ព័ត៌មានចាស់ៗ
សហភាពអឺរ៉ុបព្រមានចាត់វិធានការលើការបង្ក្រាបនយោបាយនៅកម្ពុជា
ភ្នំពេញ៖ ក្រុមប្រឹក្សាទទួលបន្ទុកកិច្ចការបរទេសនៃសហភាពអឺរ៉ុបបានចេញនូវសេចក្ដីសម្រេចមួយនៅថ្ងៃច័ន្ទនេះព្រមានចាត់វិធានការតបតនឹងរដ្ឋាភិបាលកម្ពុជាចំពោះការបង្ក្រាបនយោបាយដ៏ជ្រាលជ្រៅលើក្រុមនយោបាយជំទាស់ អង្គការសង្គមស៊ីវិល និងបណ្ដាញសារព័ត៌មានដែលមិនចំណុះរដ្ឋអំណាចខ្មែរ។ អានបន្ត
យុវជន គង់ រ៉ៃយ៉ា ត្រូវបានតុលាការដោះលែងឲ្យនៅក្រៅឃុំជាបណ្តោះអាសន្ន
ភ្នំពេញ៖ នៅទីបំផុតទៅ យុវជន គង់ រ៉ៃយ៉ា ដែលគេដឹងថា ជាយុវជន កែម ឡីនិយមម្នាក់ទៀត ត្រូវបានតុលាការក្រុងភ្នំពេញ សម្រេចដោះលែងឲ្យនៅក្រៅឃុំជាបណ្តោះអាសន្នហើយ កាលពីព្រឹកថ្ងៃទី ២៩ វិច្ឆិកា នេះ។ យុវជន គង់ រ៉ៃយ៉ា ត្រូវបានដោះលែង បន្ទាប់ពីយុវជន សួង នាគព័ន្ធ នៅក្នុងបរិបទនៃការវិវត្តន៍ស្ថានការណ៍នយោបាយនៅកម្ពុជាមានការប្រែប្រួលនារយៈពេលចុងក្រោយនេះ។ អានបន្ត
ដើម្បីអបអរសាទនៅថ្ងៃឆ្លងឆ្នាំ២០១៩ ចូល២០២០ ថៃបានស្នើសុំបើកច្រកទ្វារអន្តរជាតិប៉ោយប៉ែត ចំនួន២ថ្ងៃ រហូតដល់ម៉ោង២រំលងអធ្រាត្រ
បន្ទាយមានជ័យ ៖ លោកអភិបាលខេត្តស្រះកែវ នៃព្រះរាជាណាចក្រថៃឡង់ដ៍ បានស្នើសុំដល់ចៅហ្វាយខេត្តបន្ទាយមានជ័យ ក្នុងរយៈពេលពីរថ្ងៃ គឺចាប់ពីថ្ងៃទី៣០ ដល់ថ្ងៃទី៣១ ខែធ្នូ ឆ្នាំ២០១៩ ដើម្បីឲ្យប្រជាពលរដ្ឋ នៃប្រទេសទាំងពីរ បានធ្វើដំណើរកម្សាន្ត ឆ្លងកាត់ទៅមកដោយគ្មានការត្រួតពិនិត្យអ្វីទាំងអស់ រហូតដល់ពេលយប់ថ្ងៃឆ្លងឆ្នាំចប់សព្វគ្រប់ ទើបដំណើរការបិទច្រកដូចធម្មតាឡើងវិញ តែលោកអភិបាលខេត្តបន្ទាយមានជ័យ ក៏បានឆ្លើយតបទៅវិញថា លោកនឹងសុំគោលការណ៍ទៅក្រសួងមហាផ្ទៃដើម្បីសម្រេចសិន។ អានបន្ត
អ្នកប្រជាធិបតេយ្យនៅហុងកុងដណ្ដើមបានអំណាចមូលដ្ឋាន បានហើយ
ភ្នំពេញ៖ យោងតាមលទ្ធផលបោះឆ្នោត នៅក្នុងការបោះឆ្នោត ក្រុមប្រឹក្សាស្រុក ចំនួន ១៨ស្រុក និងខណ្ឌនៃដែនដី រដ្ឋបាលស្វ័យត ក្រុងហុងកុងនៅក្រោម របបគ្រប់គ្រង ប្រទេសមួយប្រព័ន្ធ២ ដែល បក្សកុម្មុយនិស្តចិនបានដាក់ចុះអោយអនុវត្តចាប់តាំងពីអាណានិយគមអង់គ្លេស ប្រគល់អោយ នៅឆ្នាំ១៩៩៧ បានបង្ហាញថា ពលរដ្ឋហុងកុងបានសម្រេចទាត់ ចោល ប្រព័ន្ធត្រួតត្រារបស់ចិន។ អានបន្ត
ពលរដ្ឋខ្មែរនៅកូរ៉េដែលគាំទ្របក្សប្រឆាំងធ្វើបាតុកម្មទាមទារឲ្យស្តារលទ្ធិប្រជាធិបតេយ្យនៅកម្ពុជា
ដូចការគ្រោងទុកក្រុមពលរដ្ឋខ្មែរដែលភាគច្រើនគឺជាយុវជនដែលគាំទ្រគណបក្សប្រឆាំងបាននាំគ្នាធ្វើបាតុកម្មនៅថ្ងៃអាទិត្យនេះនៅកូរ៉េខាងត្បូង ដោយមានអ្នកចូលរួមប្រមាណជាង២០០នាក់។ ជាបាតុកម្មដែលត្រូវបានអ្នករៀបចំអះអាងថា ដើម្បីបង្ហាញទៅសហគមន៍អន្តរជាតិពីបញ្ហាកំពុងកើតឡើងនៅប្រទេសកម្ពុជា និងទាមទារឲ្យស្តារលទ្ធិប្រជាធិបតេយ្យឡើងវិញ។ អានបន្ត
ក្រសួងព័ត៌មាន បញ្ចប់សេចក្តីព្រាងច្បាប់ស្តីពីសិទ្ឋិទទួលព័ត៌មានទាំងមូល
ភ្នំពេញ៖ ក្រសួងព័ត៌មាន បានបញ្ចប់សេចក្តីព្រាង ច្បាប់ ស្តីពីសិទ្ឋិទទួលព័ត៌មានទាំងមូលហើយ និងត្រៀមបញ្ជូនទៅគណៈរដ្ឋមន្ត្រី ដើម្បីពិនិត្យ និងពិភា ក្សាបន្ត មុនឈានទៅអនុម័តដាក់ឲ្យប្រើប្រាស់ជាផ្លូវ ការនាពេលខាងមុខ។ អានបន្ត
ទូតអាមេរិកជួបនាយករដ្ឋមន្ត្រីលើកទី២ ជជែកពីបញ្ហាសិទ្ធិមនុស្សនិងប្រជាធិបតេយ្យ
ភ្នំពេញ៖ ឯកអគ្គរដ្ឋទូតអាមេរិកប្រចាំកម្ពុជាដែលទើបចូលកាន់តំណែងថ្មី បានជួបសម្តេចនាយករដ្ឋមន្ត្រី ហ៊ុន សែន ជាលើកទី២ ជជែកលើបញ្ហាដដែលគឺការពង្រឹងការគោរពសិទ្ធិមនុស្ស និងស្តារលទ្ធិប្រជាធិបតេយ្យ ដើម្បីបន្តពង្រឹងទំនាក់ទំនងទ្វេភាគីរវាងប្រទេសទាំងពីរ។ អានបន្ត
លោក សម រង្ស៊ីថា ប្រជាធិបតេយ្យអាណត្តិនេះស្ទើដល់កម្រិតសូន្យ តែសម្ដេច ហ៊ុន សែនថាអនុវត្តន៍យ៉ាងល្អ
ភ្នំពេញ៖ លោក សម រង្ស៊ី អះអាងថា ប្រជាធិបតេយ្យនៅកម្ពុជានៅអាណត្តិទី ៦ នេះ ស្ទើតែនឹងដល់ចំណុចសូន្យ ។ ការបញ្ជាក់បែបនេះក្រោយពេលដែលសម្ដេច ហ៊ុន សែន ថាកម្ពុជាអនុវត្តប្រជាធិបតេយ្យបានយ៉ាងខ្ជាប់ខ្ជួន ។ អ្នកវិភាគថា កម្ពុជាមានការរិតត្បិតប្រជាធិបតេយ្យ ហើយគួរពិចារណា អំពីការអះអាងរបស់ខ្លួនថាកម្ពុជាមានប្រជាធិបតេយ្យ តែអន្តរជាតិធំៗមិនទទួលស្គាល់ ។ អានបន្ត
ក្រុមហ៊ុនបញ្ជាទិញធំពីរព្រមានដកខ្លួនពីកម្ពុជាងាកទៅប្រទេសដទៃប្រសិនបើ EBA បាត់បង់
ក្រុមហ៊ុនបញ្ជាទិញផលិតផលកាត់ដេរធំៗរបស់អឺរ៉ុប បានព្រមានថា ពួកគេនឹងដកអាជីវកម្មរបស់ពួកគេពីប្រទេសកម្ពុជា ហើយងាកទៅរកប្រទេសដទៃទៀតនៅក្នុងតំបន់ ប្រសិនបើប្រព័ន្ធអនុគ្រោះពាណិជ្ជកម្មដែលអឺរ៉ុបផ្ដល់មកកម្ពុជា ត្រូវបានដកហូតនាពេលខាងមុខនេះ។ អានបន្ត
ចៅក្រមសម្រេចបិទបញ្ចប់ការស៊ើបសួរសំណុំរឿង លោក កឹម សុខា
ភ្នំពេញ៖ ចៅក្រមស៊ើបសួរនៃសាលាដំបូងរាជធានីភ្នំពេញ នៅថ្ងៃទី១៥ខែវិច្ឆិកានេះ បានប្រកាសបិទបញ្ចប់ការស៊ើបសួរលើសំណុំរឿងលោក កឹម សុខា ហើយចាប់ពីពេលនេះតទៅ។ សូមម្រាបជូនថា ចៅក្រមបានបើកការស៊ើបសួរក្នុងសំណុំរឿងលោក កឹម សុខា អស់រយៈជាង២ឆ្នាំរួចមកហើយ ពោលគឺតាំងពេលចាប់ខ្លួនប្រធានគណបក្សប្រឆាំងរូបនេះ នៅយប់ថ្ងៃទី៣កញ្ញាឆ្នាំ២០១៧មកម្ល៉េះ។ អានបន្ត
សម្ដេច ហ៊ុន សែន បញ្ជាឱ្យដោះលែងជនសង្ស័យពាក់ព័ន្ធលោក សម រង្ស៊ី ឱ្យនៅក្រៅឃុំ
ភ្នំពេញ៖ សម្ដេចនាយករដ្ឋមន្ត្រី ហ៊ុន សែន បញ្ជាឱ្យដោះលែងជនសង្ស័យទាំងអស់ ដែលត្រូវបានសមត្ថកិច្ចចាប់ខ្លួន ពាក់ព័ន្ធករណីលោក សម រង្ស៊ី កាលពីពេលថ្មីៗនេះ ឱ្យនៅក្រៅឃុំ ប៉ុន្តែស្ថិតនៅក្រោមការត្រួតពិនិត្យរបស់តុលាការ។ ប្រមុខរដ្ឋាភិបាល ថ្លែងបែបនេះ នៅក្នុងពិធីសម្ពោធរោងចក្រផលិតស៊ីម៉ង់តិ៍ «ថៃប៊ុនរ៉ុង» នៅព្រឹកថ្ងៃទី ១៤ វិច្ឆិកា ។ អានបន្ត
សហភាពអឺរ៉ុបចេញរបាយការណ៍វាយតម្លៃ EBA លើកទី២ ខណៈដែលនយោបាយកម្ពុជាកាន់តែតានតឹង
ភ្នំពេញ៖ សហគមន៍អឺរ៉ុបនៅថ្ងៃអង្គារនេះ បានចេញសេចក្តីថ្លែងការណ៍ជាលើកទី២ ដោយទុកពេលឲ្យកម្ពុជារយៈពេលមួយខែដើម្បីឆ្លើយតបបញ្ហាសិទ្ធិមនុស្ស មុននឹងសម្រេចថាត្រូវដកប្រព័ន្ធអនុគ្រោះពន្ធ «អ្វីគ្រប់យ៉ាងលើកលែងតែអាវុធ» ពីកម្ពុជាឬយ៉ាងណា។ អានបន្ត
ព្រះមហាក្សត្រ៖ ការរួបរួមគ្នា ទើបអាចជួយស្រោចស្រង់កម្ពុជា តែអ្នកនាំពាក្យថា ជាពេលអនុវត្តន៍ច្បាប់
ភ្នំពេញ៖ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃប្រទេសកម្ពុជា មានព្រះរាជបន្ទូលដោយក្តីជឿជាក់ថា មានតែការរួបរួមគ្នាជាធ្លុងមួយតែប៉ុណ្ណោះ ទើបអាចស្រោចស្រង់ប្រទេសកម្ពុជា និងឯករាជ្យបាន ។ អ្នកនាំពាក្យរាជរដ្ឋាភិបាលថា នេះជាសារដ៏មានតម្លៃ តែការរួបរួម ចិត្តសណ្ដោស រួមទាំងវប្បធម៌សន្ទនាជាដើម ត្រូវបានលោក សម រង្ស៊ី បំផ្លាញអស់ហើយ ដែលពេលនេះជាពេលអនុវត្តន៍ច្បាប់ ។ កន្លងទៅ បក្សកាន់អំណាច និងអតីតបក្សប្រឆាំងថា គ្មានការចរចាគ្នានោះទេ ។ អ្នកវិភាគ អ្នកតាមដានការវិវត្តសង្គម និងបក្សនយោបាយមួយចំនួនថា កម្ពុជាដល់ពេលចរចាគ្នាហើយដើម្បីផលប្រយោជន៍ជាតិ ។ អានបន្ត
សភាពាណិជ្ជកម្មEUព្រមានពីការបាត់បង់ការងារកម្មករ៩ម៉ឺននាក់ដោយសារដកEBA
ដំណើរការដកប្រព័ន្ធអនុគ្រោះពន្ធទៅវិញរបស់សហភាពអឺរ៉ុបដែលហៅថា EBA នឹងមកដល់នៅដើមឆ្នាំ2019។ ថ្វីបើរាជរដ្ឋាភិបាលកម្ពុជាបានលើកឡើងថា កម្ពុជាមិនដូរអធិបតេយ្យនិងជំនួយហៅបញ្ជាក់ថាពេលខាងមុខប្រព័ន្ធនេះក៏នឹងដកហូតក៏ប៉ុន្ដែសមាគមកាត់ដេរ GMAC ពិតជាបានព្រួយបារម្ភដូចសភាពាណិជ្ជកម្មអឺរ៉ុប បានអះអាងថាមនុស្សប្រមាណ៩ម៉ឺននាក់នឹងបាត់បង់ការងារធ្វើពេលអស់ពីប្រព័ន្ធអនុគ្រោះពន្ធនេះទៅ។ នេះបើតាមសេចក្តីរាយការណ៍មួយរបស់ទីភ្នាក់ងារព័ត៌មាន Reuters។ អានបន្ត
អ្នកតំណាងរាស្រ្តអូស្ត្រាលីថា ការទាមទារផ្លាស់ប្តូរពីក្នុងប្រទេសជាកម្លាំងសំខាន់
ភ្នំពេញ ៖ក្នុងពេលដែលមេដឹកនាំនយោបាយកម្ពុជាបន្តផ្តោះផ្តងវោហារសាស្ត្រនយោបាយព្រមានគ្នាទៅវិញទៅមកនៅមុនពេលមាតុភូមិនិវត្តន៍របស់មេដឹកនាំគណបក្សប្រឆាំង អ្នកតំណាងរាស្ត្រអូស្ត្រាលីមួយរូបបានផ្តល់ដំបូន្មានថា កត្តាសំខាន់គឺពលរដ្ឋនៅក្នុងប្រទេសកម្ពុជាឯណោះទេដែលជាអ្នកសម្រេចជោគវាសនាប្រទេសជាតិពិតប្រាកដ។ អានបន្ត
សារចុងក្រោយមុនថ្ងៃ ៩ វិច្ឆិកា៖ លោក សម រង្ស៊ីថាពលរដ្ឋហួសចិត្តករណីរាជរដ្ឋាភិបាលចោទលោកថាក្បត់ជាតិ
ភ្នំពេញ៖ លោក សម រង្ស៊ី អះអាងដែលលោកថាជាសាចុងក្រោយ មុនពេលលោកវិលចូលកម្ពុជាវិញនៅថ្ងៃទី ៩ វិច្ឆិកា ឆ្នាំ ២០១៩ ថា លោកមិនមែនជាអ្នកក្បត់ជាតិនោះទេ ព្រោះលោកមិនបានធ្វើអ្វីខាតបង់ដល់កម្ពុជា ឬប្រជាជនឡើយ ។ ការបញ្ជាក់បែបនេះក្រោយពេលដែលតុលាការកម្ពុជាចោទប្រកាន់លោក ពីបទក្បត់ជាតិ ហើយនាយករដ្ឋមន្ត្រីកម្ពុជាតែងតែថាលោក សម រង្ស៊ី ជាមនុស្សក្បត់ជាតិបន្តពីឪពុក ។ អ្នកវិភាគថា មេដឹកនាំដែលដឹកនាំប្រទេសឱ្យវឹកវរ គឺមិនមែនជាមេដឹកនាំស្រឡាញ់ជាតិនោះទេ ។ អានបន្ត
លោកសម រង្ស៊ី អំពាវនាវឲ្យសហគមន៍អន្តរជាតិ«ឈរតាមគោលជំហរ»របស់បក្ស
ភ្នំពេញ៖ ខណៈយោធានិងអាជ្ញាធរកម្ពុជាកំពុងរឹតបន្តឹងខាងសន្តិសុខតាមព្រំដែន ដើម្បីត្រៀមចាប់ខ្លួនមេដឹកនាំនិងសមាជិកនៃគណបក្សសង្គ្រោះជាតិ ដែលនិរទេសក្រៅប្រទេស លោក សម រង្ស៊ី ដែលជាប្រធានស្ដីទីគណបក្សនេះ នៅតែបន្តឈរលើជំហររបស់លោក ក្នុងការធ្វើមាតុភូមិនិវត្តន៍ទៅកម្ពុជាវិញ។ លោកបានអំពាវនាវឲ្យសហគមន៍អន្តរជាតិ«ឈរជាមួយគោលជំហរ»របស់គណបក្សប្រឆាំងមួយនេះ ដើម្បីលទ្ធិប្រជាធិបតេយ្យនៅកម្ពុជា។ នេះបើយោងតាមអត្ថបទទស្សនៈផ្ទាល់របស់លោក សម រង្ស៊ី ដែលចុះផ្សាយលើគេហទំព័រ Project Syndicate កាលពីថ្ងៃទី១ ខែវិច្ឆិកាកន្លងទៅនេះ។ អានបន្ត
សម្តេចតេជោ ហ៊ុន សែន ជួបពិភាក្សាជាមួយតំណាងពិសេសរបស់ប្រធានាធិបតី Donald Trump ក្រៅកិច្ចប្រជុំកំពូលអាស៊ាន
បាងកក,ថៃ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី០៤ ខែវិច្ឆិកា ឆ្នាំ២០១៩នេះ បានឆ្លៀតពេលវេលាដ៏មមាញឹក នៃកិច្ចប្រជុំកំពូលអាស៊ាន នៅទីក្រុងបាងកក ប្រទេសថៃ ជួបសំណេះសំណាល និងពិភាក្សាជាមួយតំណាងពិសេសរបស់ប្រធានាធិបតី Donald Trump គឺលោក Robert C. O'Brien (រ៉ូប៊ែរ អូប្រៀន) នៅក្រៅកិច្ចប្រជុំកំពូលអាស៊ាន។ អានបន្ត
ធនាគារពិភពលោកព្រមានពីការបន្តធ្លាក់ចុះ នៃចំណាត់ថ្នាក់ការធ្វើអាជីវកម្មនៅកម្ពុជា
យោងតាមរបាយការណ៍សិក្សាប្រចាំឆ្នាំដែលមានឈ្មោះថា« Doing Business 2020» ចេញផ្សាយកាលពីថ្ងៃទី២៤តុលា ធនាគារពិភពលោក ឬ World Bank បានដាក់ចំណាត់ថ្នាក់បរិយាកាសនៃការធ្វើអាជីវកម្មនៅកម្ពុជានៅឆ្នាំ២០២០ខាងមុខគឺស្ថិតក្នុងចំណាត់ថ្នាក់លេខរៀងទី១៤៤ ក្នុងចំណោមប្រទេស១៩០។ ជាចំណាត់ថ្នាក់មួយដែលបង្ហាញថា បរិយាកាសនៃការធ្វើអាជីវកម្មនៅប្រទេសកំពុងអភិវឌ្ឍន៍មួយនេះបន្តធ្លាក់ចុះពីលេខរៀងទី១៣៨ ដែលទទួលបាននៅឆ្នាំ២០១៩នេះ។ អានបន្ត
លោក សម រង្ស៊ី ប្រកាសសុខចិត្តបូជាជីវិត និង សេរីភាពរបស់ខ្លួន ដើម្បីចូលមកកម្ពុជានៅថ្ងៃទី០៩ ខែវិច្ឆិកា
ប្រធានស្តីទីអតីតគណបក្សសង្រ្គោះជាតិ លោក សម រង្ស៊ី បានអះអាងថា លោកសុខចិត្តលះបង់សិទ្ធិ សេរីភាពរបស់លោក ដើម្បីប្តូរយកលទ្ធិប្រជាធិបតេយ្យ និង សេរីភាពជូនដល់ប្រជាពលរដ្ឋខ្មែរតាមរយៈការចូលមកប្រទេសកម្ពុជាវិញនៅថ្ងៃទី០៩ វិច្ឆិកា ខាងមុខ។ លោកប្រកាសដូច្នេះនៅក្នុងវីដេអូឃ្លីបមួយដែលបង្ហោះលើហ្វេសប៊ុកនៅយប់ថ្ងៃមិញនេះ។ មិនតែប៉ុណ្ណោះ លោក សម រង្ស៊ី ថែមទាំងប្រកាសស្ម័គ្រចិត្តបូជាជីវិតខ្លួនឯងថែមទៀត ដើម្បីបុព្វហេតុទាំងអស់នេះ។ អានបន្ត