សេចក្តីជូនដំណឹងស្តីពីការបង់ពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ ជាច្រើនសន្លឹក ចេញដោយ លោកព្រឺម សាលីប្រធានសាខាពន្ធដារខេត្តបន្ទាយមានជ័យ តម្រូវឲ្យពលរដ្ឋទៅបង់លុយពន្ធ មានបញ្ហា QR Code ដោយស្កែនចេញទិន្ន័យ តែចំនួនទឹកលុយដែលត្រូវបង់មានចំនួនលុយមិនត្រូវគ្នា នឹងទិន្នន័យដែលក្រសួងបានកំណត់នោះទេ។ បញ្ហានេះកើតឡើងនៅពេលដែលពលរដ្ឋចូលទៅប្រើប្រាស់កម្មវិធីត្រួតពិនិត្យនិងតាមដានឯកសារ របស់អគ្គនាយដ្ឋានពន្ធដា។ នេះបើតាមប្រភពជាច្រើនដែលបានរាយការណ៍ផ្តល់ឯកសារព័ត៌មាន និងធ្វើវីឌីអូឃ្លីបផ្ញើមកកាន់មកសារព័ត៌មានខ្មែរជាយដែន។ ភាពមិនប្រក្រតីមួយទៀតដែលកើតឡើងលើករណីបង់ពន្ធនេះ គឺសេចក្តីជូនដំណឹងស្តីពីការបង់ពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ ចេញដោយលោកព្រឹម សាលីប្រធានសាខាពន្ធដារខេត្តបន្ទាយមានជ័យ មានបញ្ជាក់លេខកុងធនាគាដៃគូយ៉ាងច្បាស់នៅក្នុងតារ៉ាងនោះ ប៉ុន្តែពេលយកទៅបង់បែជាមន្ត្រីដាក់ចូលទៅកុងធនាគារឈ្មោះព្រឹម សាលីទៅវិញ។ ពលរដ្ឋជាច្រើនបានបញ្ជាក់ថា ពេលពួកគាត់យកទៅបង់ពន្ធផ្ទាល់ បែជាមានឈ្មោះព្រឹម សាលីទៅបង់ជំនួសពួកគាត់ទៅវិញ។ ហើយចំនួនលុយដែលត្រូវបង់ គឺតែងតែខុសគ្នាជាមួយចំនួនជាក់ស្តែងនៅពេលដែលកម្មវិធីត្រួតពិនិត្យនិងតាមដានឯកសារ របស់អគ្គនាយដ្ឋានពន្ធដា។ លើបញ្ហានេះភ្នាក់ងារផ្តល់ព័ត៌មានតាមខ្សែទូរស័ព្ទ របស់អគ្គនាយដ្ឋានពន្ធដាបានបញ្ជាក់ថា គ្មានប្រធានសាខា ណាម្នាក់មានសិទ្ធិប្រើប្រាស់គណនីផ្ទាល់ខ្លួន ដើម្បីបង់ពន្ធជូនពលរដ្ឋនោះទេ!។ លោកបានបញ្ជាក់បន្ថែមថា ចំនួនលុយដែលត្រូវបង់ពន្ធដែលមានសេចក្តីជូនដំណឹងស្តីពីការបង់ពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ គឺត្រូវតែដូចគ្នាជាមួយចំនួនដែលបានបង្ហាញតាមរយៈការស្កែន QR Code ក្នុងកម្មវិធីត្រួតពិនិត្យនិងតាមដានឯកសារ របស់អគ្គនាយដ្ឋានពន្ធដា។ ករណីតម្លៃបង់ពន្ធ ត្រូវឆ្លងតាមគណនីបុគ្គលព្រឹម សាលី ប្រធានសាខាពន្ធដារខេត្តបន្ទាយមានជ័យ រួមនិងមានភាពមិនប្រក្រតីនៃតម្លៃ ក្នុងសេចក្តីជូនដំណឹងស្តីពីការបង់ពន្ធប្រថាប់ត្រាលើការផ្ទេកម្មសិទ្ធិ ឬសិទ្ធិកាន់កាប់អចលនទ្រព្យ ខុសពីការស្កែន QR Code ពលរដ្ឋជាច្រើន ងើយឆ្ងល់ និងសង្ស័យថាជាចេតនាគៃបន្លំ និងប្រព្រឹត្តអំពើពុករលួយជាប្រព័ន្ធ។ ជាភស្តុតាងមានពលរដ្ឋ ជាច្រើនការចូលរួមផ្តល់ឯកសារវិក័យបត្រដែលបានបាញ់ចូលក្នុងគណនីរបស់លោកព្រឹម សាលី។ ប្រើរូបបង្ហាញវិក័យបត្រ....ចប់