ខេត្តបន្ទាយមានជ័យ ៖ មន្ត្រីនគរបាលម្នាក់នៅប៉ុស្តិ៍រដ្ឋបាលសង្កាត់និមិត្តក្រុងប៉ោយប៉ែតត្រូវឃាត់ខ្លួន ក្រោយធ្វើសកម្មភាពបាញ់រះ ក្នុងចេតនាសម្លាប់ជនរងគ្រោះ ក៏បណ្ដាលឱ្យុយុវជនម្នាក់ធ្លាយពោះរងរបួសធ្ងន់ធ្ងរ កាលពីវេលាម៉ោងប្រមាណជាង១០យប់ កាលពីថ្ងៃទី ២៧ ខែសីហា ឆ្នាំ២០២០ នៅចំណុចក្បែរប៉ុស្តិ៍រដ្ឋបាល។ លោក សិទ្ធិ ឡោះ ស្នងការរងនៃស្នងការដ្ឋាននគរបាលខេត្តបន្ទាយមានជ័យ ទទួលផែនព្រហ្មទណ្ឌបានអោយដឹងថា ៖ ខ្មាន់កាំភ្លើង ជាជនដៃដល់មានឈ្មោះ រិទ្ធី ពិសិដ្ឋជាមន្ត្រីនគរបាលនៃប៉ុស្តិ៍រដ្ឋបាលនិមិត្តក្រុងប៉ោយប៉ែតជំនាន់ថ្មី ។ បច្ចុប្បន្នកំពុងស្ថិតក្រោមការសួរនាំពីសំណាក់មន្ត្រីជំនាញនៃការិយាល័យព្រហ្មទណ្ឌកំរិតធ្ងន់។ ចំណែកជនរងគ្រោះមានឈ្មោះ នាង មករា ភេទប្រុសអាយុ២១ឆ្នាំ រស់នៅភូមិ សង្កាត់ខាងលេី។ បើតាមសំដីម្តាយជនរងគ្រោះ បាននិយាយថា៖ មុនពេលកេីតហេតុ នៅវេលាម៉ោងខាងលេី មានមន្ត្រីនគរបាល២នាក់ បានដេីរតម្រង់មក បាញ់មួយគ្រាប់តែម្តង ហេីយចំទៅលេីកូនគាត់ បណ្តាលអោយធ្លាយពោះ គ្រានោះគាត់បានដឹកកូន ទៅកាន់មន្ទីរពេទ្យឯកជន នៅខេត្តបន្ទាយមានជ័យ។ លោកនាយប៉ុស្តិ៍ សង្កាត់និមិត្តបានអោយដឹងថា ៖ ករណីនេះលោកបានរាយការណ៍ និងបញ្ជូនរបាយការណ៍ ជូនលោកស្នងការរួចហេីយ។ ជុំវិញការបាញ់បោះសម្លាប់មនុស្ស សេរីហើយបណ្តាលយុវជនម្នាក់រងរបួស ប្រភពព័ត៌មានខ្លះ បានទម្លាយអោយដឹងថា ៖ សំណុំរឿងមិនត្រូវបានបញ្ជូនមកកាន់អយ្យការសាលាដំបូងខេត្តនោះទេ ដោយថាជនដៃដល់ជាមន្ត្រីនគរបាលជាប់ថ្មីនោះជាកូនលោកផ្កាយបីដ៏មានឥទ្ធិពលម្នាក់នៅក្នុងក្រសួងមហាផ្ទៃដែលទើបចូលនិវត្តន៍។ប្រភពបានបន្តទៀតថា មន្ត្រីនគរបាលរូបនោះ ត្រូវបានគេកែសំណុំរឿងអោយមានភាពធូរស្រាលដែលអាចដោះលែងអោយមានសេរីភាព ឬ ក៏ពិន័យរដ្ឋបាលអង្គភាព តាមរយះអង្គហេតុបាញ់ការពារខ្លួន។ យោងលើអង្គហេតុនេះ និង ប្រភពបែកធ្លាយករណីរត់ការ ចរចាជាមួយជនរងគ្រោះក្រៅប្រព័ន្ធតុលាការ ជនដៃដល់ ហាក់មានសង្ឃឹមច្រើនក្នុងការដោះលែង ដោយលើកលែងការចោទប្រកាន់ពីអយ្យការ។ មហាជនកំពុងរងចាំមើល ថាវាសនាមន្ត្រីនគរបាលដៃដល់ បាញ់បោះសេរី ឥទ្ធិពលឪពុកជាអគ្គរងនៃក្រសួងមហាផ្ទៃដែលចូលនិវត្តន៍ហើយ អាចជួយកូនប្រុសម្នាក់នេះបានរឺយ៉ាងណា ។ ចំណែកជនរងគ្រោះ ដែលកំពុងសម្រាកព្យាបាលក្នុងមន្ទីរពេទ្យ អាចទទួលបានយុត្តិធម៌ដែរឬទេ។ ទោះជាមានករណីរត់ការក៏ដោយ មិនអាចកែសំណុំរឿងពីបទល្មើសបាញ់សម្លាប់ជនរងគ្រោះ មកជាការប្រើសិទ្ធបាញ់ការពារខ្លួនបានឡើយ ខណៈខ្មាន់កាំភ្លើងមានចេតនាទុច្ចរិតប្រព្រឹត្តបទឧក្រិដ្ឋ ដើរតម្រង់មកបាញ់ជនរងគ្រោះតែម្តង ។ បើតាមក្រមព្រហ្មទណ្ឌមាត្រា១៩៩ចែងថាអំពើមនុស្សឃាតដោយចេតនាត្រូវផ្ដន្ទាទោសដាក់ពន្ធនាគារពី១០ឆ្នាំទៅ១៥ឆ្នាំ។ សាច់ញាតិគ្រោងប្ដឹងទៅសាលាដំបូងខេត្តបន្ទាយមានជ័យនៅថ្ងៃទី៣១សីហាដើម្បីរកយុត្តិធម៌ដល់ជនរងគ្រោះ។ មន្ត្រីសិទ្ធិមនុស្ស លោក ស៊ុំ ច័ន្ទគា ឱ្យដឹងថានៅក្នុងឆ្នាំ២០២០ យ៉ាងហោចណាស់មាន២ករណីហើយដែលប៉ូលិសនៅក្នុងខេត្តបន្ទាយមានជ័យបាញ់ពលរដ្ឋឱ្យរងរបួស និងស្លាប់ ដោយពុំមានការចាត់វិធានការផ្លូវច្បាប់។ កាលពីដើមឆ្នាំ២០២០ មានពលរដ្ឋម្នាក់នៅក្រុងប៉ោយប៉ែតត្រូវបានប៉ូលិសក្រុងនេះបាញ់ស្លាប់ក្នុងរឿងជម្លោះផ្ទាល់ខ្លួនទាំងកណ្ដាលយប់ និងចុងក្រោយកើតឡើងនៅសង្កាត់និមិត្ត។ លោកអះអាងថាករណីទាំងពីរនេះអាជ្ញាធរមិនទាន់ចាប់ជនដៃដល់ទាំងនោះមកផ្ដន្ទាទោសបាននៅឡើយ៕ មុននេះបន្តិច នារសៀលថ្ងៃទី៣០ ខែសីហា ឆ្នាំ២០២០ លោក សិទ្ធិ ឡោះ ស្នងការរងនៃស្នងការដ្ឋាននគរបាលខេត្តបន្ទាយមានជ័យ ទទួលផែនព្រហ្មទណ្ឌបានអោយខាងសារព័ត៌មានដឹងតាមទូរស័ព្ទថា៖ ចំពោះជនសង្ស័យជាមន្ត្រីនគរបាល បច្ចុប្បន្នកំពុងកសាងសំណុំរឿង បញ្ជូនខ្លួនទៅតុលាការនៅព្រឹកស្អែក។ លោកថា មិនមានករណីដោះលែងឡើយ ព្រោះជាបទល្មើសព្រហ្មទណ្ឌ និងបន្តស្រាវជ្រាវបន្ថែមទៀតតាមនីតិវិធី៕
ព័ត៌មានគួរចាប់អារម្មណ៍
ពលរដ្ឋ៣ភូមិ នៅស្រុកសណ្ដាន់ រងគ្រោះដោយសារក្រុមហ៊ុន ស៊ីអ ស៊ីខេ ឈូកឆាយរំលោភយកដីពួកគាត់ សុំឲ្យសម្ដេចតេជោជួយអន្តរាគមន៍ (ខ្មែរជាយដែន)
ឆ្នោត សៀមនិងយួន ត្រូវគេបើកលេងម៉ាសេរី នៅទីក្រុងទេសចរណ៍សៀមរាប (ខ្មែរជាយដែន)
រថយន្តធុនធំ ដឹកប្រេងគេចពន្ធ ពីថៃ ចូលកម្ពុជា តាមច្រកជប់គគីរ ម៉ាសេរី (ខ្មែរជាយដែន)
វីដែអូ
ចំនួនអ្នកទស្សនា