បន្ទាយមានជ័យ៖ ប្រជាពលរដ្ឋ៥១គ្រួសារបានដាក់ពាក្យប្តឹង អភិបាលរងខេត្តបន្ទាយមានជ័យ លោក ង៉ោ ម៉េងជ្រួន ដែលជាអតីតអភិបាលក្រុងប៉ោយប៉ែត និងលោក លី សារី អតីតប្រធាន មន្ទីររៀបចំដែនដីនគរូនីយកម្មនិងសំណង ខេត្តបន្ទាយមានជ័យ ហើយបច្ចុប្បន្នឡើងជាអភិបាលរងខេត្តបន្ទាយមានជ័យដូចគ្នា ប្តឹងពីបទ “សមគំ និតក្នុងអំពើក្លែងបន្លំឯកសារ និងប្រើប្រាស់ឯកសារសាធារណៈក្លែ ង”។ និងរួមមានអ្នកពាក់ពន្ធ័ជាច្រើនទៀត ប្តឹងពីបទ “ក្លែងបន្លំឯកសារសាធារណៈ និងប្រើប្រាស់ឯកសារក្លែង”។ ក្នុងឯកសារបែកធ្លាយបញ្ជាក់ថា លោក ង៉ោ ម៉េងជ្រួន ធ្វើការងារដោយខុស ច្បាប់និងរំ លោភការងាររដ្ឋ ធ្លាប់បានស៊ីញ៉េបោះត្រាទុកមុន លើឯកសារដីធ្លី និង លើលិខិតគតិយុត្តិនានា និង សមគំនិតក្នុងអំពើក្លែងបន្លំឯកសារ និងប្រើប្រាស់ឯកសារសាធារណៈក្លែង កាងឈ្មួញទុច្ចរិត ខិលខួច មួយចំនួនដែលមានឥទ្ធិ ពលខ្លាំង និងមានអ្នកធំៗកាងពីក្រោយ បានឃុប ឃិតគ្នាជាមួយអាជ្ញាធរមូលដ្ឋាន រំលោភដណ្តើមដីកម្ម សិទ្ធិប្រជាពលរដ្ឋជាច្រើន ដែលធ្វើឲ្យប្រជាពលរងទឹកភ្នែក និងរងភាពអយុត្តិធម៌។ ហើយលេខដែលលោក ង៉ោ ម៉េងជ្រួន ចុះលើឯកសារដីដែលស៊ីញ៉េបោះត្រា មុនសរសេរប្រវត្តិដីនេះ ក៏មានជាន់គ្នានឹងឯកសារមុនៗទៀតផង ។ រឿងនេះបើជាអ្នកដទៃប្រព្រឹត្តវិញនិងត្រូវជាប់ ចោទពីបទក្លែ ងបន្លំឯកសារសាធារណៈទាំងស្រុងហើយអាចជាប់គុក ។ ទង្វើភ្លើធ្វើចេះ ដើម្បីរកលាភសក្ការៈរៀបនេះ វាបង្កជាហានិភ័យហើយ អ្នករងគ្រោះ គឺប្រជាពលរដ្ឋដែលមានប្រាក់កាសបន្តិចបន្តួចយកទៅ ទិញដី ទិញផ្ទះ ហើយប៉ះដីប្លង់ត្រួតគ្នា ដែលលោកអតីតអភិបាលក្រុង និងបច្ចុប្បន្នជាអភិបាលរងខេត្តបន្ទាយមានជ័យ ស៊ីញ៉េបោះត្រាទុកមុនបង្កជាចលាចលវឹកវរ។ មិនតែប៉ុណ្ណោះហើយក៏បានឃុបឃិតគ្នា លួចលក់ដីរដ្ឋចំនួន៨ហិតា ពុករលួយ ស៊ីញ៉េយកលុយដាក់ចូលហោប៉ៅ បានប្រាក់វ៉ាល់លានដុល្លារអាមេរិក។ ប្រសិនបើគេមិនទាន់ភ្លេចទេ រឿងលោកង៉ោ ម៉េងជ្រួន បង្កកាលខ្លួននៅជាអភិបាលក្រុងប៉ោយប៉ែតនេះ មិនខុសកាលពី ជំនាន់លោកអតីតមេឃុំប៉ោយប៉ែត ខៀវ រដ្ឋា ដែលរត់យកត្រាឃុំទៅជាមួយផង ហើយចេះតែបោះលើឯកសារដី បណ្ដាលអោយមានការវឹកវរម្ដងរួចហើយ ។ សូបញ្ជាក់ថា៖ លោក សាន ស៊ានហូ អភិបាលស្រុកអូរជ្រៅ ធ្លាប់ផ្ទុះកំហឹងជាមួយ និងលោក ង៉ោ ម៉េងជ្រួន អតីតចៅហ្វាយក្រុងប៉ោយប៉ែត រូបនេះ និងបានហៅលោកង៉ោ ម៉េងជ្រួន ថាជាមនុស្សមានសារជាតិ ខ្មៅ ងងឹត និងពឹសពុល ហើយមានកលល្បិច ពុករលួយច្រើន ព្រមទាំង បក្ខពួកនិយម បានឃុបឃិតគ្នាលួចដីរដ្ឋចំនួន ៨ហិតា ដែលលោក និង សពអតីត អភិបាលខេត្តគឺ លោក ទ្រី ណារិន្ទ ខិតខំរកទុកជាយូរ មកហើយនោះ លួចលក់អស់ហើយ។ ក្រៅតែពីរិះគន់របស់លោកលោក សាន ស៊ានហូ បានលើកឡើងអំពីភាពអវិជ្ជមាន ជាច្រើនរបស់ លោកង៉ោ ម៉េងជ្រូន ដែលធ្វើជាអភិបាលក្រុង ប៉ោយប៉ែតយូរហើយ ប៉ុន្តែគ្មានឃើញ អភិវឌ្ឍន៍អ្វីសោះ ក្រៅតែពីស៊ីញ៉េយកលុយ ដាក់ចូលហោប៉ៅ ពុករលួយបានប្រាក់វ៉ាល់លានដុល្លារអាមេរិក ហើយមិនព្រម ធ្វើផ្លូវអោយប្រជាពលរដ្ឋបានធ្វើដំណើរទេ តើពេលស្លាប់ទៅយកលុយទៅតាមដែរឬអី? លោក ង៉ោ ម៉េងជ្រួន ជាមន្ត្រីដែលពោរពេញទៅដោយរឿងអាស្រូវជាប់ខ្លួនបែរជាបានឡើងឋានៈទៅវិញ ? ឬក៏មន្ត្រីគណបក្សប្រជាជនយើងចូលចិត្តចឹងដូចពាក្យខ្មែរថារពឹសដៃផ្ទៃឆ្អែតអត់ជាប់គុក? មតិរបស់មន្រ្តីអង្គការសង្គមសុីវិលបានលើកឡើងថា៖កាដោះស្រាយជម្លោះដីធ្លី បើយកអ្នកបង្កើតបញ្ហា ទៅដោះទោះ១០ ដងទៀត ក៏គូរភាគីមិនអាចទទួលយកបាន និងមានជាដំណោះស្រាយដែរ ។ ម្យ៉ាងទៀត អ្នកទៅដោះស្រាយនោះត្រូវមានបទពិសោធន៍ និងស្តាប់មូលហេតុ សំណូមពរ និងការទាមទាររបស់ភាគីជនរងគ្រោះផង ។ហើយបើទៅដោះស្រាយ អ្នកដោះមានជំហរស្តាប់តែភាគីម្ខាងហើយសង្កត់ភាគីម្ខាងហើយ គឺមិនអាចរកដំណោះស្រាយដល់ទីបញ្ចប់បាននោះឡើយ ។ សូមអង្គភាពប្រឆាំងអំពើពុករលួយ និងក្រសួងអាណាព្យាបាលមេត្តាជួយស៊ើបអង្កេត មើលភាពមិនប្រក្រតីដែលបង្កឡើងដោយអតីតចៅហ្វាយក្រុងប៉ោយប៉ែតនេះផងទាន។ សង្ឃឹមថានឹងមានការបំភ្លឺពីលោកង៉ោ ម៉េងជ្រួនក្រោយពីអត្ថបទនេះបានផ្សព្វផ្សាយ៕
ព័ត៌មានគួរចាប់អារម្មណ៍
ពលរដ្ឋ៣ភូមិ នៅស្រុកសណ្ដាន់ រងគ្រោះដោយសារក្រុមហ៊ុន ស៊ីអ ស៊ីខេ ឈូកឆាយរំលោភយកដីពួកគាត់ សុំឲ្យសម្ដេចតេជោជួយអន្តរាគមន៍ (ខ្មែរជាយដែន)
ឆ្នោត សៀមនិងយួន ត្រូវគេបើកលេងម៉ាសេរី នៅទីក្រុងទេសចរណ៍សៀមរាប (ខ្មែរជាយដែន)
រថយន្តធុនធំ ដឹកប្រេងគេចពន្ធ ពីថៃ ចូលកម្ពុជា តាមច្រកជប់គគីរ ម៉ាសេរី (ខ្មែរជាយដែន)
វីដែអូ
ចំនួនអ្នកទស្សនា