខេត្ត បន្ទាយមានជ័យ ពេលមានរឿងអ្វីមួយកេីតឡេីងនៅខេត្ត ក្រៅពី ធ្វើរបាយការណ៍ភូតកុហក គឺ មិនដែលទទួលស្គាល់ ទង្វើខុសឆ្គងរបស់ខ្លួនទេ ។ ជាក់ស្ដែងករណី ជនរងគ្រោះបញ្ហាដីធ្លី ទុយ ស្រស់ ដែលត្រូវបានចាប់ធ្វើទារុណកម្មរហូតដល់ស្លាប់ ក៏ លោក អុំ រាត្រី អភិបាលខេត្តបន្ទាយមានជ័យ ហ៊ានធ្វើរបាយការណ៍ ភូតកុហកមហាជន និង ថ្នាក់ដឹកនាំដែរ ។ បេីគ្មានការអន្តរាគមន៍ពី សម្ដេចតេជោ ហ៊ុន សែន គ្រួសារជនរងគ្រោះមិនទទួលបានយុត្តិធម៌ទេ ។ នៅមានរឿងថ្មីៗកន្លងមកទៀត ពាក់ព័ន្ធនឹងការ តែងតាំង សមាជិកក្រុមប្រឹក្សាខេត្តសៀមរាប មកជាអភិបាលស្រុកម៉ាឡៃ បំពានអនុសាសន៍ណែនាំរបស់សម្ដេចតេជោ ហ៊ុន សែន ក៏ លោក អុំ រាត្រី ហ៊ានបំពានដែរ ។ ក៏ប៉ុន្តែដោយសារ សារព័ត៌មានរិះគន់ខ្លាំងពេក លោក អុំ រាត្រី អភិបាលខេត្តបន្ទាយមានជ័យ ក៏ដកថយវិញ ។ ឥលូវនេះ ថៅកែឡានដឹកដី កាយដីបំផ្លាញគល់ស្ពានទឹកថ្លា ក៏ឆ្លេីយដោះសារទៀតហេីយ ។ បេីធ្វើដល់ អភិបាលខេត្ត មិនចេះទទួលស្គាល់ កំហុសឆ្គងរបស់ខ្លួន ខេត្តនឹងមិនរីកចំរេីនទេ ។ ដែលត្រូវបានបណ្តាញសង្គម របស់លោកជំទាវ ម៉ៅ ម៉ាល័យ កែគឹមយ៉ាន ឧបនាយករដ្ឋមន្រ្តី បានបង្ហោះនូវលើបណ្តាញសង្គមហ្វេសបុកថា ស្រណោះជើងស្ពានទឹកថ្លាណាស់ គេកាយយកដីជិតដាច់ហើយ សូមលោកមន្រ្តីដែលមានតួរនាទីជួយមើលៗផង ព្រោះស្ពាននេះឯកឧត្តមកែ គឹមយ៉ាន លោកខំអភិរក្សទុកអោយក្មេងជំនន់ក្រោយបានស្គាល់ សូមអាជ្ញាធរខេត្តបន្ទាយមានជ័យជួយបំភ្លឺផង ។ ពាក់ពន្ធ័បញ្ហាខាងលើ សូមអោយក្រសួងមហាផ្ទៃចាត់តាំងអធិការកិច្ច ស៊ើបអង្កេតស្រាវជ្រាវភាពមិនប្រក្រតីទៅលើថ្នាក់ដឹកនាំរបស់ខេត្តបន្ទាយមានជ័យផង កុំអោយប៉ះពាល់ពាល់ដល់ប្រមុខរដ្ឋាភិបាលដែលលោកតែងតែគិតគូផលប្រយោជន៍ជាតិ និងប្រជាពលរដ្ឋជាធំ ។ ឯកឧត្តមកែ គឹមយ៉ាន ឧបនាយករដ្ឋមន្រ្តី ប្រធានអាជ្ញាធរជាតិ ប្រយុទ្ធប្រឆាំង គ្រឿងញៀន និងជាប្រធនក្រុមការងារថ្នាក់ជាតិ ចុះជួយខេត្តបន្ទាយមានជ័យ ដែលស្រលាញ់ភាពយុត្តិធម៌ ស្រលាញ់សន្តិភាព ក្នុងការអភិវឌ្ឍន៍ តែងតែបានផ្តល់ដំបូន្មានជាច្រើន ក្នុងការជំរុញអោយមន្រ្តីថ្នាក់ក្រោមជាតិ អោយខិតខំបំពេញកាតព្វកិច្ច ដើម្បីបំរើប្រជាពលរដ្ឋ និងយកចិត្តទុកដាក់អោយបានខ្ជាប់ខ្ជួន តែគួរអោយសោកស្តាយអនុសាសន៍របស់ឯកឧត្តមឧបនាយករដ្ឋមន្រ្តី កែ គឹមយ៉ាន ហាក់ដូចជាមិនមានប្រសិទ្ធភាពជាមួយមន្រ្តីក្រោម ឱវាទទៅវិញ ដូចពាក្យចាស់លោកពោលថា គោរពអស់ពីដួងចិត្ត តែការពិត គិតខុសពីទង្វើរដែលខ្លួនកំពុងសាង ។ គួរអោយសោកស្តាយមិនគួរប្រមុខរដ្ឋាភិបាល យកមន្រ្តីដែលស្ពឹកស្រពន់ (មន្រ្តីជើង១០)មកដឹកនាំក្នុងខេត្តបន្ទាយមានជ័យសោះ ឫក៏មន្រ្តីគណ:បក្សប្រជាជនយើងចូលចិត្ត រពឹសដៃផ្ទៃឆ្អែត ។
ព័ត៌មានគួរចាប់អារម្មណ៍
ពលរដ្ឋ៣ភូមិ នៅស្រុកសណ្ដាន់ រងគ្រោះដោយសារក្រុមហ៊ុន ស៊ីអ ស៊ីខេ ឈូកឆាយរំលោភយកដីពួកគាត់ សុំឲ្យសម្ដេចតេជោជួយអន្តរាគមន៍ (ខ្មែរជាយដែន)
ឆ្នោត សៀមនិងយួន ត្រូវគេបើកលេងម៉ាសេរី នៅទីក្រុងទេសចរណ៍សៀមរាប (ខ្មែរជាយដែន)
រថយន្តធុនធំ ដឹកប្រេងគេចពន្ធ ពីថៃ ចូលកម្ពុជា តាមច្រកជប់គគីរ ម៉ាសេរី (ខ្មែរជាយដែន)
វីដែអូ
ចំនួនអ្នកទស្សនា